سالم الرويس ++ صرة الباب ++

بهديكم هذه القصيده واراجوا ان تحوز على رضاكم للشاعر / سالم الرويس

وهي مجاراه لقصيده للامير خالد الفيصل . . ( الناس واجد لكن الولف غلاب )...


للحزن في صوت المحبين نبره
ونة خفوق كنها صرة الباب
لو ينفع المحزون وجده و صبره
ما كان ساق الرجل في ركب الأغراب
على الرجاء الي ما بقا فيه دبره
ولا عاد تنفع به معاذير و عتاب
قلبي يرده عن مشاهيه كبره
والناس واجد لكن الولف غلاب
طاح الجمل من وجد قلبه بكبره
وحول كما دمع على الخد سكاب
يحن واللي قاله القلب عبره
عبرة تحاسيف على غايبٍ غاب
قلبٍ مابقى به ولا شكة ابره
تكسرت في داخله شلف و حراب
من لا يعرفه ماقرا نزف حبره
لو كان نزفه من معلقه كتاب
ما لوم أنا اللي جاهلٍ مايخبره
ألوم من روحي تطاير له اسراب
يا صاحبي ياكسر قلبي وجبره
من غيبتك ما عاد للقلب غياب
شفني حفرت لدامي القلب قبره
واقفيت وألد النظر صوب الأحباب
تعال.. شاب القلب من طول صبره
تشوف جرحك داخل القلب ما طاب
وان كان ماسدك عن الحال عبره
بالله لا قفيت لا...تقفل الباب!!!

للحزن في صـوت المحبيـن نبـره
ونـة خفـوق كنهـا صـرة البـاب
لو ينفع المحزون وجـده و صبـره
ما كان ساق الرجل في ركب الأغراب



الله يعافيك يابو بجاد الرويس وصح لسان شاعرها الراقي سالم

ابو عبدالله مشكور يالغالي

ومرورك طال عمرك اعتز به يالذيب

صح اللسانك يابو محمد ولا تحرمنا من جديدك

ومشكور يابو بجاد الرويس ولا هنت

دسمان مشكور يالغالي على مرورك

ولاهنت يالذيب وبيض الله وجهك

صح لسان الشاعر وسلمت يمينك يا اخي ابوبجاد الرويس
ولكن يهمني ان اعرف ولو نبذه عن الشاعر سالم الرويس فالروسان فيهم سالم كثير وفيهم شعار كثير بلا شك فارجو الافادة ما استطعت ولك جزيل الشكر ....... تحياتي

مشكور ياخوي ابودؤيب على مرورك

هو الشاعر / سالم بن محمد بن الحميدي الرويس

مدرس لغة عربية بمملكة البحرين

وشكرا ..... ولك مني احلى تحيه

.. صح لسان قايلها وسلمت يمين ناقلها..
.. مووووودتي..

متعب العصيمي مشكور يالغالي على مرورك

ومرورك طال عمرك افتخر به يالذيب

الف شكر يا اخي ابوبجاد الرويس على حسن التجاوب وسلمت لنا وسلم الشاعر سالم الرويس ...تحياتي

ابوذويب على شكر على واجب

ومرورك يالغالي شرف لي

واي خدمه او سؤال ثاني حاضرين يالغالي