[الكلمه الاخيره] للشعراء فقط . !

أسعد الله أوقاتكم بكل خير ..
..

[[الكلمة الاخيره]]



ونذكركم إن الشروط كـ الآتي :



1_يكتب الشاعر بيت واحد فقط من بدعه.
2_يبدأ البيت بآخر كلمه من البيت الذي قبله
3_لا يحكم البيت لا بحر ولا قافية ولا فكرة



و نذكر الأخوه على عدم البدء إلا بـ الكلمه [ الأخيره فقط ] .!


وهذا البيت واقول

المحبه زينة الوقت العبوس /// لو جرحي مايعالجه الطبيب



وبـ التوفيق

:)

الطبيب يطيب لو جرحي يطيب =و طب طبه ما بطبه اي أمل

امل حياتي كلها والدهر شين/// لولا المناوي والامل ضاقت النفس

النفس عيت تقبل الزاد والعيش=نفسي عيوفه بعد ما غاب عني

عني رحل وانتحى ماباقيٍ ٍٍ ياكود ذكراه=مانساه لو حالت الايام مابينه وبيني

بيني وبين اللي نوده ضواري =وظروف وقتي ترد يمي للاسف

لاسف كنا نظن بالخير في بعض الرجالي= لين شفت اللي يجنب عن رفيقه فالشدايد

فالشدايد بان راع الطيب فكاك النشايب= يوم ولد اللاش كاسب كسحة وجهه لبسها

لبسها يفتن لاجاء فوق اردفتها=لبسها ملعون ملعون الصلايب

الصلايب ساس للرجال وصله=وكل رجلن معدنه هوا الصلايب

الصلايب علقت برقابهنا = والكنايس علقو فيها صلايب


مافيه فكه من كلمه الصلايب يا ابو جبار
:d

الصلايب الجماعه عاقبوها=والطواريق الوسيعه ضيقوها
يالرفاقه فيه طلبه واسمعوها=أعتقوها واطلقوها في بحرها

بحرها يغرق رجال(ن)ماتعومه=كاملة بالزين سبحان(ن)خلقها

خلقها سبحان من هو كان خالقها=جميع وصف الحلا و الزين تزهي به

خلقها سبحان من هو كان خالقها =جميع وصف الحلا و الزين تزهي به

الصلايب من لعنها ماتوفق===ليه نظلم ناس ماتو بالقدايم

صح الله لساااااااااااانكـ ياسنايدي

خلقها سبحان من هو كان خالقها =جميع وصف الحلا و الزين تزهي به

تزهي به الليله وضاقن منها + باسباب عقد اللول لا صك بالعنق

العنق يذبح والخصر مرتع الروح=والعين سهم(ن)والخشم سلة السيف

صح لساااااااااااااانك

بالعنق موت وبالخدايد موت =يقطع وريد القلب و الشريان

شريان قلبي من غرامه تجلط=يانعبو جده ذبحني بغرامه

بغرامه جاك يزتم الغرامه=موقف شيز ثم جاب القسيمه

القسيمه نعنبوها من ظليمه +++++ كم وكم واحد معسر دفعها

القسيمه نعنبوها من ظليمه +++++ كم وكم واحد معسر دفعها





دفعها وراها الشاص من دون عرق سبيع=مغاتير فنجال العتيبي مدللها

مدللها على وضح النقا وتستاهل التدليل=أم العيال الي عيوني ما تلد الغيرها

الغيرها و الله مااسوق القدم يا حميـــد=ولو ان السماء تطبق على الارض باكملها

باكملها تجي لك كل كلمه جميله = حيثك مقر الطيب ياراعي الطيب

باكملها تجي لك كل كلمه جميله = حيثك مقر الطيب ياراعي الطيب



الطيب طيب الحظ والحظ لن طاب=كسبتها ثنتين دنيا وديني

ديني ودين اللي بوقت الشدايد= تكثر معاذيره وتبرد عزومه

ديني ودين اللي بوقت الشدايد= تكثر معاذيره وتبرد عزومه



الله عليك قطعت الطريق على الشعراء جميعا بيت من ذهب


لاعدمناك يامرزوق

عزومَه عُزومَه نفس من كان سده=بعيد و كتوم وَ لو تكثر مصايبه

معمر القذافي



مصايبة كثرت وشعبه تواطاه=امعمرن يانعنبوا جد جده

.

.
جده طويل ذراع رجلٍٍ محنك /// ولايقول جدي.. قلت وش فعل يمناك

يمناكــ .. عودها على مدت الطيب = ترفع لك البيضاء وتشكر مساعيكــ

مساعيكـ يابن آدم عمدها على المجهود=مع الحظ , وليا طاح! تراك شقياني

مساعيكـ يابن آدم عمدها على المجهود=مع الحظ , وليا طاح! تراك شقياني

مساعيكـ يابن آدم عمدها على المجهود=مع الحظ , وليا طاح! تراك شقياني

شقيان فالدنيا وشقيان فالدين **** ياللي تكاسل عن صلاة الفريضه

فريضة العبد السلامه من النار * خلك حريص ولاتفوت العباده

العبادة فالصيام وفالقيام=ومن يقول النوم منها ماصدق

ماصدق من قال جرحي قد برا**الجروح تزيد لافكرت فيها

فيها الجمال اللي فتني وانا اشوف***ياليتني ماشفتها يامشاري

يامشاري القلب عقبه صايبه ونه**ونين من صوبوه بمخة الساقي

يا الدعجاني وين انت حشرتنا في الساقي هذا

هههههههههههههههههههههه



الساقي الي عن نخلنا ردمتوه=خلوه يمشي لين يسقي نخلنا

نخلنا ملاعين الجدف لينه صفى اللماع=كما سهيل بنص الليل ماعسم غباره

هل الهلال ونوره اليوم سهاج=بلغ به العميان لجل اتشاهده

يا الدعجاني وين انت حشرتنا في الساقي هذا

هههههههههههههههههههههه



الساقي الي عن نخلنا ردمتوه=خلوه يمشي لين يسقي نخلنا



هههههههههه

مالهم حق يردمون الساقي

[§©¤][ سهاج ][¤©§][§©;1218950']
هل الهلال ونوره اليوم سهاج=بلغ به العميان لجل اتشاهده



ياسهاج انت شتلت مير ابا ارد عليك



اتشاهده مثل القمر في مداره***تمشي على نوره ليا صرت تايه

هههههههههههاي

لا واالله مالهم حق ليش الحسد

تايه تحصلك رجالٍ دواليل ** فالمعرفه والطيب كامل نموه

تايه تحصلك رجالٍ دواليل ** فالمعرفه والطيب كامل نموه



نموه على كلمه هلا والشحم والهيل *** ورثها من الجدان ماهيب عاريه

نموه فالردفين زايد شويه=سبحان رب(ن)صورة ثم حلاه

محمد سبقتني ياولد ابوي كان تأخرت شوي


هههههههههههههههههههه

عاريه على اللي مايمثل ربوعه صح ** يقولون جده طيب الفعل والسيره

عاريه على اللي مايمثل ربوعه صح ** يقولون جده طيب الفعل والسيره


السيرة موقعه من عمدة الحارة *** مير الوظيفه عجزنا لا نحصلها

نحصلها بقو العزم لاحاسد ولامحسود ** مصيبتنا من اللي يرفع المعتوه بذراعه

بذراعه اصبح فوق سطح الثريا *** ماجابها بالمال والا الرشاوي

رشاوي الخايب تغطي مساويه ** لو كان كل الناس تدري وتعرف

تعرف علاه وقال خصمي هذا عانوه *** بعد ما انكر التهمه بقسم الوزيريه

وزير يهبا بعد الخطا صار مفضوح ** تملت سجلاته وبان المخبا

المخبا عن عيون الناضريني *** نعمه من الله ولاحدن قد كشفها

كشفها اللي يخاف وخوفه المعروف من ربه ** وهاذي متعة الدنيا ماجابت درب للجنه

للجنه اجتهد يافهيد ولا تشفق على دنياك=فلا تنسى من الاركان ركنٍ واعمل السنه







ومبروك يا محمد على المنصب الجديد

السنه اللي في حكمها سنه = وش يفرق عن الواجب.. حكم سنّتها

سنتهااا مضت ماكن ماضي علاها اليوم=ونطلب من الله يهدي العود يدبلها

سنتهااا مضت ماكن ماضي علاها اليوم=ونطلب من الله يهدي العود يدبلها

يدبلها على الشيبان والموعد الراتب *** ولا يحسبون حساب هاذي وهاذيه


الله يبارك فيك يالغالي

هاذيه اللي تعل الكبد والخاطر ** الله يلطف بهم من شر تاليها




مبروووك المنصب يابو حميد
ويعلم الله انك تستاهل يالغالي

تاليها يقولون العرب مابوجهه خير *** لياصار يتلي حرمته وين ماراحت


الله يبارك فيك يابن مشيب
تستاهل الطيب يالغالي

راحت بلا تبرير دولة فلسطين ** الله يرحم قايدٍ قد حماها

حماها ابو تركي من غلو الجهل بالدين *** وهي قد هدت حياله الحرب الاهليه

الاهليه اللي فرقت بين صفين ** عسا الله يزيل من البلد من بغاها

بغاها وضيعها وضاعت على المسكين *** وانا قلت له خلك على قول جدانك

جدانك اللي طيبهم زود طيبك ** خلك على منهاجهم لا تزحزح

لاتزحزح يابيّض الوجه عن درب الكرم *** الكرم وهبه من الله قل للباخلين

للباخلين الطيبين الكرامي=قد سببوا عقده لهم بين الانام

لانام من قدمك لو وده النوم ** يبلش عباد الله ويرجع ينامي

الصلايب صلبة العين محفيت الخدود.....تعطي العين الحزينه لين يعبس رمدها

رمدها من أسباب السهر عقب شوف الزين *** وانا اعرف من اعماها وانا اعرف مداويها

يَنامي ماحسب للي يلومه =و الى كثر عتابه غض عينه

عينه مثل عين حرٍ برقعه نايف *** واليا عطا الجو جاب الصيد في لحظه

لحظه لا تعجل على المنكاف بس لحظه= أخاف من تلة القلب و معاليقه

معاليقه اللي تجذبه للوجع جذب ** مثل تلة المطفوق ماحسب اتلاها

اتلاها تعود يا محمد على ماش = الرفقه اللي بلا سيسان مبنيه

مبنيه على نبذ الوفا والمصالح ** طبيعه عساها بالمحا من طبيعه

طبيعه طبيعيه و لا كان مطبوعه = الاصليه باقيه و اللي غيرها زايل

زايل الشك مابيني وبين الحبيب *** وادري اني بقلبه دون شكٍ وريب

ريب في جوف صدره مايحقق مراد=مار قله يريح ومن بعدها يفلها

يفلها لا هاذي وذيه ولا قرر مصير ** يعيش في دنياه ماحسب وش اللي مقتفيه

مقتفيه اللي مقدر و الصاير صاير يصير =إن جفاه الوقت ولا قام حظه واعتلا

اعتلا حظ الحظيظ وجابله ماجابه ** واغلب العالم تدور حظها المنقضي

المنقضي من سبب فعل مسبب قضه=و من قضه بالايادي حالته منقضه

منقضة ابدانها بالصيف منقضه *** دجت عقب مات عنها طيب السيره

السيره اللي تنومس طول الايامي***سيرة محمد نبي الله ومرسوله

مرسوله اغليه لن جاني *** مير المراسيل مفقوده

مفقوده وين ياغالي لا والله غير موجوده =تفقد وين هي راحت يالين الريم تاجدها

تاجدها اليا بغيت العز والنخوه//عتابه اللي على الامجاد سباقه

سباقة ٍ للخير نفسي جزوعه ... مادامه الاسلام ديني وممشاي

ممشاي درب الطيب والطيب يعرف الدرب زين ** واللي جهل يمشي عساه يزود في ظلم جهله

جهله بمافي خاطري هيض القاف . . . عل وعسى مرسول فكري ينبٌيه

جهله على نفسه ولا هو عليه *** وان زاد في جهله تركته يولي

هههههههههاي قناص

شكلك قنصتها قبلي

هههههههههههه فيك الخير والبركه يخوي
بس انت تبي تسابقنا على كلش الله يجزاك خير
وهالمره غلبتك هههههههههه

كفوووووووو ياذيبان

ماعليك زود وانت راع الاوله دايم يالذيابي

جهله بمافي خاطري هيض القاف . . . عل وعسى مرسول فكري ينبٌيه


ينبيه من باب المعرفه ويغليه=خوفٍ عليه من الشتايم و الإجحاف

جهله على نفسه ولا هو عليه *** وان زاد في جهله تركته يولي


يولي أموره للشفافيح , قله =يصبر على الضيمي ويرضى بالإجحاف

الاجحاف في حق المساكين ممنوع ** ولاتحسبه يسكت على الضيم مده

مده يالين يشوف بوقت الضحى نجمه=أما يزوده طيب ولا رخامه

رخامه ليا اندسيت عن شوفة الضيفان *** ليا روحّو من عند بابك مقفيني

مقفيني من اللي ما عطاهم حق ** حقوق الضيف الضيف عنده مايوفيها

يوفيها عسى الله يرحمه مالحقه قصور *** حقوق الرجال اللي ورثها من اجداده

أجداده يمانيهم طليقة, حرار, نمور =الله يدره كان صيته كما اجداده

أجدادة اللي حموها من يدين العدو *** حتى ورثها قليل الخاتمه كلها

كلها ورث جده ماعليه ** يفتخر ويتباهى بالجدود

الجدود اللي فعايلهم تشرف من ذكرها *** واحمد الله فعل جدي زادني فخر ومعزه

معزه ليا زدت الطيب طيب ** يقولون مثله مثل جده

جده توفى عسى تغفر له ذنوبه= ولا كل واحد يبى يطلع مثل جده

جده تعلى في الكرم كل نايف
...................وناره على روس الطويلات حيه

حيه وذابحها الغرام بسهومه *** ياناشد ن عني هذا حال روحي

روحي يعذبها غياب المواليف
..............واسهر مع الذكرى على نار الاشواق

الاشواق تجذبني لياء شفتلي مشتاق=وشوقه يهزه من سبوته ليا راسه



(هي كذا والانا غلطان مدري كيف انتم قايلين)

راسه كريم اللي لمولاه ساجد
...................والادمي قربه لربه كرامه

كرامه صبيٍ عند خالد ورى أم الدوم *** كفيله سماري واشتغل عند مرزوقي


وهي حقيقه ليست تكملة البيت فقط وكفيله خالد بن نويفع السميري من ربع راعي الزرقا

مرزوقي الاصل والاسم يالروقه=يالي سحبتو برنت ل راعي الزرقاء

الزرقاء وراعيها هنا خابرينه ** مًوثقين العلم والرجل روقي

روقي وطلحي وسماري=وانشدكم وش المرزوقي

المرزوقي اللي من ظهور السواني *** بقوم يردون الخطر مايهابون

مايهابون الجموع اليا استعدت// ربعي عتيبه مخضبة السيوفي

السيوفي يابن مفلح لها هيبة فريده=و من هو قررب حدها رد علاه السلامي

السلامي كان عم إبكل ديره...والله انه مايداوي جرح غزه

غزه لها صرخة من قرن مكتومة =وجروحها مزمنه ماجى مداويها

مداويها نبي الله لياجت حزت الميعاد .... نقوم من السبات ونصطبح في صف إسلامي

مداويها غشيم ونيته يعلم بها ربي *** لكنه جا بيكحلها قليل العرف واعماها

هههههههه ياخوي الظاهر انك مستقصدني كل مالقيت كلمه حاشرتني فيها هههههههههه

واعماها قليل العرف من شلة حماس وفتح....ولكن الزمان بدورته يكشف لنا الخافي

هههههههههههه


الخافي أعظم ياوسيع البنايد *** مايعلمه ياكود رب البريه


وش الصدف المتكرره ياقناص

هههههههههههههههه لاهنت يالغالي

مداويها نبي الله لياجت حزت الميعاد .... نقوم من السبات ونصطبح في إسلامي


إسلامي تحت حكم الشريعه و القلوب صحاح=ويكون السد كبر السد ولا يبحث خفاها



مداويها غشيم ونيته يعلم بها ربي *** لكنه جا بيكحلها قليل العرف واعماها



أعماها يامحمد تجاهل و لا تعمد= المهم ان فيه عله ولا نعلم خفاها

الله يعطيك العافيه يالذيابي

البريه كان تقبل بالنصيحه ....السعاده كلها في جال ربي

ربي وانا طالبك تعفو عني *** عبدك ضعيف ولا لقى له حيله

حيله وسجل معك ظايع حيله=من يوم هذي سنتن ممشيه

ممشيه دروب السهل ممشيه *** اشو من دروب العنا بالحرة

الحره آخر من تدحدر منها=كان ابن اصل لاينكر الاصليه

مع انكم عطيتوا ردي جلى لكن معلييييييش


الاصليه ياعميلي على اسمها اصليه=ماتغيرها الظروف ودورة الايامي

الايام تكشف يابدر سرها المقفول *** وانا اوعدك لكشفها ولو طالت المدة

المرة هذي مالك عذر ياقناص القوافي

صح السنتكم ....وجمال ...عز الله انه جاب فكره

صح السنتكم ....وجمال ...عز الله انه جاب فكره



بجيب البيت على اخر تعليق لك ههههههههه


فكرة ونفذها ليا جبتها لك *** ان جات والا روحة مقيط ورشاه

رشاه قاصر والعوض مدة اليد ** لو مدة اليدين ماهي وسيله

وسيلة مواصلات وما توصلني *** دايم وهي عند باب البيت خربانه

خربانه ودها للتشليح = والعوض ياتيك من الله

عز ومه قويه مار ابن الردي بار

جفاء الضيوفه ملعون الرسايم

العين مزنة و الخدود هضاب= وجاري عليها كنه الشلال

أن صابت ولا مانقصت باذن الله

عز الله صابة ...............ياسنايدي هههههههههههههههههههه



تقبل خالص التحيه

الشلال اللي بمتونه *** اخلفني واخلف نظراتي

نظراتي علقت بعيونه=و الصدر حل به ضرباتي

ظرباتي من حلف النيتو=على باب العزيزيه

العزيزيه في جده *** حيٍ يفجعني سكانه

سكانه الضيق والاشواق سكانه...بيت ٍ بصدري عقب ماشد راعـيٌـه

راعيه اللي طرد ناقتك ياسالم *** ولولا الحيا من علي كسرت ذرعانه

ههههههههه

.
.
. ذرعانه مفتله والعين تقدح شرار / جاهل يحسب الامور اتحل بالملعنه

بالملعنه جيت مع خط يمر الجموم *** وانا احسب الدروب جداد وميسره

ميسره لو كل معسر تيسر=ولاحدن بمعسورن على غير ميسور

ميسور حال اللي كريمه ذراعه***لو كان مايملك عمارات وقصور

قصور ماش قصور والشك زايل *** والطيب بين الناس يالربع مقسوم

حركو الموضوع هذا نبي ناخذ فيه سجه

مقسوم رزق الادمي في حياته/لوكان ياقف له على الريع حساد

حساد خلق الله شعوب وقبايل *** وووجيهم شفحة ولا تقبل النور

النور والله طاعة الله ورجواه؛؛؛يوم ن بعض الخلق منزوع نوره

النور والله طاعة الله ورجواه؛؛؛يوم ن بعض الخلق منزوع نوره



نورة تقول انوار قصر اليمامه
.................................. بيتٍ لغازي شرق حي الحويه