القذافي

:

:





:














يا وجد روحي كل ما أبدع قافي = ينقض عليّ الوزن والقافيـّـة
ولفي و ريفي مسعفي متلافي = أصل الغلا والحب والحنيـّـة
كنّ المشاعر وكـّـلت بن صافي = بالشرح يوفي حالتي وش فيـّـه
يا ناس منهو يستطيع إسعافي = ينقل كلامي مع حدا الطرقيـّـة
ماني على طب المدينة لافي = والبدو ناصيهم يذوق الكيـّـة
أما طبيبي والعلاج الشافي = ذاك الذي في الكون ما ألقى زيـّـه
محشوم عن وصفي و عجزي كافي = ماله شبيه يقاربه موليـّـه
من زود حبه زدت فيه إسرافي = تشره عليّ الناس من ما بيـّـه
أمشي في دربي و أستدير خلافي = و أخرج بلا غترة ولا طاقيـة
و أكتب قصايد من غريب أوصافي = تسوى في عيني المال والذريّة
جات القصيدة فيك يا القذافي = في عقلك اللي ضاربه مسحيـّـة
تضحك على الشعب الكريم الوافي = في أربع عقود بحجة الحريـّـة
واليوم تقتل فيه بإستخفافي = وتهدّده بحروبك الأهليـّـة
وإعلامك التعبان مثلك طافي = مابه جديد أخبار ((هيـّـه... هيـّـه))
ما تدري إن الظلم وحده كافي = يقلب عليك الحكم يا النفسيـّـة
هذه السنة و بحكمةٍ وإنصافي = رجعت لجيب أصحابها العاريـّـة
دارت رحاة الحب تطحن سافي = تطحن كبار القوم بالعاميـّـة
شبت حرايق من غصون سخافي = وإذا دفنت النار تبقى حيـّـة
ما تُطلب الشرهة من المتعافي = والملك ما يؤخذ بلا جبرية
واللقمة اللي في القليب الدافي = يا قدرة الله كيف تكفي ميـّـة
حد السيوف المرهفات الخافي = يقطع يدين اللي نوتنا نيـّـة
والخبل أبو عارض سفيه وهافي = شبابنا شكـّــوه بالجنبية
دكوا حصونه لين شرّق حافي =ضاعت علومه في نهار الهيـّـه
ملبوسنا منّـا علينا ضافي = ما رقـّـعته العالم الغربية
تمـّـت و صلوا دامكم عُـرّافي = على النبي صلاتنا مثنيـّـة

ماشاء الله تبارك الله

قصيده حلوه أخي
بالتوفيق

صح لسان الشاعر

وسلمت يمينك

قصيدة جميله من شاعر جميل


اتمنى التوفيق لك

صـــــــــــــح لســـــــــــــــانك


قصيده جزله من شاعرجزل لاهنت




تقبل مروري