أحمد السواط وابن عتقان

سلام عليكم ورحمت الله وبركاته
كل عام وانتم بخير ويبقيكم ذخر لاعتيبه


هذي المحاوره بين ابن عتقان وأحمد السواط
قهوة العيد من عندي لكم واعذروني

اتمنى ان تحوز على رضاكم
الله الله فالردود

عبد الله بن عتقان :

ياسلامي سلام يلفت الانتباه # في سلوم الرجال وفي قوانينها
برق يم الشمال وبرق يم السراه # والبدو للحيا ساقت بعارينها
أحمد السواط :

ياهلا مرحبا للضيف حشمة وجاه # والامانه تعود مع موامينها
أنت مع من ياللي ماشي مع الرعاه # مع هل الصبح والا مع مسرينها
ابن عتقان :

كل واحد من اصحابي يحب الحياة # وين احصل عرب ديني على دينها
ابن عتقان ماضيع فروض الصلاه # كافيتك الرسالة من عناوينها
أحمد :

من يبا الطيب يالطرقي على الله جزاه # والعرب ما نفتش في مواعينها
ابن عتقان بالوزعه ملانا يداه # من يعرف العرب يعرف سلاطينها
ابن عتقان :

انت مانته بحاسد واحد الله عطاه # اذكروا حاجة ياناس ناسينها
مانطب البحر من دون طوق النجاه # اعرف اصحابنا واعرف هواذينها
أحمد :

ماحسدناك لو انك عطيت الزكاه # والعرب مانطلع في مساكينها
الليالي تراها مثل دور الرحاه # انت لاتامن الايام من زينها

ابن عتقان :

ليش صارت حياتك فقر بعد الغناه # وابتلشت الحضارم في دكاكينها
سلموا لي على أحمد وارهنوا لي عصاه # أم سلمان يمه لدت ابعينها
أحمد :

اسرقوني عيال ابليس دون الحصاه # غصب قدام تبديلي سكاكينها
ياسليم العرب حنا نعرف العُصاه # تطفي النار لو كثرت كوانينها
ابن عتقان :

أنت نصاب يأحمد تستحق الذكاه # مار ذبحتك توه ماوصل حينها
الوليد الصغير من هو اللي رباه # واجد اعيال ما نعرف مربينها
أحمد :

لو عرفنا الحقيقة تحت كم العباه # انت شيطان من جملة شياطينها
كم رمينا وجانا اليوم رمي الرماه # وانت اظنك تبا تلحق مسوينها
ابن عتقان :

لا تنزل طويل العمر من مستواه # البنادق مركزت (ن) نياشينها
السواط ايتلون حسبي الله علاه # ماغدابه قسا الدنيا ولا لينها
أحمد :

مانذم البويت اللي يذري ذراه # واعرف ان العرب ترسل مجانينها
ماتلون لكن العلم في مبتداه # وش بقي للمراره يا محلينها

مشكور أخوي العفريت على النقل المميز ولاهنت

تقبل تحياتي

العفريت نقل مميز مشكور

مشكور على النقل

مدسم الشوارب

ابن نميان

سفير الجذعان

مروركم اسعدني ايها الرائعون فشكراً لكم