ماحلى المشوار من فوق جيب اخر موديل ::::::منوت اللي ديرته مبطيٍ مازارها

ماحلى المشوار من فوق جيب اخر موديل =منوت اللي ديرته مبطيٍ مازارها
زين جلده لقبلت للمسا شمس الاصيل =مع فياضٍ يشرح الصدر شوف ازهارها
جيب لكزز لو يقولون ماجاله مثيل =دايم اهل الصنف يمه تلد انظارها
فالبلد والبر ولا مع الدرب الطويل =نازح الدار البعيده يقرب دارها
من شراه وجربه فاللوازم مستحيل =مايبيع الحاجه اللي عرف مقدارها
مثل شيخٍ فالوغا جرد السيف الصقيل =في نهارٍ ثار دخانها وغبارها
ينثني دون الكسيره ليا نار الذليل =ساعةٍ فيها النشاما تضيع افكارها
نصه اللي يكرم الضيف ويفك الدخيل =والفتن بين الرفاقه يطفي نارها
وجنبه عن بيت راع النمايم والبخيل =وخير من سرد العلوم الطوال قصارها
والسلام ختام والحمد والشكر الجزيل =لخالق العالم وعالم جميع اسرارها

الشاعر / سلطان بن براك الغنامي

صح لسان الشاعر سلطان ابن براك

وبيض الله وجهك ولا عدمناك يا الاد غنام على ما تتحفنا به

صح لسانك وبيض الله وجهك







وتقبل مرووري

صح الله اللسان الشاعر سلطان



وبيض الله وجهك يالأد غنام على القصايد الي تتحفنا بها