وين الحوير اللي يرص المطاليب

وين الحوير اللي يرص المطاليب***واحـد ورى واحـد على بـعـدالامـتـار
عـزالله اني كاسـر(ن) للمصالـيب***أرمي واصيب اهداف لو خلف الاستار

أستلم يا ذيب السراه وركز على الوزن اللة يوفقك...



يا مرحـبا في محل اهـل المواجيب
لـو شبت الـنـار لا تـقـرب مـن الـنـار



يا ذيب يا ذيب لاتجـفـل من الـذيـب
خلك على موقفك لـو صـار مـاصـار

سلام عليكم اخوي قوي العزايم........
أولا: انت تكلمت عن وزن أبياتي وانا اتحداك تحدي اذا كانت مكسوره او بها خله
ثانيا:انت رديت على أبياتي بوزن مخالف عن وزنها وبقافيه مخاااااالفه
ولذالك أنا رديت عليك بنفس القافيه مجاراة لك

استلم/


الوزن قاطر مابه الشك والريب****بس انت عاجز عن مجاراة الاحرار


يابو عزايم خل عزمك مثل جيب***ثم رد لخصومك على نفس الاوتار

تقول بقافية مخالفة ... الله يخلف عليك...


ما حدّنيلـك ياكـود الفـطّـر الشّـيـب
أقرب و أبا أوسّمك بالميسم الحـار


يـا طعسنا زان بـك دقّ المنـاسيب
أظبـط لنـا دلّتـك وأعـطيك مسـمـار

لاهنت ياخوي قوي العزايم أوضح لك ليش انت ما رديت على نفس قافيتي
إرجع للأبيات الأولى/


وين الحوير اللي يرص المطاليب ***واحـد ورى واحـد على بـعـدالامـتـار
عـزالله اني كاسـر(ن) للمصالـيب***أرمي واصيب اهداف لو خلف الاستار

الشطر الأول من كلا البيتين قافيته اربع حروف
الشطر الثاني من البيتين قافيته ثلاث حروف

وانت مامشيت على هالقافيه

تقبل مروري

وش دخل اربع حروف يا بعد حيي الله يهديك لعبت بأم القاف والوزن
اللعب يصير على اخر حرفين مهوب اربع