الشاعر عطاالله الشيباني ,, تباشرو بالجائزه يالشيابين

تباشرو بالجائزه يالشيابين=ولربعي اعتيبه بزف البشاره
علم موثق بالحجج والبراهين = ماهيب رميه ماتوقع بشاره
جوايز العتبان تقريب خمسين = وعاداتنا ماناخذ الا الصداره
لكن وحده ياعرب وقعها زين = ساعة لمس ر اس الفتيل الشراره
لعيال عايض صفقوا ياميامين = أقدح ياراس وولعي يالنعاره
مايترك الرجال في ماقفه دين = الا ان دمه مايفور حراره
حاضر بحاضر ماترجيت بعدين = والليل مايجحد ثنايا نهاره
ياليت عايض شاف ماشفت بالعين = لكن عسا الجنه ملاذه وداره
الماقف اللي شاهدوه الملايين = تاره يحضر الفكر ويغيب تاره
وبن دغيثر يوم جات العناوين = المركز الاول خذاه بجداره
بصفر مضريهن بخوض الميادين = لاشافن الجمهور جاهن سطاره
فيهن تغطرس من بنات السلاطين = ومعهن على فرض الوجود استماره
نوماس ربعي ملحقين المخلين = يالله عساها فالليالي مجاره
اقيامها فالوقت الاول وهالحين = تخلف على بعض النشاما مساره
مفرودها لو بيع من غير تخمين = من قيمته يبنون برج التجاره

الشاعر/عطاالله الشيباني

صح لسانك


وهاذي عاااااااااااداتنااااااااااااااااا من قديم الزمان

ونعم والله بالشيابين

الشاعر عطا الله عبيد الشيباني

شاعر الجيش العربي السعودي فـ المنطقة الشماليه

ألقى عدة قصائد في محافل عسكريـّه كبرى

أخرها أمام صاحب السمو الملكي نايف بن عبدالعزيز

يعتبر شاعر المحافل الأول فـ المنظقه

حضوره في محافل القبيله بـ إستمرار وملحوظ وقوي

قصيدته هذه وقصيدته في الشيخ فيحان بن هذال وابنه طلال

خير دليل على قوة حضوره

أنا شخصيـّا أحبه فـ الله وأحب ّ شعره

وأتمنـّى له التوفيق أينما كان

ولاهنت يـ النداوي

وأسف على الإطلاله : )

صح لسان الشاعر

ونعم والله بالشيابين

ولاهنت يالنداوي