وصف القهوه في عيون شيوخ عتيبه الهيلا

هذا وصف في القهوه ,,,, من شيوخ قبيلة عتيبه الهيلا الافذاذ

[صورة غير متوفرة] (http://aldmasen.com/vb)


وهنا الشاعر الشيخ/ تركي بن صنهات بن حميد رحمه الله حيث يصف القهوة ويقول :



يا ما حلا يا عبيد في وقت الاسحار = جر الفراش وشب ضو المناره
مع دلة تجذا على صالي النار = ونجر الى حرك تزايد عياره
النجرب طق وجاذب كل مرار = مالفه الملفوف من دون جاره
في ربعة ماهيب تحجب عن الجار = لامن ولد اللاش ما شب ناره

[صورة غير متوفرة] (http://aldmasen.com/vb)

وهذا الشيخ الشاعر مشاري بن سلطان بن ربيعان رحمه الله ,,,يقول :


قم سو فنجال على خمسـه اجنـاس = احذر تجي حرقـه وبالـك نياهـا
خلك لها عن كل عذروب حسـاس = قيس لها الطبخه علـى قـد ماهـا
حتى يجي فنجالها يجلي الاعمـاس = عقب الصلف والسهرما اكبر غلاها
خصص مشاكيل على النار جـلاس = حبوس الرجال اللـي بعيـد مداهـا




وهذه قصيده طويله للشيخ / ذعار بن مشاري بن ربيعان رحمه الله

,,,,,منها


مع دلة صفرا على النار مركـاه = أبصر بصبتها على كيف روحـــي
فنجالها يشدي خضاب الخونداه = , الجادل اللي عند اهلها طموحـــــي
يا مكيف الفنجال خصص هل الجاه = راعي الجمايل قبل قن قموحـــــي
صبه لمن هو تنثر الــــدم يمنــــاه = يثي جواده عند راع اللدوحـــــــي
والثاني للي مــــاتوانامطــاياه = يظوي ليا صكت عليه النبوحـــي
وعده لمن عوص النجايب تنصـاه = ريفن لهن ليا جا الزمان اللحوحي
دب الدهر يضحك حجاجه لمن جــاه = وقت المعاسرمارد مايزوحي
وباقي الرجال فحول نسوان ورعاه = ضباط مال وحافظين السروحي
وراعي الردأماحدليامات ينـــــعاه = لا صار محروم جبان شحوحــي

[صورة غير متوفرة] (http://aldmasen.com/vb)


وايضا قول الشاعر الشيخ /ناصر بن بتال الشغار رحمه الله:


يامسوي الفنجال كثر بهاره = يقعد عماس الراس ريحه ليا أشفيت
ليازل بالفنجال يشدى حماره = اصفر كما زهم النعام الافاويت
عده على اللي يحتمل للخساره = أهل العزوم وخل عنك المشاميت

[صورة غير متوفرة] (http://aldmasen.com/vb)



ويقول الشاعر الشيخ / شليويح بن ماعز العطاوي رحمه الله :


يامسوي الفنجال عده لمـدوخ=واثنه لبن صـلال والجـلاوي
وأنا زبون الحرد أبو ضيف الله=لا كلح الشارب عن الشفاوي
أنا أحمد الله يوم أنا من لابـه=ماهم من قصار البتوع شـواوي

[صورة غير متوفرة] (http://aldmasen.com/vb)
جميع حقوق النشر محفوظه لمنتدى عتيبه الهيلا ...........الليث....... اتمنى ذكر المصدر لمن يريد النقل

القهوه لها قيمتها لمعروفه سابقاً وكانت قليله توفرها وممدوح الذي حوز منها ويكرم ضيوفه ومن الشواهد قول هيا بنت شبنان بن حميد مادحةً زوجها أحد رثوان المقاطي من رموز المقطة


شوقي يجيب الهيل في كم ثوبه = يفرح ليا جوه النشامى مسايير

وأيضاً كانت أروح مرهونه على شرب الفنجال والشهاد ماقاله السلات


عيب على اللي يشرب الفنجال = مايقطع الفرجه على راعيها

،،

موضوعك جميل جداً أخوي الليث تشكر على ماطرحته من مادونوه رموز القبيلة سابقاً في الشيء الذي له قيمته عند العرب

سمعت وأعتقد في قناة الأماكن شيله جميله جداً لقصيدة ذعار بن ربيعان يرحمه الله إذا وجدتها جبتها وإن لم تتوفر أتمنى من الأخوان إنزالها لكن أعتقد لاحد الآن سلطان الرياض لم يسمعها:)

موضوعك جميل جداً أخوي الليث تشكر على ماطرحته من مادونوه رموز القبيلة سابقاً في الشيء الذي له قيمته عند العرب

موضوع شيق واعجبني الطرح المميز الله يعطيك العافيه يالليث

اخوي الليث موضوع طيب الله يعافيك وحبيت اشارك معك بهالقصيده للشيخ الفارس الشاعر سند الحليس العتيبي من عتبان الحجاز ويلاحظ في الابيات الوصف المميز للقهوه
الأوله يا الله يا عادل الميل-- يا مطلع مضمون سر العبادي
قال الحليس اللي تهيض بقافين-- مثل العسل وإلا حليب العوادي
من ليلة الجمعة ليا ليل الاثنين-- ساهروأبادي في عسير المبادي
ما همني مال ولا همني دين-- غير الزمان اللي على السد بادي
قم يامحمد شب لي تالي الليل-- لاحل بعيون الرخوم الرقادي
شفي من الحاجات ست(ن) وثنتين-- ثمان ماش لها شدي يشادي
النجر والمحماس والبن والهيل-- وخمره ومصفاتين واربع زبادي
زين لها الحمسه وسقوتك بالكيل-- حتى يجي فنجالها اشقر يشادي
كنه ليا حول ببيض الفناجيل-- دم الغزال بروس بيض النفادي
الدول الاول قلطه للرياجيل-- وخلى الخصايص للوجيه البوادي
ربع(ن) يسرونك بليا هل الضين-- يعطون طلاب الحقوق الجوادي
وان جتك سمحه تمسح الورك بالذيل-- محنيت(ن) مثل الجمل بالهدادي
وليا اقبلت فزولها الربع الاقصين-- وخلا لها الترعه كبير الثنادي
عساه عند اللي لهم عندنا دين-- اهل البنادق والرماح الحدادي
لاجالين كربه ولا قاضين دين-- ولاهوب عن مجلي الانياب غادي
يسرح ويضوي في الغنم كنه القين-- وليا سرح وليا ان فيه السدادي
هات الطلي ياللي تبي لك ريالين -- يا جعل مالك عند ربي منادي

الله موضوع جدا جميل وقصائد جدا شيقه لوصف القهوه الله يرحم الشيوخ

وتسلم يمناك على الموضوع الجميل

لاهنت على الموضوع

مبدع اخوي الليث صياغه اكثر من رائعه مع الصور

شوقتنا لشبة النار والبر تسلم يالغالي.................


اصابوا لمن يقدم الفنجال ونفتخر بشيوخنا وقدوتنا

ذكروني بهذا البيت لابن مجلاد

وباق الملا يكفيهم التول لو شاب ** رصاصة المجلس حمير المشاعيب