27-Feb-2008, 06:42 AM
السلام عليكم ورحمة الله وبركاته
الشايب.... والكمب .... والنصيحه....
وشهو الكمب (camp) :-هو سكن يوضع في منطقة عمل وعادةً تكون المنطقه نائيه , وذلك لسكن
المهندسين والمخططين والعمال ليقوموا بالعمل في انجاز مشروع ما , في تلك المنطقه
.................................................. ..............
ندخل في الموضوع...
كان فيه شايب (عود)معاصر لبعض الامور القديمه , وعاش في هالحاضر بما فيه من متغيرات
وتقلبات , وذالعود فطين وعنده نظرته الخاصه في المستقبل , وتعلم من الحياه اكثر من اللي
تعلموا في الجامعات , سافر , تغرب , اشتغل في شركات , غاص في البحر............الخ
المهم الشايب شاف ذاك الولد الشّغيل . اللي في عيونه طموح عالي , وخياله واسع , وفي
راسه مشاريع كبيره ,, والمصيبه ان عند هالشاب ثقه كبيره في اللي حوله وفي منضومته
اللي يتعامل معها , طبعاً هي مصيبه من وجهة نظر العود , اما الشاب فكان تفاؤله مفرط ,
العود ..نآدى قريبه الشاب وقعد يسولف معه , ومن عرض السوالف , قال العود : انا ودّي
انشدك , انت تعرف الكمب ؟ سكت الشاب بعض الوقت وهو يفكر في سؤال العود , لأنه يدري
ان العود ما ينشد من فراغ . قطع عليه العود تفكيره .., وقال الكمب ياولدي هو مكان ومبانيه
في وقتنا ذاك وش زينها ((جميله)) , وفيها كل شي متوفر ..الماء , الكهرب , التكييف , التدفئه
, والسيارات المجهزه ضد التغريس , والاشياب حقت الماء وايت رايح و وايت جاي , وحنا
ياربعك ما عندنا شي , ونقوم وننزل حولهم .وما قصروا عطفوا علينا , ويمدون لنا سلك من
الكهرباء وخلونا نولع النور لين صرنا في شرقه . وتطورنا وشرينا ثلاجات , ومكيفات , وتغير
اسلوب حياتنا , وبعد ما خلص شغلهم اللي هم جايين علشانه , سفّطوا عفشهم , وخذوا
اغراضهم , ومكاينهم , ومعداتهم .. وتركوا مكانهم (الكمب ) مثل الخرابه (تطارد فيه الذيخه) ,
وقعدنا حنّا ومكيفاتنا , وثلاجاتنا .. بس مضيقه علينا ولا نستفيد منها بشي , وطفى النور
ورجع علينا الظلام من جديد ...
عرفت الحين وشهو االكمب ياولدي .. اذا ((قوس قبل ما تغوص)), ولا تنسى (( تشرب قبل ما
يحوس الطين صافيها))...........
قال الشاب : هآآآه أيه عرفت الكمب , وجلس يفكر في كلام العود ووش قصده,,
والسلام عليكم .. ودي آخذ فرصه افكر ي كلام الشايب ....
الشايب.... والكمب .... والنصيحه....
وشهو الكمب (camp) :-هو سكن يوضع في منطقة عمل وعادةً تكون المنطقه نائيه , وذلك لسكن
المهندسين والمخططين والعمال ليقوموا بالعمل في انجاز مشروع ما , في تلك المنطقه
.................................................. ..............
ندخل في الموضوع...
كان فيه شايب (عود)معاصر لبعض الامور القديمه , وعاش في هالحاضر بما فيه من متغيرات
وتقلبات , وذالعود فطين وعنده نظرته الخاصه في المستقبل , وتعلم من الحياه اكثر من اللي
تعلموا في الجامعات , سافر , تغرب , اشتغل في شركات , غاص في البحر............الخ
المهم الشايب شاف ذاك الولد الشّغيل . اللي في عيونه طموح عالي , وخياله واسع , وفي
راسه مشاريع كبيره ,, والمصيبه ان عند هالشاب ثقه كبيره في اللي حوله وفي منضومته
اللي يتعامل معها , طبعاً هي مصيبه من وجهة نظر العود , اما الشاب فكان تفاؤله مفرط ,
العود ..نآدى قريبه الشاب وقعد يسولف معه , ومن عرض السوالف , قال العود : انا ودّي
انشدك , انت تعرف الكمب ؟ سكت الشاب بعض الوقت وهو يفكر في سؤال العود , لأنه يدري
ان العود ما ينشد من فراغ . قطع عليه العود تفكيره .., وقال الكمب ياولدي هو مكان ومبانيه
في وقتنا ذاك وش زينها ((جميله)) , وفيها كل شي متوفر ..الماء , الكهرب , التكييف , التدفئه
, والسيارات المجهزه ضد التغريس , والاشياب حقت الماء وايت رايح و وايت جاي , وحنا
ياربعك ما عندنا شي , ونقوم وننزل حولهم .وما قصروا عطفوا علينا , ويمدون لنا سلك من
الكهرباء وخلونا نولع النور لين صرنا في شرقه . وتطورنا وشرينا ثلاجات , ومكيفات , وتغير
اسلوب حياتنا , وبعد ما خلص شغلهم اللي هم جايين علشانه , سفّطوا عفشهم , وخذوا
اغراضهم , ومكاينهم , ومعداتهم .. وتركوا مكانهم (الكمب ) مثل الخرابه (تطارد فيه الذيخه) ,
وقعدنا حنّا ومكيفاتنا , وثلاجاتنا .. بس مضيقه علينا ولا نستفيد منها بشي , وطفى النور
ورجع علينا الظلام من جديد ...
عرفت الحين وشهو االكمب ياولدي .. اذا ((قوس قبل ما تغوص)), ولا تنسى (( تشرب قبل ما
يحوس الطين صافيها))...........
قال الشاب : هآآآه أيه عرفت الكمب , وجلس يفكر في كلام العود ووش قصده,,
والسلام عليكم .. ودي آخذ فرصه افكر ي كلام الشايب ....
