قصيدة لتركي بن صنهات بن حميد

يقول تركي بن صنهات بن حميد:
فكر وناظر يا محمد ترى الحال= نفسى وتاليها مع الله خبرها
العين كن لها عن النوم عذال= تسهر وغادٍ نومها عن حجرها
والكبد ما تقبل من الحلو فنجال= والمر لو هو عشرق ما نقرها
دنيا هيال ولالحقنا لها جال= وازريت اميز سهلها من وعرها
كان اقبلت ياحلو هاك التبهلال= وان دبرت سوً على اللي حضرها
ماظن فيها واحدٍ داله البال= احفظ لدينك وانتبه من خطرها
تراه مثل الفي لابد ينزال= والشمس هي وايا القمر من فكرها
الحق ينكر والتفاخر با لاموال= لاهين فى غفلاتهم في دورها
كم فرقت من دولة حل واجيال= واليا ومرها الله عطتهم نحرها
فعال نو الخير لاموه الانذال= كثرة تخاليف االعرب في صورها
ياالله يا عالم خفيات الاحوال= يا اللي ذنوب العبد لاشا غفرها
طالبك انا الجنه وحسنات الاعمال= تقدر تفرجها الى جا قدرها
كم واحدً يمشي مع الناس مهذال= يرعى سواة العاذره من بقرها
لا شاحنه علمٍ ولا وارده حال= ولا يميز وردها من صدرها
ثوب النقاء يرخص ولبسن الاسمال= سلم الرجال اللي تلامع شهرها
أن كان ما انتب في معانيك حمال= عمل الردى يهويك مظلم حفرها
ذا قول من عدل غريبات الامثال= بيوت عسرات لمن لا قدرها
انا احمد اللي بدل الشمس بظلال= وهانت مصاعبها ونقطف ثمرها
ما همني دنيا ولا همني مال= الرزق ياتي مثل هاتف مطرها
شفي ومقصودي من الخيل مشوال= شقرا نواصيها كثيرً شعرها
شفي عليها كان هو زعزع المال= ومن الهنادي صارم في طهرها
وبالكف من غالي المطارق هوى البال= يروى بحزات اللقا من حمرها
ونجرً توال الليل تسمـــع لـه اعوال= ودلال يلقى الكيف من هو نحرها
بريةً يطرب لها كل رجال= والزعفران مع العويدي ذعرها
تهدى لما ضين التجارب والافعال= زيزوم عيرات تعايل جررها
وتهدى لمن يثني نهار التجيوال= مودع جياد الخيل تركب وعرها
والثالث الي بالقسا يرخص المال= له ربعة دايم تناطف سفرها
وصده عن اللي مع دروب الردا عال= يمناه عن طيب المعاني قصرها
وصلو على من صار للحق مرسال= عداد ما أخضر الورق من شجرها