الحره

حبه بوسط القلب وهذا مقره
واصبحت في حبه متيم ومجبور
ليته قريب الدار عندي وامره
مير البلاء دونه مسافات وبحور
ومن لايعرف الحب حلوه ومره
مرتاح بال وعيشته دوم مسرور
وقتن غرير الحب حبه يضره
يجاذب الونات وخاطره مكسور
وحضي معه ان مال واقدر افره
برتاح من همن انا منه مخطور
عيا حلال القوم وشفت المضره
ومن سبته ذقت العنا منه والجور
طاع العواذل با لعذل والمغره
هراجت المجلس شهادة الزور
وانا الذي من حبهم ذقت حره
وكبدي من الفرقا على حر دافور
وكل الاوادم عايشه في مسره
وانا على ذا الحال صابر ومقهور
ويالله يارب السماء والمجره
تعيضه الولهان مع شقت النور

ابوهوازن الاسعدي