سلام الله على من سكت الليبي .........

سلام الله على من سكت الليبي بشرم الشيخ
عطاه القول من قلبه كوى راسه مية كيه
كوى المجنون في راسه ياعل الراس للتدويخ
ويسلم راس ابو متعب ولا تلحقه مرديه
تنافض شيخنا من شاف سفيه الناس له تشليح
ترى قولي ضرب مجنونها بذاك المكروفنيه
تلاحقها ولد فيصل وشغل مكرفون الشيخ
وفزع معهم يناخيهم عزيز النفس والهيه
ضحك سنه قبل ما يقول يا مجنون لك توبيخ
كلامك ياقليل الشان في وجهك به السيه
تنقص يا قليل القدر من حمانا ولك تطنيخ
وكنك ما زبنت العام الاول للسعوديه
ترانا فوق في راسك وتاجك ياشبيه الضيخ
تطاول وانت خاينها ومن حطك بكرسه
ترى كذبك هو امامك وفي قبرك لك التصميخ
بقى غير انت يالمجنون تراك خبيل ومتيه
يقول افهم ايا مجنون ترى حظي مع المريخ
ولالك لانصيب او حظ وملك غير كوفيه
تشوف السيف بعيونه ونوخ ناسها تنويخ
وذرعانه تقول الليث يخبط له جسد حيه
على الشاشات جاء بركان تراجف منه شرم الشيخ
تلاحقها معه حسني يقول ارفق به شويه
ابو متعب صليب الراي وشيخ ينسل من شيخ
كلامه وقف العالم بغربيه وشرقيه

صح لسانك وصح لسان الشاعر
لكن ياليت تجيب لنا اسم الشاعر

مشكور يالدهاسي

وصح لسان شاعرها

يا عيال العم والله مااعرف شاعرها
لكن اللي يعرفه يقولنا

شاكرلكم

صح لسانك ولسان قايلهاا ....... وعشت على القصيده

وموضعك تم نقله لقسم الشعر

اخوك
ابو وعيل الرويس