رشيد الزلامي X شعراء مطير , في ليلة قوية و غامضة !!! ( لم تنشر من قبل )

..


السلام عليكم ورحمة الله وبركاته



هذه محاورة في حفل مطران وبها الشاعر رشيد الزلامي و زيد بن سلمي وتركي 200 وسعيد المطيري .. ولكنها لم تأخذ حقها من الإنتشار والسماع , ولا أعلم ماهو السبب ! ..

هل أصحاب الحفلة لايريدون ذلك ! ..

هل لأن الزلامي ضرب على الأوتار الحساسة في تلك الليلة وبالتالي لا أحد منهم يريد أن تنتشر أبياته !!




لن أضع مقدمات أخرى .. فأنظروا إلى المحاورة التالية من تلك الليلة وتمعنوا في الأحداث القديمة والإستفزاز وإشعار المقابل بأنه ناقص :





تركي



ألا يارشيد الليل ما فيه مقعاد=ترى السالفة بيني وبينك طويلة
عليكم خيال ٍ فيه بارق ورعاد= يبي يسقي الوديان ويسيل سيله



رشيد



ياتركي تراني ضيف في حلّة أجواد=علامك تولعها بخشم الفتيلة
أشوف الخيال وقدمه الثعل ينقاد= ولامرّني وأنا من العصر أخيله



تركي



ترى صاحبك مايرخص الملح والزاد=ومثلك بعير ٍ للحمول الثقيلة
على العدّ يابن روق مصدر وميراد= يبي يشرب الظامي ويملى صميله



رشيد



أنا ادري ان فيه علوم وأقمار وأرصاد=وقنوات كذب ٍ كل علم ٍ تشيله
عتيبي وأعرف مطير لكن وش عاد=قبيلة وحنا أشدّ وأشرس قبيلة



تركي



ترى للحقيقة يا أبيض الوجه ميعاد= وكل ٍ شداده مايدور بديله
ترى الحجة اللي ماتثبت بالأسناد=تضوّي عليكم ياعتيبة فشيلة



رشيد



أنا أشوف تركي يسبر الضلع من غاد=ولا أدري هي التقليد وإلا الأصيلة
يذوب الحديد ليا لقى شغل حدّاد=وهداج تيماء ماتغطّه نثيلة



تركي



أنا يالزلامي واضح ٍ فوق الأشهاد=ولا أدسّ راسي في حصاة ٍ ظليلة
وألا ياوجودي ليت الأيام تنعاد=وتصبح مبارز بالسيوف الصقيلة



رشيد



تريّح ياتركي ما عن الموت مِشْراد=حرام ليجيك الموت وإلا تجيله
عسى الله يديم الأمن والشر لاعاد=ولو جات روَّح تركي .. الله وكيله



تركي



ليا مت مثلي فيه بعيال عباد=يكسر يدينك عن عنان الأصيلة
لياليك يالطيّب مادامت للأسياد= وخشم الزناد ينوش خشم الفتيلة



رشيد




عرفنا ولد غانم وعنتر وشداد=ولا أقول حمران النواظر ذليلة
لكن المطيري ماينوّي بمسناد=حدر والحظير مقرّط ٍ في شليلة :)





*




وبعد البيت الأخير للزلامي . إبتسم زيد بن سلمي لأنه عرف أن الزلامي أصاب الهدف وأوقع تركي في مأزق هذا المعنى .. وكانت إبتسامة زيد بإسلوب ( إبتسامة المصاب ) .

وبعدها قام زيد بسرعة وغيـّر اللعب وطلب تركي .. حتى لا يأتي الزلامي بمطمة أخرى على رأس تركي وقبيلته بشكل عام .



والبيت قبل الأخير فيه تنقيص من مستوى مطير .. وأنها ليست في مستوى عتيبة . لكنه بأسلوب غامض نوعا ً ما .




**


وفي نفس الليلة لعب الزلامي محاورة مع زيد بن سلمي .. وأذكر منها هذا البيت للزلامي :



ليتني والله طردتك مع الناس اللحوج=ماطردت مطير لبلاد غيربلادها


الزلامي يتهكّم وبستفز ويسخر في هذا البيت . حيث قال :

لو أن عتيبة في الزمان القديم طردتكم يامطير مع اللحوج الذين في الحجاز .. لكان أفضل من أن تطردكم من نجد والحجاز إلى الصمّان البعيد !! ... كم هو قوي و ساخر هذا البيت :)


لله در أبو جميل ..




وإن أسعفني الوقت فسأنزلها كاملة قريبا ً ..







* *










نادر العش
.

حر...ونادر ..

نقل رائع...وتصوير للموقف..

بامانه...كأني حاضرها :)..

سلمت يمينك...والله لايهينك

الاخ العزيز نادر العش

تسلم علي الموضوع الرائع وبصراحة مواضيعك رائعه والدليل علي ذالك انتشار مشاركاتك بلوتوث هههههه

تحيه عطره لك ياعضونا المميز

اخوك ماجد الرويس

لاهنت يانادر العش

السلام عليكم ورحمة الله وبركاته


,,,


,,

نادر العش,,,,


تعجز الكلمات عن وصفك ووصف ابداعك أيها المبدع ودمت مشرقا ومبدعاً للهيلا وابنائه

<===رافع قبعته احتراما وتقديرا :) :)


تحياتي...,,,,

الاخ العزيز نادر العش

مشكوووووووور على الابداع



في حسن الاختياااااار

نادر العش نادر عتيبه الف شكرا لك يالغالي

الله لايهينك يابطل

شكراً على المحاوره والتصوير

الله الله
عرفنا ولد غانم وعنتر وشـدادولا أقول حمران النواظر ذليلة
لكن المطيري ماينوّيبمسنـاد حدر والحظير مقرّط ٍ في شليلة

مشكور أخوي نادر العش ولاهنت على النقل الرائع


تحياتي

نادر العش

شكرا لك على النقل



والبيت القوي للزلامي في تلك الليله مع زيديوم يقول





العلوم الاوله دخلوها فالدروج=وافطنوا للثانيه واثبتوا فشدادها


يعني الاوله خلوها انتم اهل الثانيه((بيت ماهو بصاحي))

..



بعيد المرامع

ماعليك زود .. وهذا من طيب ذوقك يالغالي ..



ماجد الرويس

الله يسلمك على كلامك العاطر .. وأهم شي اللي في جوالك إنشره مع الناس ( أنا المنتج وأنت الموزع ) :)



طلاع الكريزي

مالك مهونة ..




مروي الشطير

وعليكم السلام ورحمة الله وبركاته

لك الشكر عدد حروفك وإخلاصك وحسن خلقك .. ولك الشكر .

كل ما أقوم به ما هو إلا نقطة من بحر إخلاص أبناء هذا المنتدى الأوفياء ..

فدام المنتدى وداموا أبناءه ..




ذيب الحنابج

العفو طال عمرك .. والله يسلمك على التواجد .



العفريت

عفريت عتيبة .. والأخ الوفي .. ألف عفو

لك الشكر يابطل و لجميع أبطال عتيبة .


مدسم الشوارب

الله لايهينك على مرورك وتواجدك المعتاد .. لك مني جزيل الشكر أيضا ً .


سفير الجذعان

هذا يدل على درايتك ومعرفتك التامة في هذا المجال .. كيف لا وأنت أحد جهابذة هذا المنتدى في الشعر .


وأبيات الزلامي كلها قوية !!

من أول بيت حتى آخر بيت .. ولاهان زيد بن سلمي فهو للأمانه شاعر جزل ومن فئة الشعراء الكبار ..

اخوي نادر ألف شكر على نقل هذهـ المحاورة





دمـــت لــنـــا




تحياتي العطرة إليــكـ

نادر العش لله درك تكفى متى حصلت المحاوره تاريخها وان قدرت تنزلها لاتبخل علينا

الله الله محاوره وتصوير ما يحتاج
لكن ليت تدعم بالصوتيه

أخي نادر

الله الله

مبدع في الإختيار والوصف


لك التقدير والاحترام

..


مشعل المقاطي

العفو طال عمرك ..

وبيض الله وجهك لتواجدك ..



ابو سعيد 2006

أنا أسعى جاهدا ً لذلك ..

تشكر على المرور




ابو طويرق


الله يثيبك .. ويعافيك

ماقصرت

..



أسير الصمت



كم هو ذاتي متعلق بمعادن الرجال ونضج عقولهم مـــــ كأنت ــــــــــثلا ً

..

مرورك عاطر
و جوّك ماطر
يا أسير الصمت
وآسر الخواطر


..






أشكرك جزيلا ً ..









أخـــــــــــــــــــــــــــ نادر العش ـــــــــــــــــــــــــوك

الله يبيض وجهك يالنادر

والله ماقصرت وجهودك جباره
بس تكفى نباها منك تصوير

وتسلم يالنادر

نــادر الـعــش,,


مبدع كعادتك فــ لاهنت يالذيب,,

وصح لسان رشيد وزيد,,

والله يطول في عمر رشيد ,,

نــــادر الــعـــش .. قـــرب خـــشمـــك .. و خــلنــي بــحبــه .. ،
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

مـــشكـــور ومــا قــصــرت عــلــى هــالأبيــات اللـي من ذهــب .. وعــلى هــالنقــل الــرائــع .. ،

ورشــيد على عادته اللي ما تغير ( دايــم يجربــع شــعــار مــطيــر )

ولا تــحرمنـا من مــواضيعــك يــ { الــــنــــادر} <<<على أسمك نادر نــلقــى مواضيع مثل مواضيعــك


ابن عــمــك / الـــقـــرم ...


مــلاحظــة / يــاليــت لو تــحصلهــا لنا فديو أو صــوت .

اخوي (المبدع) نادر العش


بيض الله وجهك على النقل الرائع للمحاوره وماقصرت

وان شاء الله انشوفها مسموعه ومرئيه قريبا ولاتحرمنا جديدك يالغالي

تحيتي لك

لاهــنت أخوي نــادر الــعش عــلــى هـــالنقــل الــجميــل .. ،

ورشيــد مــعروف بــجزالــة قــصيــده وغرازة مــعانيــه ســواءاً (( بــالنظــم أو بــالمحــاورة ))

وعــز اللــه لــعــب بــتركــي 2000 وســحبــه .
ــــــــــــــــــــــــــــــــــــــــــــــــــ ــــــــــــــــــــــــــــــ

% مـــشكـــور عــلى هـــالنقـــل % ...

أخــوك / ذيــب ســبيــع

لاهنت ولاهان الزلامي (امير الشعراء)

ترى للحقيقة يا أبيض الوجه ميعادوكـل ٍ شـداده مايـدور بديلـه
ترى الحجة اللي ماتثبت بالأسنادتضوّي عليكـم ياعتيبـة فشيلـة

صح لسان ابو جميل

وأيضا فيه حفل لمطران وكان موجود

أبو فيصل ( حبيب العازمي ) و تركي 2000 وعبدالله الميزاني

وشاعر مطيري ثالث ناسي اسمه على بداية ظهور تركي

وبصراحه حبيب ابدع في الحفل

صراحه مواضيعك متميزة يابن عمي عساك على القوة يارب
أتنمى تكون مقطع صوت والا فيديو

بيض الله وجهك يا نادر...

أبيض وجه يا نادر العش ننتظرك يالذيب من طول الغيبات جاب الغنايم ..

ابو جميل شاعر مبدع ومعجزه من معجزات الشعر
والمحاوره فن ولعب ومتعه وليست بقبليه وحزازيات


لاهنت يانادر العيش

هههههههههههههههههههههههههههههههه
بيض الله وجهك
ابو جميل مصيبة المصايب

مشكوووووووووور يالغالي
ولاجديد
الزلامي أسد شعر سماه الفهد
والزلامي شاعر من اعتيبة الهيلا
واعتيبة الهيلا ملوك وسلاطين الشعر والعلوم الي تنومس
ولامقارنه بين شعار اعتيبه وغيرهم أبد
مع احترامي لشعار القبايل الاخري الغير متطفلين والغير متشربين للخسه والنذاله والمكر
لاهنت وتقبل احترامي لك وليو جميل

مبدع ابو جميل

تسلم والله ياخوي يانادر _ رشيد شاعر كبير ومايقدر عليه ولا شاعر في المملكه مع احترامي لجميع الشعار - وتركي المطيري ماهو بكفو للزلامي ولاشعار مطير كفو له




( همسه للمطران )


انتم قبيله لاكن الطق فك اللحام
مطير قوماً خلقنا الله لتعذيبها



والسسسسسسسسسسسسلام

تسلم والله ياخوي يانادر _ رشيد شاعر كبير ومايقدر عليه ولا شاعر في المملكه مع احترامي لجميع الشعار - وتركي المطيري ماهو بكفو للزلامي ولاشعار مطير كفو له




( همسه للمطران )


انتم قبيله لاكن الطق فك اللحام
مطير قوماً خلقنا الله لتعذيبها



والسسسسسسسسسسسسلام

بيض الله وجهك يا ناادر واشهـــد إنك ناادر







وعسى الله لا يحرمنا منك ومن الامثالك هل الحمياااا





<<====<< راافع عقاله إحترااام لناادر




هههههه

مشكور على المحاوره

مشكور نادر العش ويعطيك ألف عافية

مشكووور يانادر وبيض الله وجهك ..

السلام عليكم ورحمة الله وبركاته

بيض الله وجهك ولا هنت يانادر
ومشكــــــــــــــــــــــــــــــــــــــــــــــ ــــووووررررر



لكن الله لا يهينك ما عندك هالمحاوره صوت او فديو





~*¤ô§ô¤*~*¤ô§ô¤*~الفرهود ~*¤ô§ô¤*~*¤ô§ô¤*~
~*¤ô§ô¤*~*¤ô§ô¤*~الزلفاوي~*¤ô§ô¤*~*¤ô§ô¤*~

مشكور ..... يانادر العش وبيض الله وجهك
.....وبيض الله وجه؟....الشاعر الكبير( ابو جميل)

يعطيك العافيه

أنا ادري ان فيه علوم وأقمار وأرصادوقنوات كـذب ٍ كـل علـم ٍ تشيلـه
عتيبي وأعرف مطير لكن وش عـادقبيلة وحنـا أشـدّ وأشـرس قبيلـة


أنا ادري ان فيه علوم وأقمار وأرصادوقنوات كـذب ٍ كـل علـم ٍ تشيلـه
عتيبي وأعرف مطير لكن وش عـادقبيلة وحنـا أشـدّ وأشـرس قبيلـة


أنا ادري ان فيه علوم وأقمار وأرصادوقنوات كـذب ٍ كـل علـم ٍ تشيلـه
عتيبي وأعرف مطير لكن وش عـادقبيلة وحنـا أشـدّ وأشـرس قبيلـة



تسلم يمينك لاعدمتك



دمت بخير

كفو يارشيد ماشا الله تركي200 تسكته كل شوي وقد سكت يارشيد القاقح ((وقحطان العريضه ماوديالعنها))

الاخ نادر العش دائما مواضيعك عن الشاعر الاسطوره القرم رشيد الزلامي جميله جد

واتمنى ان ارا مقاطع للشاعر رشيد الزلامي صوتيه ام فديو


تقبل مروري


فهد العطاوي

شوقتنا بهالكلام الطيب ان نتمنى ان نكون حضرنا المحاورة

لكن نريده كامله الله لايهينكم

نادر العش ماقصرت ومشكوررررررررررررررررررررر
على المحاوه الجميله

الاخ نااادر العش


الله لا يهينك على النقل


واحس اني مووجود في المحاوره


وصح لسان رشيد الزلامي ولاهى غريبه على مثله

علم وشاعر لم يعطيه الاعلام حقه كما اعطا غيره من الجيل الاول

نادر العش بيض الله وجهك
وماقصرت عز الله انك جبتها على الجرح

الزلامي داهية الشعر الله يطول عمرة




داهية العرب

بيض الله وجهك على نقل هذي المحاورة
والله يطول في عمرابو جميل ويعطيه العافية