البارحه يوم الاوادم مرشه ( الشاعر خالد الكسر المرشدي رحمه الله )

قصيدتين للشاعر خالد عقاب الكسر المرشدي رحمه الله


يا عيال يا مترحلين حثاحيث = خضع المقاود والمناكب وساعي
بعضودهنه بان وسم الملاكيث = اسداس لافطر ولا هن زعاعي
شعل بهن من فزت الريم تشقيث = يوم ادبحن مثل انزعاج السواعي
تريضوا لا ريضتكم لوابيث = لما نقول بفالكم والوداعي
اقدوا عن الدرب الوعر والشرابيث = واللي عليهن كل قرم شجاعي
العصر من لينه شعوهن شواغيث = سمح الوطا عن كل سندا رفاعي
ومروا اهل حايل رقود مماكيث = من قبل ديك المذن اول يعاعي
ومصباحكم بين البيوت المثاليث = لابد يدعيكم على العرف داعي
واليا نشدكم صاحبي قال من حيث = قولوا لها من غير كثرة نزاعي
يازين صرتي بين دور وحراريث = يادرة باغلى ثمن ماتباعي
يابو ثمان كن فيها العسل ديث = يبري عليلات القلوب الوجاعي
ما طورقت بعيونها ( ....) = ولا وايقت باثر المقافي تراعي
ولا سولفوا عنها العلوم الطراميث = وعنها السباع مجنبات جياعي
والله لوني من ورى الطور والليث = ويحول من دونه ديار قطاعي
ارجيه رجوى ممحل يرجي الغيث = وباقصى الضمائر شارع له رواعي
عقبه يرج القلب مثل المحاريث = ويقلي فوادي مثل سم الافاعي

الثاااااااااانيه


البارحة يوم الاوادم مرشه = عيت عيوني تستلذ الفراشي
ويامل قلب طول البين غشه = والحال مما بالفواد متلاشي
عليك ياللي زرع قلبي يحشه = من عقب ماهو بين الاضلاع ناشي
حش الدبا لقصار زرع يدشه = رهوم كتفي على القاع راشي
ياروع يازملوق عشب بدشه = غاذيه من غر السحايب رشاشي
زولك صغير وقمت عنا تخشه = وقصرت رجلك ياقليل المماشي
( يا ورع عطني من ثناياك نشه = لوبس من حمر البراطم نواشي )
ترى الدسم يكفي منه ذوق مشه = والهزل مانبغاه لو هو بلاشي
هرجك على قلبي نقاريش طشه = احلى من الما للقلوب العطاشي
والبيض غيرك مثل حوش المقشه = وايا غزال الريم واي الخشاشي
ورع صغير وشد قلبي وهشه = هش الهواء ارض على جال طاشي
واو مابي اوماي العصا بالمنشه = او ماي هجن يبعدن المعاشي

صح لسانه والله يرحمه

وسلمت يمناك يابن مرشد

الله يغفرله

شاعر علم مبدع في جميع اغراض الشعر

لاهنت ياسلمان

تحيتي وتقديري

الله يسلمك يالحبردي مرورك يشرفني ياطويل العمر

والله يسلمك يافهيد لاهنت علئ المرور شرفتنا يالطيب

,’

خالد بن عقاب الكسر من شعراء قبيلة عتيبه المعروفين.

كل الشكر لك ياسلمان على النقل الرائع.

,’

شكراً ................على تلبية الطلب يابو عدي.........................والله العضيم انها دوى الكل رجالٍ يفكر ..ويقل نومه ................ الله يرحمه ...............من فحول الشعر


نبي الو تكرمت وعذراً على الاطال الي يقول ..

( يومنها للقوم وحنا نكضها...........لاان المحال ادرج عليها لوالبه)


وتقبل ..خالص التحيه

لاهنت يالذيابي مرورك يشرفنا ياطويل العمر

لاهنت يامتعب شرفتنا الله يشرفك

الله يرحمه

يازين هجائيته في الكويت


لاهنت يابو عدي

لاهنت ياحيااااااااااااااااااااااد

وشكرا علئ مرورك الكرييييييييييم