حبيب العازمي مع عبدالله بن شايق

هذه محاوره اعتقد انها مرغوبه والناس تسأل عنها بين عبدالله بن شائق وحبيب العازمي في زواج السامر

بسببها صار الخلاف بين بن شايق وحبيب وهي المحاوره الوحيده بينهم الي الان





حــــــبــــــيــــــب
سلامي على ال سعود وضيوف ال سعود سـلام بمسـك العـود نسمـة هبوبـه
وطنـا وطنـا منبـع العـز والـجـود ودحر المعـادي كـان شبـت شبوبـه
بــــــــن شــــايــــق
انـا بالنيابـه قمـت والخيـر ماجـود عن الاسـره اللـي ضيفهـم رحبوبـه
بلدنـا مجندنـا وحنـا لــه جـنـود على السلـم سلـم وللمشاكـل عقوبـه


حــــــبــــــيــــــب
ترى العاقل اللي يعرف النقص والـزود قبـل مايعـرف الـدار يعرفـه دروبـه
بذلنا على وضح النقـاء كـل مجهـود لكـن انـت لابـدك تلقـي صعـوبـه

بــــــــن شــــايــــق
ترى العاقل اللي ياخـذ الحـق بشهـودو نفسك على الطرقه مهيـب مغصوبـه
ليا صـار فالميـدان حـاوي ومـردود انا اصل العرب واصلي يعرف العروبـه

حــــــبــــــيــــــب
ليا قلتهـا قلـت لـك مانيـب محـدود ولكـن داب الغـار ينـفـخ ذروبــه
زمان مضى والنـاس طـارد ومطـرود كثيـر العـرب ناخـذ شماغـه وثوبـه

بــــــــن شــــايــــق
توقـع تـرى فالعـب نـار وبــارود وراع العيوب اصـد ماكشـف عيوبـه
وانا اقـول ليلـن قربـك جعلـه يعـودو انـا عـارف قلبـك يحسـب ذنوبـه

حــــــبــــــيــــــب
رصاص المقمع صفـر مافيـه عبـرود ولايـشـفـي الـغـازيـن لــــو
حاربوبـه
وانا اقول صعبه طقـت العـود بالعـود ولكـن حاسـب والعلـوم محسـوبـه

بــــــــن شــــايــــق
كثير العرب لو مـات ماهـوب مفقـود وانا يوم جيت السوق شفـت الجلوبـه
اشهد عليـك احمـد وحمـاد وحمـود ارويـك وانـت تصـد منتـه بصوبـه

حــــــبــــــيــــــب
يـاراع المنيحـه ردهـا لاخـر الـذود تبـي تحتلبهـا بـس جتـك محلوبـه
زمان الهوايل يجمع البيـض والسـود واشوف الهوايل جات والوقـت دوبـه

بــــــــن شــــايــــق
ياويلك من اللي صار والبـاب مسـدود ترى راعي الساحـل يعـرف الرطوبـه
انا لي يمين وديـن ووعـود وعهـود لاقـوم اتعجبـك واحـطـك عجـوبـه

(منقوله )

استمتعنا بالمحاوره الطيبه

لا هنت وتسلم يمنااااااااااك ك ك ك

لاهنت

يا مدسم الشوارب
دايم ماتجيب الا الجزل

لاهنت يامدسم الشوارب على النقل الرائع للمحاوره وماقصرت

تحيتي لك

مشكور أخوي مدسم الشوارب على المحاورة الرائعة

..



الله يعطيك العافيه يامدسم الشوارب

والله محاورة جميلة ..




( وبصراحة أنا أفضل المحاورات المكتوبة على المحاورات المرئية والصوتية . لأن فيها الإنسجام والراحة وبالتالي قوة التركيز والتحليل السليم ).





مع اطيب الأمنيات



.

الله لايهينك يا مدسم الشوارب

وانا ما اتفق معاك يانادر العش انا ارى ان الفيديو تقدر تركز فيه اكثر من المسموع والمقروءلان ممكن يسير شي في الحفل ويلعبون عليه وانت ماتدري شنو مثل ماحصل بين سفر الدغيلبي وزيد العضيله على ما اضن يوم طاحت زينه العرس
وبين منيف والعمى


تحياتي

الله يعطيك العافيه


ولاهنت يالغااااااااالي

شكرا على المحاوره

لاهنت يامدسم الشوارب على النقل الرائع للمحاوره وماقصرت

تحيتي لك

لاهنت بالغالي


والله

محمد الدلبحي
وأبو نجر النفعي
وفتى وادي الرشا
وسعد الحارثي
ونادر العاش
والجذع
وروق والسماء فوق
والعفريت
ومتعب العصمي
و ذيب الحنابج

مشكورين على المرور وبيض الله وجيهكم
وتقبلو تحياتي

يعطيك العافية يامدسم الشوارب ،، ولاهنت على النقل الرائع ....

يعطيك العافية يامدسم الشوارب ،، ولاهنت على النقل الرائع ....


مشكور أخوي أبو شمروخ الحافي على المرور

يـاراع المنيحـه ردهـا لاخـر الـذود تبـي تحتلبهـا بـس جتـك محلوبـه
زمان الهوايل يجمع البيـض والسـود واشوف الهوايل جات والوقـت دوبـه


هههههه

والله مايفوتها ابو فيصل

هذي قصه القحطانيه اللي خطفها دغيلبي بليله زواجها وهي تبيه

هههه

بارك الله بك , شكراً أخي الكريم