قالت فمان الله

السلام عليكم ورحمة الله وبركاته
ارجو منكم التعليق


قالت فمان الله يا نسل الأجواد = قلت اصبري ماهوب عيبٍ مرادي
قالت وداع وقلت انا الصبر مافاد = طيفك معي عيا يغادر فؤادي
من يوم مافارقتني وانا عنك نشاد = واجب اتابع حالتك بازديادي
حاولت ابنسى ولكني اعتاد = اعتاد اردد كلمتك شي عادي
عسى حياتك دوم يعلن بها حداد = واموت انا قبلك وتعلن حدادي
وعسى بوجودك تنلغي كل الاعياد = وتموت ويبقى سبب موتك كثرة بعادي
عشان ماتفرح وتقوى وتزداد = ولاعاد تلعب بي وتنكر ودادي
وانا تراني رابي(ن) في طبع الأجداد = وترى هوان النفس ماهوب عادي
----------
انسى وابنسى غرام معك تاليته بعاد = يعني فمان الله والقاف آدي

قصيده فكرتها جميله

ولكن ينقصها الوزن يا ولد ذايب

ارجو الاهتمام بالوزن ووضع ابيات القصيده على لحن معين لكي تستطيع النظم على شكل واحد حتى تنهي القصيده وتكون ان شاء الله موزونه

صح لسانك ياولد ذايب

قصيدتك رائعة
والقصيدة موزونه تقريبا
ولا اجد اي شيء يحمل ذيبان عليك
وانا مع احترامي لذيبان انقض كلامه

من يوم مافارقتني وانـا عنـك نشـاد

ماذا تقول في هذا الشطر يا سامي ( معلومه ترى سامي هو نفسه ولد ذايب او من طرفه وولد ذايب ولد خالي الله يهديه ولا اظنه يقبل النقد ههههههههههههههههه )

وهذا الشطر

حاولـت ابنـسـى ولكـنـي اعـتـاد

وهذا وهو اخف الكسور ( يعرج بس ) :)

عسى حياتـك دوم يعلـن بهـا حـداد

وهذا !!!!!!!!

وتموت ويبقى سبب موتك كثرة بعادي

وهذا؟؟؟؟؟؟؟؟

وانا تراني رابي(ن) في طبع الأجـداد

وهذا !!!!!!!!!!!!؟؟؟؟؟؟؟؟؟؟؟

انسى وابنسى غرام معك تاليتـه بعـاد


ارجو من الاخوان التعليق


ولكم كل الشكر