فيه شين مستحيل وفيه شبه المستحيل

ياوجيه الخير انا همي على قلبي ثقيل=والهموم تخف لاكن من سبايبها انثنيت
الشقاء والهم فيني وهبة الرب الجليل=والسبايب كلها من رحلتن فيها مشيت
رحت فيها لارفيق ولاعضيد ولا زميل=المهم اني نويت وليتني ماقد نويت
كنت احسب ان المسافه كلها كيلو وميل=مادريت عن النهايه والله اني مادريت
الطريق الي مشيت بداخله دربن طويل=كل ماقلت انتهيت من العنا كني بديت
كل يوم اسج رجلي ما اتهنى بالمقيل=ولانتهى يومي طفشت من المسافه ما انتهيت
لامشيت بطرقتي حلمي بنيته فالمخيل=ولارجعت من العنا والهم مدري وش بنيت
مع طلوع الصبح تسمع للفرس ركض وصهيل= ولا اذن المغرب عليه قمت افكر وش جنيت
ما جنيت الا التعب فالصبح والجرح العليل=والسهر بالليل والضيقه ولاحولي مبيت
ماجنيت الا جروحن كنها ضرب الصقيل=من بعدها قلبي من الحب والاحساس ميت
ما جنيت الا الشقاء والهم في صبحن وليل=والمآسي تنتظرني كل ماقمت وسريت
ياوجيه الخير هم القلب مايبغى دليل=لن شكيته للخلايق صرت ماكني شكيت
ولن رضيت بواقي صار في كبدي مليل=هذا الدنيا مآسي لن زعلت ولن رضت
فيه شين مستحيل وفيه شبه المستحيل=بس انا انظر في سهيل وفي مكان وابتليت
قلت ابا ازور السماء واقرب من الجدي وسهيل=مادريت ان السماء ماتنلحق مهما جريت
بس مهما صار في حالي مع دروب الرحيل=كلما يقسى زماني زادني صبر وقسيت
اهم الشي النفس ماتنهان لو مالقى حصيل=راس مالي شيمتي وبعزة النفس اغتنيت