قصيدة في مدح الشيخ نايف بن محمد بن هندي

السلام عليكم ورحمة الله وبركاته

هذه قصيدة للشاعر عامر الضاعني العجمي يمدح فيها الشيخ نايف بن محمد بن هندي بن حميد حيث يقول :


يا راكبلي ينهضن الهوالين = حيل ٍ زهن أكوارهن الكلايف
اليا ادلجن كنهن سوات الشياهين = والا القطى مع مجرهد الحتايف
طفقات ما تعتاز ضرب الخزارين = متشملحاتن كنهن السقايف
على أول ٍ بسنانهن لونهن زين = بتر الفخوذ مقربات التنايف
اهلها قروم ٍ وفوق الأكوار ضارين = ومنجباتٍ وللمزاهب خفايف
صبح أربع ٍ مع أربع ٍ بالمعنين = تلفيبنا ابن حميد شيخ الطوايف
هذاك عيد لليلة الربع ملفين = ليل الهدا ليلة ألفيتو نايف
استانسوا عقب التكاليف طربين = الضو شِبت والمفارش قطايف
حط المقهوي غوري ٍ بين ثنتين = شوامي ومتعبات ٍ نظايف
فنجالها يشطي على قاعة الصين = أشقر يداوي علة اللي مسايف
والسور يغهق بالشحم فل المواعين = سور الشحم ياللي تبون الطرايف
مع مرحبا لا نوخ الضيف وأهلين = في بيت من يروي شبات الرهايف
حر ٍ ومن مركر حرارن قديمين = صعبين روسن ما طري الحسايف
عند الشريف مشيلة معاشين = ما ذكر لي عند الملك مثل نايف
يا ما عطى من بندق وقعها زين = ومن النجايب موميات السفايف
وشمرتن ما تلحق للعوانين = لا سمعة الصياح عجل ٍ وشايف
يا شيخ يا معطي الطوال المثامين = طالبك وجناً تستوي للكلايف
لا الله عطا تعطون وانو سخيّن = وان صامعة فالله وسيع الكتايف
وأهلي بعيد يا زبون المخلين = وأنا غريب ٍ وأجنبي ٍ وخايف


(( منقول ))

يعطيك العافية ياولد حبرود

والقصايد الي قيلت في نايف كثير ولاكن اكثرها لم يحفظ

بسبب تواجد نايف ابن محمد بشمال

يستاهل الشيخ / نايف بن حميد


وصح لسان الشاعر / عامر العجمي



لاهنت اخوي

ولد حبرود

صح لسان الشاعر وبن حميد يستاهل