الزئبق الأحمر عليك منادي
الكشباوي16-Jan-2008, 12:49 AM
سلام ومسالخير لمن قرأ
نبا نبن البيوت ونعزف حروف الهجا بحكام=على وزن الصدقات انتهت والقوم حرابه
ونسري ليلنا النتي مابين الحرف والارقام=وغن بحزن يالزيبق سنين الوقت غلابه
الزئبق الأحمر16-Jan-2008, 01:04 AM
مساء النور لك فقط واستلم
عزفنا الحرف عزف الناي في غنوة يامال الشام=على الكيبورد عزفن منفرد والناتج اكتابه
وسرينا والمسافه عن طريق العزف بالابهام=وعزف خنصر وبنصر وعزفت وسطى وسبابه
محمد العتيبي16-Jan-2008, 01:08 AM
الكشباوي والزئبق الاحمر
صح لسانكم جميع ..
بدايه جميله ورد جميل من الطرفين ..
الزئبق الأحمر16-Jan-2008, 01:15 AM
ابو مشعاب صح بدنك والجميل مرورك لاهنت
شكرا لتشريفك وشجاعتك
الكشباوي16-Jan-2008, 01:21 AM
تثقف والثقافه عنك بعد ابها عن الدمام=ومثلك يامتثيقف منه نضحك ونتهزابه
ابيك تقيم الرسمه ورحت تقيم الرسام=يامخلوقن نتاجه مايساوي كثرت القابه
الزئبق الأحمر16-Jan-2008, 01:25 AM
ونتهزابه--- القابه
تراك طلعت عن القافيه
الكشباوي16-Jan-2008, 01:29 AM
هههههههههههههه أي قافيه الي تكلم عنها
فتح عيونك الظاهر انك راقد يوم تكتب
الزئبق الأحمر16-Jan-2008, 01:34 AM
وش الي معجلك والليل توه والحرس مانام=وسكان الجبل صوت وصداه ونمر وذيابه
اسامه سرب اسراره ولد عبدالله العزام=بعد ماكان يدعوه انت ابي ولراسي عصابه
الزئبق الأحمر16-Jan-2008, 01:40 AM
كشباوي انا اتكلم عن حركة الحرف الاخير الي هو
حرف (الباء) انت جبته مفتوح في بيتينك الأوله
وكسرته في البيتين الأخيره يعني حطيت كسره
وتراه فدا راسك العب زي مابدك هههه ختمه لبنانيه
لعيونك
الكشباوي16-Jan-2008, 01:53 AM
الكشباوي والزئبق الاحمر
صح لسانكم جميع ..
بدايه جميله ورد جميل من الطرفين ..
شرفنا مرورك ولاجمل وجودك المتألق
تحياتي
علي فلاح العضياني16-Jan-2008, 03:05 PM
عبدالرحمن الهيلوم16-Jan-2008, 03:29 PM
الكشباوي19-Jan-2008, 01:38 AM
سامحني على تأخر الرد هناك مشكله فنيه
المناطق الكشبيه لاتستجيب لنت وترفض اي
جسم غريب
هذا منطق حرامي وانت لاسارق ولا ظلام=وعيبك صورتك مع صورة المطلوب تتشابه
عرفت الخاين الي دل بوش لمختبا صدام= ياليته مااختبا صدام ليته زابن عتابه
الكشباوي19-Jan-2008, 01:40 AM
أبو فلاح متابعتك شرف ياعلي ووجودك نوماس لاعدمتك
الهيلوم متابعتك شرف ووجودك نوماس لاعدمتك
الزئبق الأحمر19-Jan-2008, 02:01 AM
متابع لكم بدقّه
مين
وكالة الاستخبارات الأمريكية CIA
تتابعنا ونحن لانعلم انها الكارثة الكبرى
الله يهديك رد السلام لاتروعنا جاي بدون موكب
الزئبق الأحمر19-Jan-2008, 02:08 AM
عبد الرحمن الهيلوم حياك الله يالغالي وجودك مشرف لاهنت
الزئبق الأحمر19-Jan-2008, 02:12 AM
الكشباوي صح النوم جاي ترد بعد ثلاثه ايام
تصبح على خير والي هذا اولها ؟
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
