أبن سرحـآن .. نبي نتعلم منك
المقدام13-Jul-2009, 12:01 AM
أبن سرحان أبه ضيقه وسبتها من التحكيم = ولا ليته عطاك المركز الأول مع الثاني
ترى جوٌك دخله الغيم لوك ماتشوف الغيم = وبعد أنك وردت البير جيت وقلت ضمياني
صيـاّف13-Jul-2009, 12:32 AM
أبن سرحان أبه ضيقه وسبتها من التحكيم
ياسلااام
صح لـسانك / وبإنظار إبن سرحان !
المقدام13-Jul-2009, 12:50 AM
أبن سرحان أبه ضيقه وسبتها من التحكيم
ياسلااام
صح لـسانك / وبإنظار إبن سرحان !
صح بدنك ولاهنت ع المرور ...
محمد العتيبي13-Jul-2009, 12:55 AM
صح لسااانك يالمقدااام على البدعه الرائعه ..
وننتظر الثبيتي للإجابة المقنعه :)
تحيتي
..
المقدام13-Jul-2009, 01:06 AM
صح لسااانك يالمقدااام على البدعه الرائعه ..
وننتظر الثبيتي للإجابة المقنعه :)
تحيتي
..
صح بدنك أخوي محمد
وشاكر لك مرورك
عبدالله الاصعر13-Jul-2009, 01:07 AM
المقدام صح لسانك
وصح لسان ابن سرحان مقدما
تحياتي
المقدام13-Jul-2009, 01:19 AM
المقدام صح لسانك
وصح لسان ابن سرحان مقدما
تحياتي
صح بدنك ياعبدالله
ومرورك شرف لي ..
فايز بن سرحان الثبيتي13-Jul-2009, 12:53 PM
غير المعنى واتشرف بمجاراتك
هذا المعنى اشبعناه كلام
تحيتي لكــ
ابن سرحان متعلم ماهو في حاجة التعليم = الي وجهة نظر واعلنتها والهرج مجاني
لو ان الله هداه ولا دخل في سياسة الترقيم = حسبته مجتهد والمجتهد مثل اصغر اخواني
غبيوي داورد13-Jul-2009, 01:01 PM
الله الله
صح السنتكم جميع معكم متابع
المقدام13-Jul-2009, 06:11 PM
لي الشرف باللعب معك
والقصد من اللعب معك هو التعلم منك
مادام الهرج من حسره وصدرك ممتلي بالضيم = نبى ناخذ معك محراف لامجني ولا جاني
ليا ذلحين ماطبت وتبى تنسب لك التعظيم = نصيحه ياثبيتي لو تجي في ضل صيواني
المقدام13-Jul-2009, 06:12 PM
صح بدنك
يالغبيوي ومتابعتك شرف لي
فايز بن سرحان الثبيتي13-Jul-2009, 06:57 PM
مواثيق القبايل تلتزم فيها كبار اسليم = وانا عهد ٍ علي اني لامشيها على شاني
وانا طيب ليا طاب الزمان ولا خسرت القيم =افل احجاج ربعي واتعشى قسم عدواني
فايز بن سرحان الثبيتي13-Jul-2009, 07:41 PM
جميع الرائعين الذين شرفونا باطلاعهم لاعدمتكم ولا عدمت اطلاعكم
......
والعذر على القصور
المقدام13-Jul-2009, 08:14 PM
مواثيق القبايل ماتغير وانشد ابو خشيم = والن كانك معي تبلش ترى مانيب بلشاني
تقوله والفعل بيٌن ولو صادق طرحت الريم = مادام أنك ولد عمي ترى هرجي من لساني
فايز بن سرحان الثبيتي13-Jul-2009, 08:33 PM
رحى الايام قامت تدرج فيداك يابن عثيم = احسبنك منول تاجر مخباك ملياني
ولكن دامت الدعوه كذا ماني هناك مقيم = انا اول من وصل قمة كرى ماحد تعداني
المقدام14-Jul-2009, 01:04 AM
أسف على التاخير بس رحت للمحاوره اللي بين فهد العازمي وتركي الفين
الختـآآم عندك يابن سرحان وتشرفت باللعب معك
وإذا بذر مني خطا العذر والسموحه
تقوله وانت ماعندك حصيل فموعد التسليم = تجنب عن طريق الحق ثم تقول زعلاني
مادام أنك وصلت أبشر نبى نرسل لك التكريم = ولكن مانته بقدمي وموقعكم ترى وزاني
فايز بن سرحان الثبيتي14-Jul-2009, 07:07 AM
صح لسانك يالمقدام
بيتك مسك الختام
ولا جا قصور
حمد العطاوي14-Jul-2009, 07:53 AM
المقدام14-Jul-2009, 10:02 AM
ابن سرحان
صح لسانك ولاهنت على هالطاروق
حمد العطاوي
صح بدنك
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
