كم نظرتٍ شعر فهد رحيم النفيعي

كم نظرتٍ




كم نظرتٍ راحت وكم نظرتٍ جات = وكم نظرتٍ تورد لحوض المنية
وكم نظرتٍ حلت علومٍ صعيبات = من قلب صادق جات من طيب نية
وكم نظرتٍ تسري وتبني علاقات = تسعى للم الشمل صبح وعشية
وكم نظرتٍ من طيب عفو وسجيات = تجعل حياة العبد دائم هنية
وكم نظرتٍ تطوي سجل وملفات = ولا تلحق المقفين لوم وأذية
وكم نظرتٍ تعطي تفاءل وبالذات = للي يعاني من هموم وقضية
وكم نظرتٍ تشبه لنورٍ ومشكات = أنورها تشع والشمس حية
وكم نظرتٍ تمشي وترقاء مسافات = وتجمع قلوب تنافرت في شوية
وكم نظرتٍ تحظر ليا جت مهمات = ما هي مجامل لا ولا عنصرية
وكم نظرتٍ تخشى إله البريات = في كل لحظة بين روحه وجيه
وكم نظرتٍ لتيوب وتويتر وشات = والفيس بوك ما بين هاذي وذية
وكم نظرتٍ تلهو وجابت نكبات = وشبت ردى بين الخوي وخويه
وكم نظرتٍ تصدق على عز واثبات = من روح مسلم ما تحب الردية
وكم نظرتٍ فيها مشاكل وأهات = تصدر من قلوب ونفوسٍ شقية
وكم نظرتٍ تحكي قصص والروايات = وتشعل لهيب الحب والعاطفية
وكم نظرتٍ لا تسر حيٍ ولأموات = نمه وغيبة والمصادر خفية
وكم نظرتٍ تشقي وتسهر ولا بات = منها الوفي تكويه عشرين كية
وكم نظرتٍ بلسم لبعد وقرابات = مغلفه بالودّ وأغلى هدية
وكم نظرت تحتاج صبر ووقفات = لكن مررها بحفرة طميه



شعر / فهد رحيم النفيعي (( الثرمان ))





:zmnn201436:

,,

صح لسانكــ يا فهد

قصيدة جميله وكل الشكر لكـــ,,,,,

صح لسااااااانك يافهد

صح لساااانك يالسمي

هلا وغلا شرفني مرور الجميع هناااااااااااااا

صح لسانك يافهد

صح بدنك وهلا وغلا