ويلكم من شلفا شبيب -- القصة

السلام عليكم

أخواني اعضاء منتدى الهيلا
أبحث عن قصة هذه الأبيات
والمقصود الامير : شباب بن حجنه رحمه الله
قائلها : أخو هملا رحمه الله


ويلكم من شلفا شبيب = تشبع طيور(ن) حايمة
كروش تغذا بالحليب = على الطراد مهايمه



محبكم :)

طال عمرك هذه الأحدية رد على فارس يتمنى مواجهة شبيب بن حجنه ، وتم تحذيره بالأحدية التي انت ذكرتها لكن حسب ماقرأت إن مطلعها : حاذور من شلفا شبيب ، وليس ويلكم

طال عمرك هذه الأحدية رد على فارس يتمنى مواجهة شبيب بن حجنه ، وتم تحذيره بالأحدية التي انت ذكرتها لكن حسب ماقرأت إن مطلعها : حاذور من شلفا شبيب ، وليس ويلكم

هلا ياعبد المجيد :)
بيض الله وجهك ويرحم الله شبيب وهذال - وكل اموات المسلمين
.. الاكيد انه من واجه النفعه في هاك الوقت [ ياويله وحاذور من مواجههم :) ]
اخوك / نسل عساف -

وجهك أبيض وماعليك زود

رحمة الله عليه القايل والمذكور وونعم مليون فيهم ولاتسد والشيخ شبيب بن حجنه النفيعي نار على رااس علم والله يعطيك العااافيه يابن عسااااف على الطرح القيم والشكر موصول لعبدالجميد النفيعي على التوضيح وبيض الله وجيهكم جميع ولاهنتو

هذا الله يسلمك فارس من فرسان القبائل اللي تحارب عتيبه قبل الامن والامان في رواه قالولي انه من سبيع وناس قالولي انه من المسعود قحطان
يقول هذا الشاعر متمني مقابله شبيب بن حجنه في المعركه

ياراعي الغوج الهذيب -- راعيه والله هايمه
عليه بنطارد شبيب ---- زال الحرايب قايمه

الاحديه وصلت العتبان ورد علي احد فرسان النفعه وقال لي رواي اخر انه هذال اخو هملا

حاذور من شلفا شبيب ---- تشبع طيور حايمه
كروش تغذى بالحليب ----- علي الطراد مهايمه

وتقابل الفارسان شبيب ومتحديه في المعركه وقتله شبيب بن حجنه


وشهرة شبيب وشلفاه اللي يقتل بها خصوم عتيبه كبيره في نجد والحجاز هذا احد فرسان قحطان يتوجد علي احد مشائخ قحطان اللي ذبحه شبيب في معركه سابقه يقول القحطاني

اباانشد الطرقي عن الحيان---- وابنشده ويش سوا ذيب
ان كان ذيب لحق ابن جرمان--- تقمح مشعرة السبيب
رد عليه احد فرسان النفعه
خله يذوق الموت ياحبشان ---- هذا جزاه لنطحته شبيب
صابه بشلفا جات من نجران----تفرق حبيب من حبيب

هذا من ناحيه شبيب وشلفاه حبيت اشارككم بااخباره اللي عندي