يانايف الحميدي تفضل
ناصر بن محمد العتيبي22-Jun-2005, 02:01 PM
يامرحبا ويامسهلا
واتشرف باللعب معك يانايف
ياسلام الله سلامٍ يبدا للقروم=في محل العزوه اللي يضدون الحريب
هيه يانايف تحيزم وناطح للهجوم=وكل جرحٍ يالعتيبي تحصله طبيب
نايف الحميدي22-Jun-2005, 02:37 PM
الشرف لي ياناصر
مرحبا وعداد مالاح براق الغيوم=من هجوسٍ فاللقاء رايها دايم صويب
شدحيلك واسر ليلك وعينك لاتنوم=جعل حظك ياوسيع المعرفه مايخيب
ناصر بن محمد العتيبي22-Jun-2005, 02:55 PM
البقاء ياللي ترحب عسى حظك يقوم=وانت شاعر مير عن واجبك حذرا تغيب
البلد لاهل البلد كل دارٍ وله قوم=والله اللي يكتب الرزق ويسوق النصيب
المهنّــــد22-Jun-2005, 02:57 PM
لاهنتــــــــــــــــــــــــم
ياناصر ويانايف.
استمروا والله معاكم وقلوبنا ويّاكــــــــــــــــــــم
ناصر بن محمد العتيبي22-Jun-2005, 03:05 PM
المهند
الله لايهينك
وجودك نور المتصفح
احترامي لك
اخوك
نايف الحميدي22-Jun-2005, 03:09 PM
استلم
والله ان خابرين العوايد والسلوم= مايخلي واجبه غير ملعون الصليب
واقفٍ مندونها كل ليل وكل يوم=نردع الاعدوان بالسيف ابو حدٍ عطيب
نايف الحميدي22-Jun-2005, 03:11 PM
مرحبا يالمهند
نورت الصفحه بوجودك
ناصر بن محمد العتيبي22-Jun-2005, 03:36 PM
الله الله
استلم
خابرينك يارفيق الليالي فاللزوم=فارسٍ مغوار من دون شك ودون ريب
كل بيتٍ تالي الوقت يطلع منه بوم=يالله استر ياعليمٍ على خلقك رقيب
مرزوق حمدان العتيبي22-Jun-2005, 03:58 PM
...
..
.
ابك
..
.
ابك
..
.
ابك
..
.
ابداع وشعار راقين ومميزين
لله درهم وولهم العافيه.
كل الشكر لكما...
سيــف المعانـي22-Jun-2005, 04:10 PM
الله الله
متاااااااااااااااااااااااااااااابع
للمبدعين :) مسيتو بالخير
محمد العتيبي22-Jun-2005, 05:46 PM
الله على الابداع
ولكن الصفوف مدري وينهم ابروح اشوفهم وش يسوون
اكيد انهم محصلين لهم صيده
ابناديهم واجيكم ماني بمبطي ..... سرا سرا .... سرا سرا ...
سرا سرا .... سرا سرا... الليل الليل .... واصل واصل
لاهنتوا يانايف وناصر
فيصل الثبيتي22-Jun-2005, 06:17 PM
يالله يا ابو مشعاب
امسك صف وانا صف ...
انا باقف في صف ناصر ولا يهون نايف
واصلو واصلو ...
الفيصـــل
ناصر بن محمد العتيبي22-Jun-2005, 06:59 PM
مرزوق العتيبي
سيــف المعانـي
ابومشعاب
الفيصل
بيض الله وجيهكم
نور المتصفح
والمكسب الحقيقي اطلاعكم
لاهنتم يالنشاما
اخوكم
((الدلبحي))23-Jun-2005, 01:30 AM
الله الله
تسلمون يالربع على الابداع المتواصل
ناصر ونياف
صح السان كل واحد منكم
تحياااااااااااااااتي
ناصر بن محمد العتيبي23-Jun-2005, 03:33 AM
صح بدنك
يالدلبحي
والابداع اكتمل بوجودك
لاهنت يالقرم
اخوك
فيصل المسعودي23-Jun-2005, 04:05 AM
ابداع ناصر ونايف واصلو وحنا متابعين
ماجد الهذلي23-Jun-2005, 04:55 AM
أبداع وتألق
سلمتوا يا نايف ويا ناصر
مستوى فووووق المستوى
تحياااتي
ناصر بن محمد العتيبي23-Jun-2005, 05:50 PM
فيصل
ماجدج
مرحبابكم
نور المتصفح
لاهنتم
داهية عتيبة23-Jun-2005, 06:02 PM
تسلمون على العب الروعه
تحياتي
نايف الحميدي23-Jun-2005, 06:12 PM
عذراً للتاخير
وانته ونعمين لكن وشفيك مهموم=ازهل الموضوع وارتاح يالقلب اللبيب
راح حرب البندقيه بدا حرب النجوم=ساير الايام معاد به شيٍ غريب
ناصر بن محمد العتيبي23-Jun-2005, 06:39 PM
معذور والدنيا مشاغل
كل رجلٍ قد جسمه يفصل له هدوم=والخطاء ياصاحبي مايجينا من صحيب
القليب ابها نواعير والمضمي يحوم= والعدوا ياذيب لا ما يورد للقليب
الفراهيدي24-Jun-2005, 05:34 AM
نايف الحميدي25-Jun-2005, 02:27 AM
استلم
البس ثياب المعزه عسى عزك يدوم=الخطا مانقبله من بعيد ومن قريب
مايطب المسجد الي تعشى فص ثوم=نطرده عن منبره لو فزع معه الخطيب
ناصر بن محمد العتيبي25-Jun-2005, 05:57 PM
المعزه لاهلها والمذله لرخوم=واليالي تكشف السر والعلم الغريب
كل رجلٍ دون داره تراخى بالعزوم=طيعني لاتحتزم فيه بالوقت الصعيب
ناصر بن محمد العتيبي25-Jun-2005, 05:58 PM
داهية عتيبه
الفراهيدي
حضور يزيد النور نور
بيض الله وجيهكم
ولاهنتم
نايف الحميدي26-Jun-2005, 03:11 PM
استلم
ياعساها ماتجيك المنايا والسهوم= شاعر لقلتلك كلمتينٍ تستجيب
ماحتزمنا غير بحزام جدانٍ قروم= نردع الاخصام وان عودت نار ولهيب
ناصر بن محمد العتيبي29-Jun-2005, 04:57 AM
اخوي نايف
الله لايهينك
والله ان اللعب معك مكسب
لاكن يعلم الله اني منشغل
بيض الله وجهك يالقرم
وبيض الله وجيه الي حضروا
اخوك
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
