صعفق الغبيوي

قصيدة الشاعر / صعفق بن عبدالرحمن الغيبوي العتيبي

يمدح فيهااااا / الشيخ عبدالله بن محمد بن صالح الجرد


يقول فيها /

يادحيم لي يومين ماشفت أنا الجار
أبو فهد الي علومه جميـــلة
مابيــنـا ألا سـيـب ممـتـد وجــــدار
أما يجـي ولا لــزوم نــجيــلة
ياخــذ خبــر ونـاخــذ كـل الاخبــار
عند السبيعي ويانعم من قبيلة
على دلال وسطـهـن بــن وـبهاااار
وســوالفاً بيـن النشامى جزيلة
والـــعود من بين المشاكيــل دوار
من الـهند جابـه لـلمـعزب وكـيلة
يالله يا معبود عجــل بـ الامــطار
قبل يزل الوسم خـمـسين لـيــلة
تــشـوف عـشبـة بين رـبله ونوار
ريح النفل يشـفي قلوبـاً عليلة
ريح الخزمى والـنفل رـيح عـطار
تلقى الزبيدي في مجاري بمسيلة
وزانت لعبداللة عن يمين ويسار
ويمد دربيلة براس الطويلة
وشوف شيئ يخلي الفكر يحتار
يشوف ظول تونزل نزيلة
جر الفراش وعجل بشبة النار
يجيك راعي الكيف يومي شليلة
وقبل تحياتي عدد نبت الاشجار
وعداد ماشفتك سمراء جديلة
نهار عيد ومختلط فيه زوار
يوم خزرنك بالعيون الكحيلة



وسلامتكـــم,,,,,,

مشكور اخوي

وصح لسان الشاعر

ولاهنت على القصيدة ,,,,,,,,,

صح السان الشاعر صعفق الغبيوي


راس القوم

لاهنت على النقل

راس القوم لا هنت على النقل وبيض الله وجهك

مشكور ين على الردود