الحنشــولي !!!!

هذه القصيــدة لأحــد الحنشولية ويقال أنه عتيبي

رحت حايف يوم أنا راعي حيافه وأبعدوني القوم ماجبت الكسيبه
جاني الرجال في وسط المخافه والتزمنا لزمة السو والعطيبــــــه
شدني قبل القدم يعطي انحرافه واختلف فكري على كبر المصيبه
والتهمت وصاة ابوي عن الضعافه قال ياابني لاتهاون للغـليبــــــه
واعتزيت وشلت نفسي بانحرافه اطلب المخراج واترك له نصيبــــه
وانطلقت ورجلي التوت بالنكافه ولا غمضني كود ثوبي اكتسيبه
واطردوني القوم وانحوبي مسافه فوق خيل مدربه ولهــا حطيبـــه
واحمد الله عودوا مني عيافــــه عقب ما ذبيت في راس الجذيبـــه
والتجيت بجرف من فوقي مهافه بوسط دهلوس عند البرد التجيبـه
وعاضني ربي بهل هجن هدافه في نصيف الليل والديره رهيبـــه
شافوا القشعه بغوا فيها سلافه عن لهيب البرد والطرقه تعيبـــــه
ولعوا نار بسرعه وانحرافــــــه والركاب بروك مال الخوف ريبـــه
وارتكى واحد على القشعه خلافه والتمس بالعرق عنده من قريبه
ثم تحرك عرقها واونس خفافــه واهتقا ان العرفجه ماهي قطيبه
واعتزا واقف على طيلة وقافه ولخويه قال هالحركه غريـــبــــه
ثم رميت العرفجه مثل الحذافه لين هجوا مثل صيدا شاف ريبـــه
العشا خلوه واخذته اخطافــه والركاب وقشهن جتني كسيبــــه
هكذا يوم الردي دافي لحافه جبت هجن جابها الوالي جليبــــــه