استمع والحر تكفيه الاشاره :::: رفيع المنزل لا هان

السلام ومساء الخير



ان سمح وقتك يا رفيع المنزل والا تراك مسامح دنيا فقط





سلام والا اهلين يا قوم الشمال=والا ترى الثنتين فدوة للرجال
لكن هذا فــــــــال يقفاه العقال=والمقبلات من الليال بفالها .. بفالها



يا رفيع الناس ماهم نايمينا =استمع والحر تكفيه الاشاره
واضح اللي فاليسار وفاليميـنا=زول صار ازوال والناتج خساره

وش عندك على الموال من تالي ههههههه


صح لساااااانك ياعمدتنا


جزل دائما كما عودتنا


وصح لساااان رفيع المنزل مقدما

ماسكة غلط هههههه



حياك الله يابن عاقل



عطررررت المتصفح وشرفتني بحضورك طال عمرك




صح بدنك ولا هنت

تسلم ع الموال يا عمدة

وراعي جزيله

وفي إنتظار رفيع المنزل

حيااااك الله يالقلاع






شرفتنااااااااااا


ونورت الصفحة



صح قلبك ولاهنت

مساء النور والمعذرة للتاخير ابلشتنا بالموال يالذيب



يامرحبا من شاعر ٍ ربعه وفو= واصغرهم اللي في ملازيمه كفو
اليا نفخ فوق المعادين اختفو= والمقبلات من الليال بفالها


بيح المكنون كله يوم جينا = واعرف ان النار تبدى من شراره

ارض سينا مابها الا طور سينا = فوق بعض الرمل واصغار الحجاره

ابن عاقل


محمد القلاع


صحت ابدانكم مروركم كافي

الله الله





ياهل الوفاء ياللي تعنون الخيول=الليلة الليلة تشيلون الحمــــول
نحدكم حتى تعرفون الاصول =والمقبلات مـــــــن الليال بفالها




لا تجاهل يابن وايل مـــــا رويــنا =المعـــزب قدم عينك شب ناره
من شمال الدار طرقي له سنينا=كل ليله معه رخصة واستماره

المستحيل اللي تبونه بالهياط = مايحصل الا بعد هذا الاشتراط
اذا الجمل شفته يلج سم الخياط = والمقبلات من الليال بفالها


انت مبلي مار تبغى تبتلينا = في مسارك واترك الضيف بمساره
العلوم اللي معك ماهي يقينا = حضر البرهان ثم اصدر قراره

بيض الله وجيهكم

مهما قلت ومهما أبدعت

فلن أوفيكم حقكم

وكلمة شاعر قليله فيكم

أرفع القبعة أحتراماً لشاعرين

وانا متابع,,,

الله الله



الخـــط يالطيـّب مراقب بالردار = واللي يسوق الباص ويسوق القطار
مصيـــــود من مده ولا يقوى الفــرار=والمقبلات من الليال بفالها




الأدلة كلبوهـــــــــــا في يدينا =اصبر شويه ونعطيك الاماره
جرة السرحان والا ابو الحصينا=بيّـــنه لاهل البداوه والحضاره

حضورك المشرف يكفينا يا محمد




صح قلبك ولا هنت

المجلس الاعلى معه كل العلوم= ياللي علومك داخل الريبه تحوم
ياليتك الليلة تنام ولاتقوم = والمقبلات من الليال بفالها



نصبر وربك يعين الصابرينا =لو طويل هروجكم يشبه قصاره
مالقينا الثانية حتى لقينا = واحد ٍ فاضي ويحفر فالجحاره

محمد القلاع


شكرا لك على مرورك الثاني


ويسعدني اعجابك

وبيض الله وجيهكم
والصلاااااااااة لا تفوووووتكم

مع الف سلااااااااامة

الله الله

صحة السنتكم


متابع :)

فهد العازمي صح بدنك

ومشكور على التذكير


مشاري الحبردي صح بدنك ومتابعتك مكسب

الله الله



خابرك مــا تبغى لنا جنبً متين=تدعى علينا بالفنا في كل حين
بلاك من جور الليالي والسنين=والمقبلات من الليال بفالها




في نحور القوم بالشلفا رمينا=مار روح نصهم خلف الستاره
كان ما ميــــزت في دنيا ودينا=مشكلتك اما كبد والا مراره

فهد .. جزاك الله خير // مشاري



حياكم الله



شرفتوناااااااا




بطلتكم



لا عدمناكم




صحت ابدانكم ولا هنتما

ان كان دمك من دعاوينا يفور= ياجعلكم تبقون ليوم النشور
مار اتجه في درب لاتقعد تدور = والمقبلات من الليال بفالها



نعم فيكم مثلها نعمين فينا = والصداره دايم ٍ لاهل الصداره
في هذيك وذيك حنا ناجحينا = يالمقمر ماضرينا بالقماره

انا طالع للصلاة واذا تبي تختم يالعمدة او نكمل لك الخيار

الله الله



الدرب قدامك مسوى من عصر=لكن من طوله نشوفك تحتضر
واليا بغيت الصــدق يا زين العذر=والمقبلات من الليال بفالها




العرب بالطيب ما زادت عليــنا=لو رقت بالونش في راس العماره
العب الدحه وقلي ما درينا =جات فالصندوق والا فالغماره

صل الصلاة أولى


صح لسانك يا رفيع المنزل ولا فض فوك



شاكر تلبية الدعوة


والختام عندك انت


شرفت وانست والى اللقاء

مانته مزيد ناقصه والزايده= حاولت تنقصها ولاشي فايده
لكن ليامنك بغيت الكايده = المقبلات من الليال بفالها


طبعكم تلغون حق الاخرينا = فالحكي والا الفعل مامن شطاره
دحة الويلان ياللي منكرينا = خير من زير ٍ تدقه باي حاره

صح لسانك وبدنك يالعمدة


وانا لي الشرف يوم العب مع امثالك


وعلى المودة نلتقي


شكرا لك وشكرا لجميع المتابعين بدون تخصيص


والى اللقاء

صح السانك يالعمده وصح السانك يارفيع المنزل

طاروق ممتاز

ويدل علي قوة شعرائه

واعجبني رفيع المنزل

لاهنتم