ياخوك ياتركي...مناشدة لأبو متعب

السلام عليكم ورحمة الله وبركاته

اسعد الله اوقاتكم بكل خير

القصيده تحكي عن واقع المواطن السعودي ,,,اسئل الله العلي القدير ان يصلح حال المواطن السعودي




ياخوك ياتركي صحيح أنت جيعان.....وأعرف ترى غيرك عبادٍ كثيرين

وأنا مثل ما شفت جائع وطفشان......ومديون والدوله تضخ الملايين

ياليت أبو متعب ونايف وسلمان.....يدرون عن حال العباد المساكين

أكلوهم التجار قدام الاعيان......والبنك وقروضه ورى الراتب الشين

كم عاطل وكم واحد يدورّ لمسكان......الشعب شاب وحالته كلها دين

وبطانة الحاكم على طول الازمان.....تتبع مصالحها ولاهم بدارين

ما يوصلون الصوت لو كان ماكان.....يقلون شعبك عايش الخير خيرين

وصار المواطن طول الايام منهان.......والفقر يكتب له بعينه عناوين


شعر/سطام بن سلطان بن فهيد
ملحوظه....
اسم تركي اللي بالقصيده هو تركي بن صنهات بن عديس الشيباني

منقوله
من منتديات نجوم الشعر