كل عام والجميع بخير اول مشاركه
{عابرسبيل}13-Jan-2006, 08:59 PM
انا عضو جديد ويشرفنى التسجيل فى منتدى عتيبه الهيلا
ونتمنى نستفيد مع فطاحلة المحاوره ولو ان احنا طلاب بالنسبه لهم
ابا عايد عتيبه يوم جينا فى ليال العيد=على اول يوم لى فالمنتدى الى شعت انواره
وانا ياجاهلن عنى من العجمان بالتحديد=ابحط النقط فوق الحروف ورزة الشاره
مرزوق حمدان العتيبي13-Jan-2006, 09:42 PM
...
.
الله الله
ياعبر سبيل ... حياك الله في محلك ..
..
وانتظر الرد ياوجه الخير
مرزوق حمدان العتيبي13-Jan-2006, 09:49 PM
عسى عيدك سعيد وكل عام ٍ بالسرور يعيد = بعد جيت المكان اللي يشوف الطيب من زاره
مادام انك من العجمان ورجال الوفاء والجيد = ترى اللي مثلكم ياضيفنا نشفق على اخباره
{عابرسبيل}13-Jan-2006, 09:51 PM
...
.
الله الله
ياعبر سبيل ... حياك الله في محلك ..
..
وانتظر الرد ياوجه الخير
تسلم
الاخ مرزوق العتيبى ونعم والله ويشرفنى تواجدك
ودير بالك ترانى اتعلم :)
مرزوق حمدان العتيبي13-Jan-2006, 09:58 PM
ودير بالك ترانى اتعلم
كلنا نتعلم وانا اخووك...
على قولتهم الحال من بعضه ...
..
:)
وليد الزراقي13-Jan-2006, 10:09 PM
الله يحييك
وتسلمون على الطاروق الطيب
تحياتي
{عابرسبيل}13-Jan-2006, 10:15 PM
عسى عيدك سعيد وكل عام ٍ بالسرور يعيد = بعد جيت المكان اللي يشوف الطيب من زاره
مادام انك من العجمان ورجال الوفاء والجيد = ترى اللي مثلكم ياضيفنا نشفق على اخباره
مدامك فالمكان الله يعزك والمكان يزيد=يزيد الطيب والناموس من حجمه ومقداره
لفينا عندكم نبغا نجدد وارغب التجديد=تسير وانته الكبتن تعرف تقود طياره
حمد بن جوباح13-Jan-2006, 10:22 PM
((( صبوا قهوه للضيف )))
صحت السنتكم يالشعار
عابر سبيل
|44|
حياك الله في محلك وبين اخوانك
مشرفنا الغالي
مرزوق العتيبي
سلامة الاسفار
نور المنتدى بعد عودتك
واصلوووووا وازهلووووا
الصفوف
{عابرسبيل}13-Jan-2006, 10:27 PM
الاخ وليد الزراقى
الاخ العزيز راس حربه
لاهنتم على الترحيب وعاويدكم والله
وعسى الله يعينا بين هالاساتذه وفطاحلة الشعر لعل وعسى نكسب خبره عنده ومنهم
مرزوق حمدان العتيبي13-Jan-2006, 10:41 PM
قليل من العرب لاحل في وسط البلاد يفيد = من اجل انا بوقت ٍ زادوا اشراره على اخياره
انا شفتك بدار ٍ ثانيه توّك نزلت اجديد = وهذا يعني انك تنتقل من حاره لحاره
مرزوق حمدان العتيبي13-Jan-2006, 10:44 PM
...
الزراقي حياك ربي ...
...
راس حربه الله يسلمك يالغالي
الدار منوره بالطيبين شرواك .
لاهنت وشرفنا وجودك ..
اخوك ..
الشمالي الغربي13-Jan-2006, 10:51 PM
الله الله الله
عابر سبيل حياك الله وصح لسانك
مرزوق العتيبي
الحمدلله على السلامه يابو محمد وصح لسان
زانت السهر مافيها كلام
الليل الليل
متابع
ودي وتقديري
مرزوق حمدان العتيبي13-Jan-2006, 10:58 PM
...
.
هلابك يابو خالد..
الله يسلمك .
اسعدناا تواجدك ..
..
اخوك ...
{عابرسبيل}13-Jan-2006, 10:59 PM
قليل من العرب لاحل في وسط البلاد يفيد = من اجل انا بوقت ٍ زادوا اشراره على اخياره
انا شفتك بدار ٍ ثانيه توّك نزلت اجديد = وهذا يعني انك تنتقل من حاره لحاره
بلشنا وبتلشنا فالهروج الى لها ترديد=بهذا الوقت شفنا من صفق يمناه بيساره
جملنا يقطع البيدا وطبعه يمترح فالبيد=تبا هذى الاجابه والمحنك حافظ اسراره
{عابرسبيل}13-Jan-2006, 11:01 PM
الشمالى الغربى الله يحيك ويبقيك يالغالى
مرزوق حمدان العتيبي13-Jan-2006, 11:28 PM
لياجتك المشاكل حيد عنها يالسنافي حيد = عسى منها تجد لك حل والايام دواره
نعرف ان الجمل لو زان مشيه منتهاه القيد = بعد سويت قيده عانني قمت افتل اهجاره
{عابرسبيل}13-Jan-2006, 11:39 PM
لياجتك المشاكل حيد عنها يالسنافي حيد = عسى منها تجد لك حل والايام دواره
نعرف ان الجمل لو زان مشيه منتهاه القيد = بعد سويت قيده عانني قمت افتل اهجاره
:)
انا ماهمنى زايد ولا مزيد وبوهم زيد=وبو مزمار يامرزوق ليش يدق مزماره
اشوفك ياولد مره ولد ومرار كنك وليد=يامرزوق العتيبى احذر الايام بواره
((الدلبحي))14-Jan-2006, 02:56 AM
الله الله الله
عابر سبيل حياك الله وصح لسانك
مرزوق العتيبي
الحمدلله على السلامه يابو محمد وصح لسان
ازهلوا الصفوف
واصلوا
مرزوق حمدان العتيبي14-Jan-2006, 09:43 AM
ترى بعطيك مهله واعرف انك ماتروح بعيد = يابدر احسب حسابك واعرف الايام غداره
تجمعها تضيعها ومدك بالقصيد ازهيد = ومعروف الكريم اليا خسر ماعد مخساره
مرزوق حمدان العتيبي14-Jan-2006, 09:44 AM
..
.
الله يسلمك يابو حمود ..
شرفت الصفحه ونورتها بحروفك ....
ابن مشيب14-Jan-2006, 02:02 PM
الله الله صحت السنتكم نقض وفتل بين شاعرين متمرسين
مرزوق العتيبي و{عابرسبيل}
واصلوا متابعين إبداعاتكم
مرزوق حمدان العتيبي14-Jan-2006, 02:06 PM
..
.
صح بدنك يابن مشيب..
وتشرفنا متابعتك ياعصابة راسي
..
.
{عابرسبيل}14-Jan-2006, 02:48 PM
ترى بعطيك مهله واعرف انك ماتروح بعيد = يابدر احسب حسابك واعرف الايام غداره
تجمعها تضيعها ومدك بالقصيد ازهيد = ومعروف الكريم اليا خسر ماعد مخساره
يامرزوق انت ريس منتدانا وانت ابو ماتريد=وذا يرضيك نحزم عفشنا من فوق سياره
درسنا الفقه يامرزوق والتفسير والتجويد=ومثلك نحترم رايه وكلن يحترم جارهشكرا للاخ مرزوق الشاعر الكبير
وكل عام وانتم بخير
مرزوق حمدان العتيبي14-Jan-2006, 03:02 PM
ترى الدعوى سوالف والمعاني مابها تعقيد = ومكيال المعزّه يالوفي ماهس معياره
درست الفقه والتفسير لكن كيفه التوحيد = ترى اللي ماقرا التوحيد ضاع وضاعت افكاره
...
.
شكرا لك ياعابر سبيل ..
وصح لسانك .
وحياك في محلك ....
{عابرسبيل}14-Jan-2006, 04:00 PM
تسلم يامرزوق لاهنت طال عمرك ومافيه شك محل عتيبه يشرف من زاره
وانتم منتداكم مدرسه للشعر وكل الشعار اهنى اعلام وفطاحله وعلى راسهم انت يامرزوق انت مدرسه بروحك
وانا اتعلم واتمنى انى استفيد من خبرتهم
وشكرا للاخ ابن مشيب
