قصيده مرسله الى شيخ قبيلة الصعران من قبيلة مطير مشاري ابن هزاع ابن بصيص

يا ميرياللي فاالخليج امعروفي = كلاً يعرف اسمك اليا حل طاريك
قا يد برية معطرين السيوفي= اللي لهم با الطيب عدة مساليك
ابطال نجد مكرمين الضيوفي =حلا لة الصعبات با الضيق تشفيك
بقيادة اللي بينهم فيه نوفي =شيخن ولد شيخن ولافيه تشكيك
تلقاه لالحق القبيله حفوفي = مثل الربيع يعم خيره ويشفيك
بنصاه يوم الوقت زود ضروفي =حلال صعبات العقود الشرابيك
حرن مخاليبه تشيل الكتوفي =لادلا على الاحرار راحت صعاليك
ماكنها عقب التعنت تشوفي = انت الذي يشهد على الطيب ماضيك
عاداتكم بالكون فج الصفوفي = بشقر السيوف وغاليات البلاجيك
الوقت بعد يا مشاري شفوفي = خلاني اسري تالي الليل واجيك
ياابن الذي بالطيب ماله وصوفي = عالي وعلا با لمراجل مراقيك
يا ابن ابصيص سوفي امعروفي = ضمن الرجال اللى من البعد تاتيك
انقل ولدنا ياربيع الضعوفي = الله يخليلك عيالك ويغنيك
ابرد لهيبن يجتول وسط جوفي = عنه اللسان بصافي الشعر ينبيك
بخبرك يلي لالأرامل عطوفي = تراي في نقل الولد بحتزم فيك
ماجيتك الاحافياتن كفوفي = عجزان عن نقله والاشعار تكفيك
انتم هل النخوات وهل الوقوفي = وقفاتكم تطلق عبيدن مماليك
ختم الامارة ماشريته بالوفي = من جدك الاول وراثه الياابيك
كانه قريب قبل عام الكسوفي = بالفين عام وراعي الختم ماحيك
ياميريااللي للمطاليب توفي = الطيب دايم خصلتن من معانيك
اليوم ياراع الوفى وش تشوفي = فالروقي اللي من عنى الوقت ناصيك
فا لروقي اللى غيركم ما يشوفي = كل العرب عنده مشاري غلن فيك