---( ( مــشــغـــــــــــول ) )---

السلام عليكم جميعآ وأقدم لكم اعتذاري عن الإنقطاع

كما أقدم هذة القصيدة التي أتمنى أن تحوز على رضاكم وإعجابكم:


إليا نشدنا واحدآ قال مشغول = من كثرة الأشغال ماهوب فاضي

ومضى علاه الحول والحول والحول = وهوه من الأشغال ماهوب فاضي

وأقول ياعقٌال ماهوب معقول = تشغلكم الدنيا بكثر المقاضي

العمر لو يطول لا بده يزول = أمرآ من الله ماعلاه إعتراضي

دنياك كم أفنت طحاطيح وزحول = مضى علاهم وقت والوقت ماضي

يوم أتذكر عام الأول لهم صول = زحول الرجال مطوعين الغلاضي

واليوم مانشوف منهم ولا زول = أقفت بهم سود الليال المواضي

ماباقيلهم غير تاريخ وفعول = عقب الشديد وعقب قطع الفياضي

ياللي تصول بدنيا الأحلام وتجول = دنياك تعطي للسواد البياضي

كم واحدآ تعطيه بالعرض والطول = نيران عزه فالطويلات قاضي

مرتاح لو إنه مع الناس مبدول = ماعاف نومه مثل غيره يحاضي

وكم واحدآ فعله مع الناس منقول = تخليه يمشي فوق حر الرماضي

يالعبد لا بدك على النعش محمول = العمر مع دورات الأيام قاضي

عليك بالطاعات والغيب مجهول = أحسب حسابك قبل تقض القواضي

قبل يجي يوم منه عقلك يهول = إما جنان الخلد وإلا لواضي

إما رميت بصالي النار مخذول = وإلا حضيض بجنة للحضاضي

الشاعر/مشاري رفاعي الروقي
ذيب السرية
ودمتم

ذيب السريه

قلت واجدت

صح لسااااااانك مدد بلا عدد

فعلا لامست الجرح ويكثر ما قلناها وسمعناها

لك متابعتي واعجابي بما تقول


اخوك نياااااااااااااف

يا سلام عليك ...

إبداع بمعنى الكلمة ...

أجدت في صياغة القصيدة ...

من مشغول إلى الموت والمصير ...

ما أقول غير " صح لسانك مليون "

والله يذرّي على رأسك ....

قصائدك تخبرنا إن وراها شااااعر بمعنى الكلمة ...

وأنا متأكد إن إسم مشاري هذا راح يكون له دور بارز في هذا المجال ...

واصـــل ,, واحنا متشوّقين لجديدك بإستمرار ...



تحياااااااتي

صح لسانك اخي ذيب السرية
على القصيدة الرائعه

صح لسانك عز الله قصيدة محكمة وجزلة

ذيب السريه ..صح لسانك ..

ننتظر جديدك وتواصلك بشغف ..

وسجل متابعتي الدائمه لك ..

بعيد المرامع

يالعبد لا بدك على النعش محمـول
العمر مـع دورات الأيـام قاضـي

عزالله صدقت

يالله حسن الخاتمه

وصح لسانك ياذيب السريه

تقبل اعجابي وتحياتي


ننتظر المزيد من الابداع الغير محدود

اخوك ذيبان

صح ابدانك جميعا انا عاجز عن الشكر شهاتدكم جميعا وخصوصا استاذي وصللل ولايهينون الباقين اعتز فيها دائما وهي وسام على صدري لاعدمناكم يالغالين تسلمووون والله وبيض الله وجهكم على هذا الاطراء الجميل

العمر لـو يطـول لا بـده يـزول
أمرآ من الله ماعـلاه إعتراضـي

دنياك كم أفنت طحاطيـح وزحـول
مضى علاهم وقت والوقت ماضي

الاخ الغالي ...,/ ذيب السريه

صح لسانك على هذا الابداع ..,

بيض الله وجهك ..,

ابيات رائعه بعدد حروفها

من أجل الشعر لا تطيل

نتطلع لـِ رائعتك القادمه ..


لك خالص الأحترام و المودة ..


ذيـب الحجاز

ذيب السريّة

ماشاء الله علاك اسم على مسمّى

صح لسانك والله يالذيب ولاهنت

هلا فيكم جميعا وصح بدنكم
لا عدمناكم يالغالين

يالعبد لا بدك على النعش محمـول
العمر مـع دورات الأيـام قاضـي

عليك بالطاعات والغيـب مجهـول
أحسب حسابك قبل تقض القواضي


صح لسانك اخوي
ولاهنت
قصيدة في منتهى الروعه

يعطيك العافيه

..
قصيده وافيه وفيها من الموعظه
والحكمه الشي الكثير .. ولكنها اقل مستوى
من قصايد سبقتها وحنا نطمح منك بالبقاء على القمه دائما
:)
معليش لانك شاعري المفضل
لااريد ان اخبي عنك شي من الصراحه وسوف اكون بعيداً عن المجامله
كل الود يامشاري وتراني دائما اتشوّق لجديد.. الله يديمك..

صح بدنك اخوي الدهاسي

اسعدني مرورك وتشريفك

اشكرك كللللللللل الشكر اخووووووي مرزووق على صراحتك وهذا الي ابيه دايما الرأي بكل مصداقيه بعيدا عن المجاملات
والله اني فاقدك انت واخوي الدلبحي وداهية عتيبة قلت اكيد ماعجبتهم القصيده
وانشالله اني ابقى عند حسن ظنك دااااايم والقادم افضل بأذن الله
تقبل تحياتي اخوووك مشاري