الا يادهر ماهوب حقن تلاعبي !!؟

هذه قصيده لابن جدلان

اتمنى ان تعجبكم


الا يالهبوب البارده عجلي هبي = على جاش من قامت هواجيسه تلوبه

انا مرة اصحى ومره يغيبي = واسرح معا كثر الطواري بغيبوبه

الا يادهر ماهوب حقن تلاعبي = خليتني لمقرد الخلق لعبوبه

عباد مغفلها الزمان وتلاعبي = يحسبون قل المال في الرجل عذروبه

وانا قانع باللي علي كاتبه ربي = ومومن بمقدوره وقانع بمكتوبه

ولابغى عمى الاريا برايه يجربي = وهو ماعرف ماجوب ربي وماجوبه

هدور المجالس تراعي المدح والسبي = وهو بالخلا لو جاه بنت خذت ثوبه

يقولون لي جز من تصرفك وتحبي = وهي توبتي من مجتمعهم هي التوبه

ديار الوباء من طبها راح متوبي = وقرابة الجربا على الحول مجروبه

انا عارف منصاي الى من بدا نبي = وعارف طريقي والذي باتجه صوبه

وانا اعرف من اعادي وانا اعرف من احبي = وبه ناس لا تعرف ولاهيب محبوبه



وجاراها غازي بن دخيل الله بن عون بهذه القصيده


انا للكلام الزين يابداح ياحبي = وراع القصيده داعب القلب باسلوبه

تشوقت فيها يوم لقيتها لبي = تشوق محب شايف زول محبوبه

على شان في موضوعها ما حرص ظبي = وخلاني امشي مع مماشيه ودروبه

هجوسي تكبر مع معانيه وتلبي = وهو يشتكي من قسوة الوقت وخطوبه

ويلوم الهذور اللي على الهذر متربي = امشاهد عيوب الناس ما شاهد عيوبه

بخيل ذليل علته مالها طبي = وشذب القفا غاية مرامه ومطلوبه

عسا ساق من لامه بما قال تنجبي = نتيجة قذيفة بندق وجهت صوبه

ليا ظبها الجبار ماعاد تنظبي = صوابه من الركبه الى حدر عرقوبه

فانا الوقت مثلك يابن جدلان شيبي = وخلاني اشكي من بلاويه وكروبه

ذلول الهواجس دايم الدوم تشعبي = ونوب يغيبي عن الكون وشعوبه

اصارع هموم عن يمومي تغيبي = وتكشف لي اهات عن الخلق محجوبه

وانا في رجا اللي بامره الغيث ينصبي = مدبر ابن آدم خالقه غافر ذنوبه



وجاراهم عبدالله بن نايف بن عون بهذه القصيده


انا يوم غازي جاب تقريره الطبي = عن الاكلبي درته وفوجئت باعجوبه

وتواشا بجاشي واهج الشوق مشتبي = على مشرع حلو على الكبد مشروبه

ورمع للجنوبي رامع الشوق واجنبي = وعلى شوف ابن جدلان خاويت مندوبه

ولو ماجذبني لا عزيمه ولانبي = جذبني حديثه مع اثنين تناجوبه

ولا لوم ابن جدلان لو عاش متخبي = وهجر ساحة فيها الموازين مقلوبه

لو الميل له رادع وشتام ومهبي = ردع شلة صاروا على الشعر عاقوبه

احد صاير قاضي واحد صار متنبي = واحد صاير عوني على حسب مطلوبه

وهو لو يرد بحر المواهب على غبي = يصدر حصيله ما يجي ربع الانبوبه




اتمنى ان تعجبكم

مشكوووور أخوي ذيبان


أختيار رائع جدا جمع بعض عمالقة الشعر


تسلم يمينك ولا هنت

تقبل تحياتي...

تسلم ياذيبان
يعطيك العافيه على الاختيار الموفق
تقبل تحياتي

ذيبااااااااااااااااااااااااااااان

الله يعطيك العافيه وما قصرت

اختيار موفق جدا

الف تحيه لك

داهية عتيبه

الدلبحي

ابو سليمان

شاكر لكم مروركم

اخوكم ذيبان

اخوي ذيبان

سلمت يدينك وسلم ذوقك الحلو

وصح لسان الشعار

تحياتي

اخوك

ابن ذايب

سلمت يا ذيبان

وصح لسان الشعار الثلاثه

ولك تحياتي يا ذيبان

ابن ذايب

عتيبي عفيف

شكرا لكم

تسلم والله ...\

قصائد أكثر من روعة ..



تحياااااااااااتي