يا فلاح الهم خيّم فوق قلبي يا فلاح........ (قصيدة مؤثرة جـداً)

هذه قصيده تحكي معاناة انساااان بسبب غلطه غير مقصوودة انتهت حياته ..

سلطااان بن رباح كان له اخ لم تلده امه اخ دين ودنيااااااااا .. هووو محمد بن عقيل ..

كان اخوتهم على وضح النقااا .. ومن زود ما يغلي محمد سمّى ولده البكر محمد على اسم خويه ..

كانوااا يعشقووون الصيد .. وفي رحلة من رحلاتهم وفي فتره الظهيره ..

كان محمد يجهز الغداء وسلطان ينظف السلااااح ومن غير قصد وبدون علم بوجود الطلقه في

مخزن السلاااح انطلقت الرصاصه

لتسكن في قلب محمد وترديه صريعاااااا ..

ولم يكن عندهم احد ..

وضع سلطان في السجن .. وبدات المشايخ بالوفود على اهل محمد لكي يصفحووو عن سلطان

ولكن بدون فائده ..

وصدر الحكم عليه بالقصاص ....

وبعد التنفيذ .. ومصادفة ً صار قبر سلطان في جنب قبر محمد ..

لا اطيل عليكم .. هذه القصيده بين ايديكم ..




يا فلاح الهم خيّم فوق قلبي يا فلاح = كيف تبغاني اسولف وانت خابرني عليل

ويش قولك في عليل ٍ في حياته ما ستراح = تنتثر دمعة عيونه لاظلم الليل الطويل

حالته لا ما تباعد حال ( سلطان الرباح ) = بالخطا راحت حياته والخطا ماله مثيل

كان ويّا صاحبه اثنين في أرض ٍ براح = يطردون الصيد دايم من صبح لين المقيل

اجمعتهم صحبة الدنيااا على جد ومزاح = ما يهابون الليالي والحمول اللي تميل

ما قتل عامد ولكن ثوّر ابليس السلاح = بالخطا ثار السلاح وين يلقى له دليل

انعقد سجنه .. وربعه تنتظر فك السراح = والاكيد انه سجين وما رضووا ربع القتيل

هل دمعه يوم صلّى ركعتين فالصباح = في نهار الجمعه اللي من ثقيل ٍ في ثقيل

هلّل وكبّر .. ونفسه تذكر اللي راح راح = كان في ربعه عزيز .. وذلّه الوقت الذليل

(لا محمد لا تهاني لا سعود ولا صلاح ) = كلهم كانوا على باله وهمّه في ( هديل )

طفلة ٍ ما كمّلت عامين صايبها كساح = وانتثر دمعه وحاله من سبايبها نحيل

حان تنفيذ القصاص .. وغطوا الراس بوشاح = وجاك سيّافه يشيل السيف ابو حد ٍ صقيل

ارتخى راسه .. وزاد الموقف الحامي صياح = بين نوح وبين دمع وبين صيحات وعويل

وارتفع صوت الحشود .. وزاده محمد وصاح = يا يبه تكفى دخيلك تستمع قول الدخيل

يا يبه وشلون نصبر كيف نهجع بارتياح = وانت من دنيااا عيالك ماخذك مر الرحيل

يا محمد .. هاك علمي واحفظه قبل المراح = انتبه لاخوانك وبالك عليهم لا تعيل

والله الله .. فالصلاة وفالصيام وفالصلاح = والله الله .. فـ ( امكم ) والله لكم بعدي كفيل

غمّض عيونه ونفسه تطلب الله السماح = رافع ٍ سبابته .. ( مظلوم ) والله الوكيل

سل سيّاف الصفا سيفه ودقه ثم طاح = راس (سلطان المراجل ) وانتثر دمه يسيل

غسلوه .. وكفنوه .. وفاح طيب السدر فاح = وبالمصادف صار قبره جنب قبر ( ابن العقيل )

يا فلاح .. الكارثه ما هي سوالف يا فلاح = خلني ساكت ودوّر غير هالقصه بديل



مـنــقـــول

ابوضيف الله

لاهنت طال عمرك على النقل

تسلم يابو ضيف الله.

وتحياتي

ابو ضيف الله

شي يقطع القلب .. بعض الناس ما ترحم

وبعض الاقدار ما ترحم ...

لا هنت وعسى الله يرحم سلطان

ويرحم موتى المسلمين

فيصل

شكرا لك يابو ضيف الله


قصيده معبره اكثر من القصه


رحم الله سلطان واسكنه فسيح جناته ورحم الله محمد


لك كل التحيه يالغاااالي


اخوك

الاخوان المشاركين اشكركم على ردودكم

والقصيدة موثرة جـداً وصاحبها شاعر بمعنى الكلمة




وبعض الاقدار ما ترحم ...



يا أخوان لا يجوز قول الاقدار ما ترحم

الان الاقدار بيد الله عز وجل وهو ألرحمن الرحيم سبحان

ابوضيف الله لاهنت على النقل


قصه وقصيده مؤثره . والله يرحم سلطان

لاهنت يالغالي


يعطيك العافيه


والله يكووون في عون الجميع



تحيااااااااااااااااااااااااااااااااااتي

ابوضيف الله لاهنت على النقل


قصه وقصيده مؤثره . والله يرحمهم جميع


لاهنت على النقل الموفق


تحيااااااااااااااااااتي

اخي العزيز ابوضيف الله


مشكور على نقل القصيدة المؤثرة والمعبرة

رحم الله الصديقين سلطان ومحمد واموات المسلمين



لك كل الحب والمودة

الله يرحمه ويعوض اهله بخير

قصيدة اكثر من رائعه تستحق الرفع


من الزمان ادورها وما طحتها علاها غير الليلة

مشكور وماقصرت على القصه والقصيدة

مشكور على النقل