عتبان والتاريخ محدن مخفيه

قلت هذه القصيده بزميلي العميد الطيار الركن عقاب ابن سميح العتيبي




الشعرزان وهيضتني معانيه=واسترسلت نفسي بحسن المعاني

كتبت شعري والمثل نفتخر فيه=امدح عريب الجد مدح بياني

والشعرطيب كان طابت معانيه=وعساك يافكري تصوغ السماني

ياعقاب فيك الشعرتفخر مباديه=يالنادر اللي صاحبه مايهاني

يانسل قوم طيبهم مجد ماضيه=يفخرله الحاضر ولاهي بماني

من ربعة للحق تعرف مباديه=دلابحه تشدى سهيل اليماني

وان صاح باعلى الصوت تسمع عزاويه=يجون فوق مكضمات العناني

يجون فوق السرج من غير تمويه=يشفون صدر اللي حداه الزماني

ماقول قول الامثبت معانيه=وقول بلافعل ترى مايباني

عتبان والتاريخ محدن مخفيه=ولاهم بحاجة مدح قاصي وداني

تاريخهم مهماتكلمت محصيه=محصيه لونكتب كثير المعاني

لاشك قصدي طيب ياريف ناصيه= والقلب ترجم لك غلاه اللساني

راع الوفاء لو غاب ماني بناسيه=يبقى مكانه في عزيز المكاني

والله يجيرك عن مصايب بلاويه=ويجزاك عن فعلك جزيل الحساني

وصلاة ربي عد ماحل طاريه=عد النفود وعدمالحق باني

وعداد ماهل المطر من مناشيه=على الرسول اللي بفعله هداني


الشاعر فرحان النومسي





رد علي ابن عمه الشاعر منيف مطلق الدلبحي




يامرحبا بالخط والله يحييه=فرحت بالمكتوب ساعة لفاني

اقدر المكتوب من قدر راعيه=قرم يحب الطيب ماهو هداني

من ساس وايل منسب يفتخر فيه=منزحين الضد ريف العواني

المدح لاهل الطيب فرحان مهديه=مهديه للنادر عريب المجاني

وعقاب راع المدح والمدح يكسيه=وعد الرواء ترد عليه السواني

لاشك ابي اشكر راع الخط واجزيه=وللي نصى حفيد جدي نصاني

يالنومسي فعل الوفاء مانخليه=والطيب في شرواك ذخر وضماني

وللي نصانا مانخيب هقاويه=نجود بالميسور والعمر فاني

درب لنا من عصر الاجداد نمشيه=رؤس العلا ونكب درب الطماني

والشهم لاسمع النداء قال لبيه= ويرسي كما ترسي سطول المواني

ورجل تقصر في المراجل مشاحيه=الي مات ماينفعك لو هو جناني

والي يحسب الطيبة والمشاريه=يشارله يانومسي بالبناني

هذا ولك مني تحيه بتاليه=اعداد من صلى وصام رمضاني

..

صح لسانك يافرحان
انت كفو والممدوح يستاهل..

وصح لسان منيف الدلبحي جمل ووفّى في ماقفه.

..

بسم الله الرحمن الرحيم

صح لسانك ياالنومسي و انت تستاهل والدلبحي يستاهل وصح لسان الشاعر فهد والله لايهينكم

صح الله السنتكم جميع على القصيد الجزل والحق يقال إن الرد كايف




يعطيكم العافيه

صح لساااااانك يا صبي وايل
ولاهي غريبة عليكم فعل الجميلة

وصح لسانك الدلبحي

صح لسانك يا النومسي والنعم بحالك يالقرم

وصح لسان الشاعر منيف مطلق الدلبحي

حياك الله يا النومسي بين إخوانك

وصح الله لسانك وبيض الله وجهك

وصح الله لسان منيف على رده الوافي

لا هنت يا الغالي

تحياتي

صح لسانك يالنومسي

وصح لسان منيف


ابيات رائعه وفقكم الله

الاخ القدير حمدان اشكرك جزيل الشكر على المرور والتعليق الجميل

بسم الله الرحمن الرحيم

صح لسانك ياالنومسي و انت تستاهل والدلبحي يستاهل وصح لسان الشاعر فهد والله لايهينكم





ابو عبد الاله اشكرك شكرا جزيل واتمنى ان كل ماكتبته يحوز على رضاكم

صح الله السنتكم جميع على القصيد الجزل والحق يقال إن الرد كايف




يعطيكم العافيه



الشاعر القدير معلا الاسعدى شكرا لشعورك الجميل والاصيل ولا غريب عليك الطيب

صح لساااااانك يا صبي وايل
ولاهي غريبة عليكم فعل الجميلة

وصح لسانك الدلبحي





صح بدنك اخي فهد لك منى الاحترام والتقدير

صح لسانك يا النومسي والنعم بحالك يالقرم

وصح لسان الشاعر منيف مطلق الدلبحي







ابو ضيف الله حياك الله وصح بدنك لكى احترامى

حياك الله يا النومسي بين إخوانك

وصح الله لسانك وبيض الله وجهك

وصح الله لسان منيف على رده الوافي

لا هنت يا الغالي

تحياتي

الاخ فيصل الله يبارك فيك وقول وفعل صدقنى اننى عندما اكون بين عتبان لم احس بالغربه



صح بدنك ولاهنت


والشاعر منيف جزل ويستحق المدح




ومن يقول لاهان

صح لسانك يا النومسي والنعم بحالك يالقرم

وصح لسان الشاعر منيف مطلق الدلبحي

صح بدنك يالذيب وعتيبه تستاهل اكثر من هذا


اشكرك شكرا جزيل على شعورك الطيب