مبروك ياصالح عدد مايصلون

هات القلم والبوك بعطيك مضمون=واكتب بيوت(ن) من ضميري رصدها
منطوقها حالي وتصحي هل النوم=اللي مراجلها ماتكفي بددها
من سمعها يصحى ولوكان مجنون=ويجلس يغنيها ويحصي عددها
لوقلتها للزير سالم سعدون=محدن من العالم يجي في نصدها
سويتها في لابتا(ن) كلها حصون=يذري ذراها في الليال ونكدها
ربعي بني مرزوق في مقدم الكون=اللي على الصعبات يزمي جهدها
ياجعل والله ربعنا مايهونون=اهل الكرم والطيب محدن ضهدها
ذباحة الحائل واهل عرض مصيون=والعز رايه قدمهم من شهدها
ان رحت للبدوان تلقالك صحون=حيل(ن)شحمها في الصواني غمدها
واهل المدينه كلبوهم يحطون=للضيف لاجا نازلاً في بلدها
قعدان وسمان(ن) على ماتشوفون=يلحقبها اللي باقي في مهدها
من حبهم للطيب حطوله غصون=يعيش به من لايثمن رغدها
اليا اجتمعتوا للفرح جمعة حصون=عسى السعد قدامكم في وعدها
مبروك ياصالح عدد مايصلون=واعداد حجاج(ن) تطوف بسندها
واعداد من زار المدينه يلبون=واعداد موتاناً بداخل لحدها
قلته وانا من عزوتا(ن) مايهابون=الموت في وقت الشدايد سعدها


الشاعر:معيوف بن راجح البقمي

صح للسان الشاعرمعيوف
ولاهنت يارع القايده

صح لسان معيوف

اشكر الاخوان الكرام على المرور الطيب