قصيدة في المكشــــاتــــ ... للشـــأعــــر سهـــل نـــايف الكســـر المرشدي

قصيدة في المكشــــاتــــ ... للشـــأعر سهل نايف الكســـر

أنــــــا لامنـــي نويـــــت المطــاريــــــش ... حطيـــت فـوق الجيـب عزبـة دلالـي

ونحّرتـــه لجـــرد السهــال المواحيــــش ... أمـــا مــزعتــه شــرق وإلا شمـالي

أمــــا خويـــن من رجــــال مـداغيـــــش ... وإلا عطيــت ابــه المهـــامل لحالـي

عــــوق الهمـــوم اللي تـوارد قناطيـش ... سـوق القدم مع جرهدي السهالـي

أبعــــد جنـــابـي عن جنــاب الأكاديـش ... اللــــي يغثــــون الرفيـــق الموالــي

قـــرب العفـون يطيّـش البـال ويطيـــش ... وإلا مـــع الخليــــان يـرتـــاح بالـــي

لا جيــت في نـزون شمعهـا مهاييـــش ... وشبيــت نـاري فــي طويل الظلالي

و جــال الهبـايب فوق راسي نشانيـش ... يجـــي لهـا من كـل فـج أجتــــوالي

ما أغبط هل الاموال والقـرش والعيــش ... دنيـــــن تـواليـها الفنـــــا والـزوالـــي

الراس خلـــه مرتفــع وانهــض الريـــش ... واحرص على الطيب على كل حالي

والرزق من منشي السحاب المراهيش ... الــرازق الـــوالي عـزيــز الجــلالـــي

حتى ايش يابعض الرياجيل حتى ايـش ... لــو ان عنــده مـــال .. مالــه ومالـي

ناســن علـى حفظ الـدراهم كماميـش ... مـن حبــها مايفـــرطـــون الريــالـــي

وإن صار في الدنيـا محـوش وتماحيــش ... تخريـطـــو عــن ملـزمـات الرجــالـي

صح لسان الشاعر الكبير / ابو نواف


ولاهنت يابن حشيان على النقل المميز ..


وان كانت لديك قصيدته اللي يقول فيها :


هو مزحمي ولا من اقصى الحناتيش // صافي الكلام الجرد عطني وكاده

ويقول :


لصيح في مزحم هل الخيل والجيش // كل ابلج ماطق ساسه رباده



ومشكووور يالغالي

صح لسان الشاعر الكبير سهل الكسر على هالقصيدة الجزلة
والله لايهينك يابن حشيان

صح لسان الشاعر الكبير / ابو نواف


ولاهنت يابن حشيان على النقل المميز

صح لسان الشاعر الكبير / ابو نواف


ولاهنت يابن حشيان على النقل المميز ..


وان كانت لديك قصيدته اللي يقول فيها :


هو مزحمي ولا من اقصى الحناتيش // صافي الكلام الجرد عطني وكاده

ويقول :


لصيح في مزحم هل الخيل والجيش // كل ابلج ماطق ساسه رباده



ومشكووور يالغالي


صح الله بدنك .... ولاهنت يااخوي محمد

صحيح سمعتها .... وقصايدة كلها جزلـــــه وقيمة

وشاكر لك مرورك يالطيب