(خاص للهيلا ) بين حبيب العازمي ومحمد العازمي

[صورة غير متوفرة]

هذه محاوره جميله خصنا بها الشاعر القدير محمد العازمي العتيبي
والتي جرت بينه وبين الشاعر الكبير حبيب العازمي
وله كل الشكر ونتمنى له مواصلة التقدم ومن نجاح الى نجاح
............................

محمد

ياحبيب غن والطرقه طويله
وانت ظاري كل ليله بالمساري
ودي انشد وش بلى مجنون ليله
جاري له تالي الدنيا جواري

حبيب

داخ راسي بين شعار القبيله
ياعسأ فالقصر باب(ن) للطواري
الحق الخيال ياراع الأصيله
جدك اللي فرغ حزام السواري

محمد

لاتشكوى وانت رجال(ن) دليله
الصقور صقور ماترجع حباري
جدي الله يرحمه راع الجزيله
مار هيا بالخناجر والشباري

حبيب

كل من ربى دقن صاحب فضيله
لومايحفظ حديث عن البخاري
يامدور ماتبشر بالعقيله
روح المفتاح فالقفل التجاري

محمد

كل صاحب مرجله مامات حيله
وانت عن كل العلوم اكيد داري
من يخلي ماقفه واعزتي له
ذعذعت فوقه ذعاذيع الذواري

حبيب

مابقي فوق القليب ألا النثيله
والرشى والدلو وبعير المطاري
ياجماعتنا ترى فالصف ميله
صدقوني وأشهدولي عند غاري

محمد

وارد السبعين لاتحسب مديله
احسب الفكسار واخوه السفاري
والله انى مانبا الحمله ثقيله
لاتودينا الهبوط الاضطراري

حبيب

وارد الفكسار ضيقتو وكيله
والسفاري تقلبونه فالكباري
المرق فوق اللبن يطلع عبيله
والعبيله ماتفوح فالغواري

محمد

من يضيع حجته وش يدعيله
روحت مثل القطى ولاالقماري
............


ولكم اجمل وارق تحيه

الله..

محاورهـ رائـعه جدا..

الله يوفق محمد وان شاء الله يصير هذا دافع معنوي له في حياه الشعريــه..


شكراا لكـ يالغالـي وماتقصــر..

..
عبد الله الجذع
لا هنت يالغالي
على المتابعه
والرد ولك الشكر
...................

ابداع ماركة عازم كو مشكوووووووووووريالغالي