البارحه

البارحه قلبي من الهم محـــــروق
كنه بنار سارجتها الهـــــــــبوبي
وابطيت انا ما تكلم بمنــــــــــطوق
غارق بهمي والعرب ما دروبي
سبة رفيقن ما هقيت انه يبوق
غالي واعده ساعدي في دروبي
فواز عديتك ذرايه مـــــن العـــوق
لزريت يافــــــواز في نقل ثوبي
واليوم شاهدت الجفى منك مرموق
تفرح ليى من المهبل حكـــوبي
وانا عزيز وهامتي دايم فوق
ما تنحني لو البشر عذربوبي
وانا بدوي واصلي عتيبي ومن روق
مشره على الجهال لو شرعوبي
من صد عني ما جذبني له الشوق
أمشي شمال ليى مشى للجنوبي
واحط سر عن العرب وسط صندوق
لوهو شرح للناس جملة عيوبي
راع الوفى له مني الطيب مطبوق
أفرح ليى منه مشى القرم صوبي
واصد عن راع الردى صاحب البوق
هذا طريقي ياملا هو سلوبي

صح لساااانك وبيض الله وجهك


مشكووور يالغااالي ماااقصرت ..

راع الوفى له مني الطيب مطبوق
أفرح ليى منه مشى القرم صوبي


...



سلطان الحزيمي

صح لسانك وبيض الله وجهك

كل الود والتقدير لك أخوي
محمد وتسلم يالغالي على المرور
شرفت صفحتي
تحياتي لك

ابن سرحان الثبيتي
كل الود والتقدير لك
وتسلم على المرور
تحياتي لك