مــرثــيــة

هذه القصيده لماجد بن محيا في رثاء جدّه المرحوم بجاد بن ناشي بن محيا

_

_

_

_

_

_

_

_






ياللـّه عسـى الجنه بسـاتين وأنهـار
دارٍ لابـو ناشـي بجاد المحيـا

وسبعـين حـوريّه على باب الاخيـار
يسقنّـه الكـوثر ويطعـم هنيـا

مع خاتم الرسـل وصحابتـه الابـرار
في ظـل رب العرش معهم تفيـا

كـانه من اهـل الصوم قوام الاسحـار
رطب اللسان بذكـر رب البريـا

ياكـم ضعيفٍ مـدّلـه سر واجهـار
مما عطـاه اللـّه بنفسٍ رضيـا

شيـخٍ جليـل بشيبته عـز ووقـار
وافـي بوقـتٍ قـلّ فيـه الوفيـا

شيـخٍ كريـم بمجلسه شبـة النـار
وصفر الدلال تساق صبح وعشيـا

اليا خطـره احدٍ من صغار وكبـار
فـزّ وتعجّـل ينـطحـه بالتحيـا

مكرم ضيـوفه قايم بواجب الجـار
محـدٍ شكـا منـه الوذى والبليـا

شيخٍ حكيم استاذ في علم الاشـوار
الشور شوره 00 للمراجل وصيـا

اليا نصاه اللي بغى الدرب محتـار
ايجـنـّبـه درب الخطـا والرديـا

عنّا خذاه الموت قصّاف الاعمـار
حـقٍ كتبـه اللـّه على كـل حيـا

ياللـّه عسـى الجنه بساتين وأنهار
دارٍ لجـدّي 00 ياعلـيـم الخفـيـا

أسأل الله للفقيد الرحمة والمغفره ..

الله اما امين الله يجزاك خير اخوي
ومشكووووووووووور

رحم الله الفقيد واسكنة فسيح جناتة..

المرغوب

صح لسانك ولساان شاعرهااا

لاتحرمنا جديدك

دمت بود

أسأل الله للفقيد الرحمة والمغفره ..


الله يعطيك العافيه
ولاهنت

صح بدنك ... وحياك الله

اخوي نبض المشاعر

وجزاك الله خير

فواز يابن مشيب

اللهم امين وجزاك الله خير

ومشكور على مرورك

رحم الله بجاد بن ناشي بن محيا واسكنه في جنات الخلد




ومشكور اخوي على القصيدة والله يعطيك العافية




ولك كل الحب والمودة

اخوي اثلث

جزاك الله كل خير

ومشكووور على المروور

ورحم الله جميع اموات المسلمين

والله ونعم بالمحيا كلهم والله يرحم ميتكم

رحم الله الفقيد واسكنة فسيح جناتة




المرغوب

صح لسانك ولساان شاعرهاا

الله يرحمه ويرحم اموات المسلمين



لاهنت يالغالي



تحياااااااااااااااااااااااااااااااااااااتي