الله واكبر يازلزال(ن) ضرب فى البحور

الله واكبر يازلزال(ن) ضرب فى البحور *****واهتزت الارض واختلت موازينها

ثم اظهرت من حممها نار حمرا تفور***** وأهل القوانين ماتعرف قوانينها

الله واكبر بعد دارك منه صار بور=والناس من هولها تركز كراعينها
بس احمد الله بعد ماجيت وقت السحور=واهل الوفاياعسى دينيك على دينها

داري ديار المعزه كل قصر معمور****يازينها مع ديار الناس يازينها

لكن هون على نفسك وخلك صبور***كل الرسايل تبي تقرأ عناوينها

بالمعرفه سرها واذهن تلف وتدور=ترى البنادق خطاها من نياشينها
العاجز اليا عجز يهرج بليا شعور=وانته تشوف العرب ضاعت براهينها

اخي الطوفان نكمل غدا انا الان ابا اوطي راسي على المخده:)

عساك تفهم وتقرأ اللي يجي فى السطور ****وان مافهمته تبي تحضر شياطينها

الرميه اللي رموها فيك حدب الظهور****وش فيك تصبر على تقطيع سكينها

على قولك اصبحنا

ان جبتها طيبه زدنا على النور نور=وان جبتها ثانيه تضويك في حينها
مانيب من يلتفت في كل ذيخِ عقور=اسيّر القافله واشعب بعارينها

@ صحت ألسنتكم .. اين ما يحل الثنائي يحل الإبداع .

@ متابعين ..

صحت ألسنتكم


متابع

اشوف مدتك حمض(ن)مر ولا زهور*****على حسب ماتمد أعطيك تثمينها

كثرت ديونك ياأبن ثعلي وصرت معسور****ماترتقي بالطيور الا جناحينها

ابن الهيلا
،
،
فواز الشيباني

شكرا على مروركم ومتابعتكم .

احدِ يده فالشحم واحدِ يكر القدور=ناسِ تقدر وناسِ كفي يهينها
تاخذ حقوقك ليا جاك البعث والنشور=مادام مالك يمين تقتضي دينها

ابن الهيلا


صح بدنك والبداع يكمن في حضورك ياغالي


تقديري

فواز



صح بدنك


ومتابعتك مهمه

غرتك دنياك لين اصبحت منهاغرور****ثم اصفقتبك يسار الناس ويمينها

أحقوقنامانوخرها لذيك العصور**** نرتدها غصب ماحنا مخلينها

حنا رقينا العلا وانته تعود حدور=نعطيك زين العلوم ومكسبك شينها
افعل وانا افعل وفعلي في عداي مخبور=وفعولنا ماهل الحله بغاوينها

احاول اسندك وانته رايح(ن) في دبور****ماتطحن الحبه الافي طواحينها


لكن ماودنا علاك بعض الامور***** لابد عقيلها تضبط مجانينها

عز الله انك بعد فعلتك ذيك مخسور=ربوعنا نار وانته من دخاخينها
ماتدري ان الاوادم فوق هرجك سبور=,ولاتدري ان العصى للقوم حاسينها

عز الله انك بحيد الركن صرت محشور****من عقب حجتك دمرنا براهينها

الهرج من يمكم فيه البلاء والشرور****والكلمه الطيبه حنا سلاطينها

ظلمت نفسك وهذي منك كذبه وزور=والضلع ماهمه ام قرين وقرينها
مااذم ربعي لكن انته تراك مهجور =ياللي تغثرب زلال العد من طينها

صح السنتكم ياشعار


متابعين

ماني بظالم ولااحب الشنا والفجور****والظلم والزور ماني من معاوينها

المشكله فالقلوب اللي بوسط الصدور**** اليا دخلها المرض ضاقت شراييبنها

المورقي



صح بدنك وتشرفنا بمتابعتك

صح لسانك يالطوفان وانت مانت بمهجور

الا رفيق ولد عم ولنا الفخر بمعرفتك


وتصبح على خير

افاااااااااااااا ياابن العم صح بدنك .وانا اصلا مارايح اسمحلك انك تهجرني .

وانا أفتخر بأن في روق وخاصة المزاحمه شاعرا مثلك فاالى الامام وفقك الله

المورقي.
صح بدنك وشكرا على مرورك

وانا والله اني فخور بك وبامثالك الشعار اللي ياخذون ويعطون بالطيب

تقديري واعجابي الخاص

وانا سعدت كثيرا باللعب معك وتعلمت منك الكثير . فاأنت بكل صراحه مدرسة مستقله بذاتها هنيئا لك بابن العم.

...
.

بيض الله وحوهكم ياعيال العم
اهم مافي الامر هي الروح الطيبه
التي سادت هذه الصفحه رغم الشد
والاخذ والعطاء بقسوه ولكن في حدود الشعر
ولا غير الشعر ...
بارك الله فيكماااا فقد اثلجتما صدر اخيكم
وصدور محبيكم ..
تحياتي

مرزوق العتيبي
،
،
وانت بيض الله وجهك ياأبن العم
وبيض الله وجه ابن عمنا الايد1
وكل المشرفين على هذا القسم لتحملكم بعض التجاوزات التي بدرت منا ويعلم الله ان هدفنا هو اثارة الحماس لااكثر ولاأقل وسامحونا على اخطائنا دمتم ودام هذا الصرح الشامخ على العز والرقي . ولكم خالص تحياتي.

وانا اقول بيض الله وجيهكم لعبكم كايف وعلمكم غانم وهذا هو اللعب المطلوب

حتى ولو كان فيه شد وجذب لاننا تعبنا من اللعب البارد لنا سنوات


لكن الحمدلله اللي حطكم في هذا المنتدى الشامخ باعضاءه والفخور بكم وبشاعريتكم


اللي ترجعنا 15 سنه خلف



تقديري واعجابي بشخصيكم



شاعر روق والطوفان وكلكم عينين في راس

صح لسانك ياطوفان وصح لسانك ياشاعر روق







متابع بعجاب

الأخ :ابوفهد البرقاوي
ونحن نقول بيض الله وجهة ونشكرك على متابعتك
ونعتبر ماقلته وسام رفيع نعتز به. حفظكم الله

صح بدنك ياقرناس ونشكرك على مرورك
تحياتي

ابومحمد


حضورك في غاية الاهميه ولا زياده على ماقاله اخي الطوفان


ولك مني فائق الود والاحترام



اخوك

الاخ ابو فهد



شهاده نعتز بها وتعبر عن تواضعك الجم


لاعدمناك



اخوك

قرناس


متابعتك وحضورك يسعدنا




اخوك

الطوفاااااااااااااااان
وشاعر روووووووووق
ماقول الا بيض الله وجيهكم
على هالطاروق الذي استمتعنا به
من حيث القوه والفتل والنقض :والحمد لله ان في صرحنا الشامخ
شعراء بحجمكم وهاذا محل فخر نا واعتزازنا
جمعنا الله وياكم على العز والطاعه
تحيااااااااااااااااتي للجميــــــــــــــــــــــــــع

,

شعار

كبار في الشعر والمقام

نستمتع دائماً بشاعريتهم وأخلاقهم ،،