فواز السعيدي أقرب

يامرحبا باللي بنى بيته على حيد الطريق=نبا نجيه وناصله مادام بيته انبنى
العاني اللي نحسبه معنابمنزال الرفيق=جاب المعاني كلها والليل مابعد انثنى

الله الله

.........


دام البقا .. بيتي رفيع ومرتفع كنّه طويق = تلقى الكرمه والشهامه يوم تاصل عندنا !!

اليا رضيتو ..مرحبا .. واليازعلتو .. في حريق = حنا نحب نمازح عتيبه .. ونازن مزحنا !!

ياسرع ماتزعل وحنا ماقلطنا ياصديق=ياليت راعي غربنا يسر راعي شرقنا

من راس ضلع البنت ماتقدر تعس ولاتويق=والبنت ماهي بنت لاكن أنت عارف قصدنا

الله الله
/////
..........


ترى الزعل ممنوع ورموز المعاني ماتعيق = ذكرتني باللي يغني في ..(خطر غصن القنا) !!

نعطيك مهله 17 يوم لين انك تفيق = البنت زولٍ مخفي اسمه واسم ابوه وجاينا !!

حنا ردمنا البير ياغلطان لوماهو عميق=لاكن وين الخوخ والرمان وعذوق الجنا
الشيخ يكتب فالجرايد والكتابة لا تليق=إمَا تبريتوامنه والا أكلنا بعضنا

/
/
/
....


ان كنت رجالٍ حقيقي منت باللصقه لصيق = علمني اسمك واسم جدك ونتفاهم بيننا !!

اما على وضعك هذا .. نبغا نسميك اللفيق = المعذره مانقدر نسولف معك .. من طيبنا !!

ياخوك أنا من شرق جيتك لاتعاين للمضيق=لا تصفق حقوق العرب وتشوف قوة باسنا
ياهيه مافينا لفيق انته ترى شرقان ريق=ماينسكت عن واحدٍ جاب النقايد بيننا

الله الله
/////
.........


بيني وبينك حد وصدور احددانا لاتضيق = تحمّد الله يوم بيتك فايسر الضلع انبنا !!

الدعوه اللي بيننا تاريخها الماضي عريق = ياما طردناكم واخذناكم نطل بيديننا !!

عينت لي أذاني الرجال خلوها خريق= لاجات قدح زنود ماظني تباري زندنا
لاترم الهذلان في بحرٍيموت به الغريق=تندم بعدها والندم مافادك ولافادنا

ألأخ فواز تعرف الستيرات جماعتك هم من أعز أصدقائي ودايم أمزح معهم بهذا المزح وهم ردودهم أقوى بدون محاورة والزعل ممنوع والستيرات بيني وبينهم الشي الكثير والسعايد قبيلة لها من الفخر مالها وتقبل مروري والسموحة من كل ماقيل وأنت مسموووووووح