قصتين وقصيدتين للشاعر الكبير زبن بن عمير

دخل الشاعر المشهور زبن بن عمير على وكيل الحرس الوطني عبدالعزيز بن عياف وقال له يازبن لك مدة ما شفناك فقال الشاعر هذين البيتين


دنيا كفى الله شرها يابن عياف =أحد تشيله فوق واحد تحطه

وسيعة بحدودها مالها أطراف = أولحد عليها امريح كل بشطة


ومن ثم دخل الشاعر زبن بن عمر على مدير المستودعات محمد بن صالح بن سلمان وهو شاعر وناقد بارز من كبار موظفي الحرس وإذا عنده فهد بن جاسر بن جويعد وقالوا لزبن لك مدة ما شفناك يازبن قال الذي قلتو لي قاله لي الوكيل بن عياف وقلت له البيتين المذكورة قالوا له لو ترد منها يازبن لاشباع رغبة السامع قال أنا أزريت ولكن يافهد كملها وأكملها فهد ستة عشر بيتاً وهي مايلي


الناس فيها جملة أشكال وصناف =او كل على ما قدر الله يحطه

احد بها كنه على جال مهياف = يفرح ولو قيل اظلم القبر حطه

واحد بها دايم مشيح ومجياف =أو يجي لكاسه مستريح يلطه

واحد تورده المهامه والاتلاف = دربه وعر الشوك كله يبطه

واحد حياته دايم يتلا الأسلاف =لا له حلال ولا عيال تشطه

واحد بهـا حبر ذكي وعراف =مير الليال المدلهمه تغـطه

واحد دو ينين غبي وخواف = رزقه بحر كـنه على جال شطه

واحد حياته عالة فوق الأكتاف = ويخط له ويقال يازين خطه

واحد يزوم انفيسته كل أحجاف = يالابس ثوب الطغا عنك وطه

واحد يعرض الناس له غزو ونكاف =يدور السير القصير أو يمطه

واحد إذا الله مد له صار هتاف =ريف الرفيق إن جا زمان يشطه

واحد إذا أسعده القدر صار حياف = ياموطين روس النشاما توطه

كل بعقـله راضياً ما به اخلاف = الا لحظـه وده انه يقـطه

واختلط تصاليط على كل متلاف = لا قيض الله دون منه ويفطه

واحد نظامه يوقفه غصب ويخاف = واحد يخوف بالنظام وينطه

لله في خلقـه تدابير والطاف = وكل على ما قدر الله يحـطه

ماقصرت وبيض الله وجهك وكثر من شعر زبن بن عمير تكفى.

مشكور والله وماقصرت

انت عودتنا على كل شي جديد ورائع

والا الامام

الأخ ابن مشيب:
غالي والطلب رخيص.. شكرا لتفاعلك مع الموضوع

الأخ الدلبحي:
يعطيك العافية.. وانتظروا الجديد..

تقبلوا تحياتي،،
المتواصل معكم:
نسيم الليل

فرهودي ... اختيار موفق ونقل تشكر عليه .:)

لا هنت على القصه والقصيد وتقبل مروري

نع تحيات الهضيباني