20-Jul-2010, 02:48 PM
بسم الله السيّد نـدا كـل الأسيـاد=الواحـد الفـرد الصمـد زاد مـدّه
المآخذ المعطي على كيـف مـا راد=اللي يحاسب بالجـزا فعـل عبـدّه
يالله يارافع سبع مـا بهـا اعمـاد=و يا باسطـاً سبعـاً تحتنـا ممـدّه
ما خاب من يرجي ورى حسنك أفواد=واللي رفع كفيـه لـك مـا تـردّه
يالله عبدك من عجاج الزمـن بـآد=بـآده زمـان العاصفـات المهـدّه
هبت عواصيف الزمن ضيم وعنـاد=ولا هب عاصوف الزمن من يـردّه
شفت الزمان اللي رغم كثر الأعـداد=ما فيهم اللي فـي ضميـرك تعـدّه
احدن ليا جت حاجته جـاك منقـاد=مثل الذلول اللـي تجـي مستعـدّه
وإليا لقاها.. مثل ماهـوب معتـاد=صدّ وتـرك عنـدك ضميـراً تكـدّه
وأحدن يسلي خاطـره منـك لا راد=يرمي بحضنك كـل هـرج المـودّه
وإليـا بغيتـه لا تجمـل ولا فـاد=تشـووف بعيونـك رداتـه وصـدّه
وأحدن يضيع .. ولو تلاقيه بجهـاد=تفرح بشوفـه شايـلاً لـه مـودّه
ويغيـب بالدنيـا والأيـام تــزداد=ويبين مع طـول المسافـات مـدّه
دنيـاً بهـا يكثـر قليليـن الأفـواد=ويقل فيهـا مـن تحشـم وتـودّه
كلن بنا في خاطـره حلـم وأعيـاد=وكلما فتح لـه بـاب ذنبـه يسـدّه
ولا كل من يحلم يجي كيف مـا راد=عنـه الليالـي والمنايـا تـحـدّه
وأنا كفاني عايـش الوقـت بزهـاد=ما عاد افـرّق بيـن ليـن ومكـدّه
رجـاي ربـاً معتـلاً مالـه أنـداد=الواحد اللـي كاشفـاً سـرّ عبـدّه
يرحـم خفوقـاً مـا تهنـا بمقعـاد=عدّ الجـروح ولـه جروحـاً تعـدّه
عينه لها عـن لـذة النـوم سـدّاد=والدمع له مجرى على جـال خـدّه
روحن عنيده والزمن زادهـا عنـاد=شـدة تـروح وشدتـن مستـعـدّه
وأختامها صلو على محمـد اعـداد=ما هب نسنـاس الشمالـي ببـردّه
المآخذ المعطي على كيـف مـا راد=اللي يحاسب بالجـزا فعـل عبـدّه
يالله يارافع سبع مـا بهـا اعمـاد=و يا باسطـاً سبعـاً تحتنـا ممـدّه
ما خاب من يرجي ورى حسنك أفواد=واللي رفع كفيـه لـك مـا تـردّه
يالله عبدك من عجاج الزمـن بـآد=بـآده زمـان العاصفـات المهـدّه
هبت عواصيف الزمن ضيم وعنـاد=ولا هب عاصوف الزمن من يـردّه
شفت الزمان اللي رغم كثر الأعـداد=ما فيهم اللي فـي ضميـرك تعـدّه
احدن ليا جت حاجته جـاك منقـاد=مثل الذلول اللـي تجـي مستعـدّه
وإليا لقاها.. مثل ماهـوب معتـاد=صدّ وتـرك عنـدك ضميـراً تكـدّه
وأحدن يسلي خاطـره منـك لا راد=يرمي بحضنك كـل هـرج المـودّه
وإليـا بغيتـه لا تجمـل ولا فـاد=تشـووف بعيونـك رداتـه وصـدّه
وأحدن يضيع .. ولو تلاقيه بجهـاد=تفرح بشوفـه شايـلاً لـه مـودّه
ويغيـب بالدنيـا والأيـام تــزداد=ويبين مع طـول المسافـات مـدّه
دنيـاً بهـا يكثـر قليليـن الأفـواد=ويقل فيهـا مـن تحشـم وتـودّه
كلن بنا في خاطـره حلـم وأعيـاد=وكلما فتح لـه بـاب ذنبـه يسـدّه
ولا كل من يحلم يجي كيف مـا راد=عنـه الليالـي والمنايـا تـحـدّه
وأنا كفاني عايـش الوقـت بزهـاد=ما عاد افـرّق بيـن ليـن ومكـدّه
رجـاي ربـاً معتـلاً مالـه أنـداد=الواحد اللـي كاشفـاً سـرّ عبـدّه
يرحـم خفوقـاً مـا تهنـا بمقعـاد=عدّ الجـروح ولـه جروحـاً تعـدّه
عينه لها عـن لـذة النـوم سـدّاد=والدمع له مجرى على جـال خـدّه
روحن عنيده والزمن زادهـا عنـاد=شـدة تـروح وشدتـن مستـعـدّه
وأختامها صلو على محمـد اعـداد=ما هب نسنـاس الشمالـي ببـردّه
