اقرب شاعر عتيبي
حفيد سهوم المنايا29-Jun-2009, 02:50 PM
ياعتيبه ســـــــلامي ليش محدن يــــــرده
البلا فالشهـــــــاده ولارد الســــــــلامي
ياعتيبه تـــرانا كل خصمــــــن نضـــــــده
وكل شاعر اخصمـــه غصب ولااحترامي
سفير الدوله29-Jun-2009, 03:14 PM
ياهلا مرحبا واللي يخالف نحـده
والبلا في كلامك ياكثير الكلامي
لاتضد العتيبي ثم ضلعك يـهـــــده
وكل شاعر نفره لين يصبح عدامي
سهم الليل29-Jun-2009, 03:15 PM
مرحبا يا مرحبا حيث ودي ووده= تكسر الحيضان لا صارة الوارد ضامي
هات ماعندك وعد الصحيح ونعده=واعرف القانون وعرف حقوق النضامي
سهم الليل29-Jun-2009, 03:19 PM
سفير الدوله المعذره ماشفة ردك لكن واصل ومتابع
صح لسانك وصح لسان حفيد السهوم
حفيد سهوم المنايا29-Jun-2009, 03:50 PM
يامريضن تغني كلـــن طرقن توده
هاذا طرقن تعرفه والعبه فالزحامي
وابك ضلعي مثبت وانت منته بقــــده
قبل زرق السهوم وسلتن للحسامي
سفير الدوله29-Jun-2009, 04:18 PM
الطواريق تبغا واحدن فيه شده
دوك طرقك وقافك ياوليد النعامي
الصحيح الموثق حاول أنك تعده
خل عنك العلوم الضايعه يالغلامي
حفيد سهوم المنايا29-Jun-2009, 04:47 PM
كل حرن وهده وكل رجلن ومده
لاتضايق علامك هاذا طرقن تمامي
لو مزحنا علاكم رجلكم باح سده
ليش كل التحشد يارفيع المقامي
سفير الدوله29-Jun-2009, 05:56 PM
حركم ياسهوم الموت ضيع مهده
والبعير يتمايل قبل ميل السنامي
امزح وخاطري ماضاق مماتوده
اتسلا معك واخذ الحذر لاتنامي
* معليش على التأخير أنشغلت شوي _ صفقو ا يالصفوف ـ لايسري الليل
ابن ملحق29-Jun-2009, 06:00 PM
حفيد سهوم المنايا29-Jun-2009, 06:33 PM
فوق راسك يحلق وانت هاته ووده
صابك السهم صابك ياكسير العضامي
كان تبغا الحقيقه اجمع الي تعده
منك ماضاق بالي ياشبيه الحمامي
هههههههههه
اعذرنا على القصور وعذرك مقبول
مرداس29-Jun-2009, 07:46 PM
حفيد سهوم المنايا // سفير الدوله
صحت السنتكم مبدعين
متابع للفايده
حفيد سهوم المنايا29-Jun-2009, 08:59 PM
مرداس يشرفنا حضورك
والابداع بوجودك
سفير الدوله30-Jun-2009, 08:00 PM
والله انك لتصبح مثل تكس المكده
لين أشوفك بثوبك فالشوارع توامي
صيدتن جابها الله لحمها صار عرده
مار مع صلي ناري نجضها صار حامي
حفيد سهوم المنايا30-Jun-2009, 08:18 PM
مسيت بالخير اخوي سفير الدوله سلامات عسى ماشر عسى الغيبه خير ان شاءالله
ومرحبابك في محلك
انت رجلن مريض وعلتك من مكــده
مير لاتنقل الفيروس عبر الزكامــي
المواقف لهلها والاسامي اعـــــده
ميرخذها بكفي يالمزوح الحرامي
شاكر الثبيتي30-Jun-2009, 08:24 PM
حفيد سهوم المنايا30-Jun-2009, 08:35 PM
وجـــــــــــــهك ابيض ياشــــــــــــاكر اسعدتنا بحضورك
سفير الدوله01-Jul-2009, 02:50 PM
اعذرنا اخي حفيد المنايا على الاطاله والحقيقه الاشغال واجد واستلم الرد
اختصر في كلامك مالك ومال سرده
واذكر فعولنا في كل شهرن وعامي
رضوتك ياحفيد اليوم ماغير ورده
دام يزعلك حتى الضحك والابتسامي
حفيد سهوم المنايا03-Jul-2009, 06:01 PM
الله لايهينك اخوي سفير الدوله وتشرفت بلعب معك والاستفاده منك
والخاته كانت عندك وخاتمة خير ان شاءالله انتهت الملعبه
زبون النخاوي28-Jul-2009, 10:32 AM
مشكورين محاوره أكثر من رائعه
سعد الوافي28-Jul-2009, 11:11 AM
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
