24-May-2011, 03:52 AM
بعد التحية
رسالةٌ أرسلتها لي عضو منتدى الجميع ( الهيلا )
الشاعر / شامان الروقي
تحمل في طياتها كل التقدير والإحترام , عسى أن تنال استحسانكم واعجابكم
يا راكب اللي يشوق العين مطراشه = أليا غبش من ورى يبرين طراشي
عليه قرمٍ يحوفه حوف هواشه = وان هاش كنه مهاش الذيب لا هاشي
قرمٍ عصب غترته وأنوى بمغباشه = ناشٍ شبابه على مسرى ومغباشي
ما غطه النوم لين الظهر بفراشه = وان قام صوت يا يمه شيلي أفراشي
ولا راح للسوق يشري منه دشداشه = إن راح للسوق راح لسوق الأدباشي
من عزوةٍ روسهم للطيب شواشه = رجالهم لا دعي للطيبه شاشي
مريةٍ طيبهم يبقى فمن عاشه = يوم الردي فيه فعل الطيب ما عاشي
بيت الكرم زيَنوا مبناه وفراشه = ألهم مع أهل المكارم بيت وفراشي
مع مرحبا عد برق المزن ورشاشه = وعداد ما سال سيل ورشرش ارشاشي
وقدورهم مع قدوم الضيف غواشه = وأم الفناجيل ما في بطنها غاشي
الشعر لو قيل فيهم ما برد جاشه = وأنا لو أقول فيهم ما برد جاشي
يوم المخاليق للأدباش حواشه = أردى عطاهم لك الله ناقه وحاشي
شروى علي يوم طرفلي من أدباشه = هديةٍ ماهداها راع الأدباشي
خلفـاً تحتها قعودٍ كنه الباشه = حاشٍ ليا شيف زينه حير الماشي
يا جعل يفداه راع الشح وقراشه = يفـدَ علي ما يحوش الخبش واللاشي
ويا جعل من عقبه للخلد معراشه = يلقى بجنة ولي العرش معراشي
المدح يزهاه والقيفان جواشه = على النقا ماعطا مرشي ولا راشي
تنشرله البيض من يبرين وعشاشه = على الشواهيق تنشر له للعشاشي
الطيب ما كل من يشقى معه حاشه = نوبٍ يكود الرجال ونوب ينحاشي
شاصٍ يشيب دقن شامان ما ناشه = عقب أنَـكب مصنعه ما عاد يناشي
يا راكبه لا فهقت الخرج ودشاشه = واضحيت مع هيت بين أطعوس ودشاشي
سلم وقل للمطوع يغضي أرماشه = ما ودنا بالذَرور وكحل الأرماشي
الشعر ماهوب على قصده ولا كاشه = حتى يسولف نوار بقصدي و كاشي
إن كان خالي يغن الشعر ببلاشه = أنا لاغنيت ماغنيت ببلاشي
وإن كان خالي يبا يبلشني إبلاشه = ما هوب أنا اللي تبا تبلشه الأبلاشي
وإن كان جات العلوم بخاش خرباشه = خالي يعرفني لا جات بخاش خرباشي
أنقش بحيد الصفا والناس نقاشه = كم شاعرٍ في صفاة الشعر نقاشي
يا اللي تتابع مسلسل خاله قماشه = طاقة هل الشام ما هيب طاقة قماشي
لا يأخذك راعي البث و توشواشه = اللي ليا بث بثه له توشواشي
ولا تشتقي معه في جرحه وفي شاشه = تراك ما أنت بوديع الجرح والشاشي
ما شب رجلٍ يشب النار بقشاشه = أخذ النصيحة معك مني على الماشي
وأفطن لعمرك قبل نظهرك في الشاشه = منته بمقفي بها وأنا ولد ناشي
رسالةٌ أرسلتها لي عضو منتدى الجميع ( الهيلا )
الشاعر / شامان الروقي
تحمل في طياتها كل التقدير والإحترام , عسى أن تنال استحسانكم واعجابكم
يا راكب اللي يشوق العين مطراشه = أليا غبش من ورى يبرين طراشي
عليه قرمٍ يحوفه حوف هواشه = وان هاش كنه مهاش الذيب لا هاشي
قرمٍ عصب غترته وأنوى بمغباشه = ناشٍ شبابه على مسرى ومغباشي
ما غطه النوم لين الظهر بفراشه = وان قام صوت يا يمه شيلي أفراشي
ولا راح للسوق يشري منه دشداشه = إن راح للسوق راح لسوق الأدباشي
من عزوةٍ روسهم للطيب شواشه = رجالهم لا دعي للطيبه شاشي
مريةٍ طيبهم يبقى فمن عاشه = يوم الردي فيه فعل الطيب ما عاشي
بيت الكرم زيَنوا مبناه وفراشه = ألهم مع أهل المكارم بيت وفراشي
مع مرحبا عد برق المزن ورشاشه = وعداد ما سال سيل ورشرش ارشاشي
وقدورهم مع قدوم الضيف غواشه = وأم الفناجيل ما في بطنها غاشي
الشعر لو قيل فيهم ما برد جاشه = وأنا لو أقول فيهم ما برد جاشي
يوم المخاليق للأدباش حواشه = أردى عطاهم لك الله ناقه وحاشي
شروى علي يوم طرفلي من أدباشه = هديةٍ ماهداها راع الأدباشي
خلفـاً تحتها قعودٍ كنه الباشه = حاشٍ ليا شيف زينه حير الماشي
يا جعل يفداه راع الشح وقراشه = يفـدَ علي ما يحوش الخبش واللاشي
ويا جعل من عقبه للخلد معراشه = يلقى بجنة ولي العرش معراشي
المدح يزهاه والقيفان جواشه = على النقا ماعطا مرشي ولا راشي
تنشرله البيض من يبرين وعشاشه = على الشواهيق تنشر له للعشاشي
الطيب ما كل من يشقى معه حاشه = نوبٍ يكود الرجال ونوب ينحاشي
شاصٍ يشيب دقن شامان ما ناشه = عقب أنَـكب مصنعه ما عاد يناشي
يا راكبه لا فهقت الخرج ودشاشه = واضحيت مع هيت بين أطعوس ودشاشي
سلم وقل للمطوع يغضي أرماشه = ما ودنا بالذَرور وكحل الأرماشي
الشعر ماهوب على قصده ولا كاشه = حتى يسولف نوار بقصدي و كاشي
إن كان خالي يغن الشعر ببلاشه = أنا لاغنيت ماغنيت ببلاشي
وإن كان خالي يبا يبلشني إبلاشه = ما هوب أنا اللي تبا تبلشه الأبلاشي
وإن كان جات العلوم بخاش خرباشه = خالي يعرفني لا جات بخاش خرباشي
أنقش بحيد الصفا والناس نقاشه = كم شاعرٍ في صفاة الشعر نقاشي
يا اللي تتابع مسلسل خاله قماشه = طاقة هل الشام ما هيب طاقة قماشي
لا يأخذك راعي البث و توشواشه = اللي ليا بث بثه له توشواشي
ولا تشتقي معه في جرحه وفي شاشه = تراك ما أنت بوديع الجرح والشاشي
ما شب رجلٍ يشب النار بقشاشه = أخذ النصيحة معك مني على الماشي
وأفطن لعمرك قبل نظهرك في الشاشه = منته بمقفي بها وأنا ولد ناشي
