يامحمد الروقي ترى لن طال وقتك وان قصر

طاروق للاستفادة يا استاذ محمد


سلام ياعتابة هل الوقفات ياطوال العمر =من بعد غيبة تاصل الشهرين والا حولها
يامحمد الروقي ترى لن طال وقتك وان قصر= لتشوف حاجة تعجبك في عرضها في طولها

اررحب ياسعود ..

حي هالشوف ..من زمان ماشفناك واشتقنا للعب معك

والفائدة بلا شك لي يا استاذ



يامرحبا باللي شرح سبّة غيابه فالشطر = وين انت لك شهرين والعالم تدق طبولها

ياسعود خلك معتدل قدام الد الك النظر = حاجتك معك ولا نباها لين ياتي حولها

**حولها = وقتها .. لكي لايحسب احد اني وطيت وقفت سعود

والتوضيح للزوار ولا سعوود مكمله ربه

الله يرفع قدرك ياشيخ .. سم :


اشغال فالدنيا على ماقيل والدنيا عبر =والناس انا مدري وش اللي صابها فعقولها
الشك والريبة بلا وان كان ماعندك صبر= الله يساعدني عليك شوي لين اقولها

عساك سالم..

واستلم



الخيمة الاولى تحسّبها قصر ماهي قصر = هديتها والحين جبت الثانيه واصحولها

ياسعود علمّتك وطعني لاتناطحلك بحر = حط البضاعة وسط صندوقك مابا مفعولها

تشوف بالدربيل وتعاين و واصلك الخبر=ياللي نشوفك لابغيت الطايلات اتطولها
ابشر بما تبغى لكن الوضع يامحمد خطر=كلن جماله لا ارتكت تقدر تشيل حمولها

الجاهل اللي جيت فازع له وماعندك عذر = الكلمه اللي قالها رح وانشده وشهولها

ان كان تقدر يالنفيعي لك ترى مهلة شهر = والمشكلة سبة غليّم جرها بذيولها

الله الله الله


اللي رضا يشرب بحر واللي زعل ياكل حجر=والكلمة انا وانت ندري ونعرف مدلولها
هذاه من طيبك عساك تعيش لعتيبة ذخر =لكن لو تترك عيال الناس كان آصولها

ياسعود ليتك مستريح ولاتكلفت بسطر = الحرب لن قامت ترى ماهوب قد خيولها

اللي غلط ماله ياكود الا العصا فوق الظهر = لايقرب الوديان لاسالت عليها اسيولها

المشكلة والكارثة والداهية بعد العصر=يحوف له جرة يمانيّة ويبغى فولها
اللي غلط علّم عليه الشيخ سلمان السبر= والا ترى تصبح مصيبة مانعرف حلولها

كل المصايب والبلاوي كلها وقت الظهر = يشرب فناجيل الدلال ولايبا الا حثولها

عندي ترى كل الحلول اللي تزيد اله القهر = انا بسد الشيخ مايحتاج انا مسؤولها

اليا بغيت الصدق يامحمد هذا حكم القدر=والناس صاحيها من الدجة كما مهبولها
مدري .. لكن خلك على ماقيل يالشاعر حذر=لاتفتح البيبان ذيك اللي تدلاّ اقفولها

ياسلام ياسلام ..

صح لسااانك واستلم :)





ان كان تبغى الصدق انا دونه عن الموت الحمر = الدم واحد مار ارضى له يجي بهلولها

خل النوايا طيّبه واقلط على ادلال وتمر = واخذ السوالف والعلوم اللي تبين افعولها

معقد الشوش :) .. <<
..
.

أرررررحب يااسعود ومنور منتدى الهيلا بعودتك ..
..

صح قلبك ولاهنت ..
..
.

ابوبررجس ..
.
..

بحررر ..
..
صح لسانك ولاهنت ..
.
..

واصلو ياعتااابة ..
.
..

الضحى الضحى الضحى الضحى الضحى

محمد الروقي

شاعر واستاذ واستفدت من محاورتك هذه

صح الله لسانك مليون

وان شاء الله نلتقي على طواريق اخرى

لاهنت يالذيب

فيصل القثامي //

ارحب حضورك شرف يامعقد الشوش


صح بدنك ولاهنت اسعدتنا بتواجدك .,.

الشاعر الكبير / سعود النفيعي


صح لسااانك واللعب معك بكل صراحة شرف وفخر



بيض الله وجهك ..وماقصرت يالامير ..


والله يكتب اللي فيه خير ولاتقاطعنا يبو فهد

...
.
صفحه وبعض من صفحه لايوجد فيهما
الا ابيات من ذهب من شاعرين مبدعين ...
... هههههههههههههههه
وين الجمهور عن هالقاف الكايف ....؟؟
سعود ومحمد ... صحت السنتكم ... متأخر لكن
لازم علي اسجل اعجابي وانطباعي لله دركما ...
..

مرحبا يامرزوق ومرورك هو الذهب الخالص عيار 24

بيض الله وجهك

ومالدينا ماهو الا بعض مما لديك

تقبل تحياتي