نواف ابن ثعلي للاهميه والعله القويه

يا وجيه الخير ساع انّه بدا ليل التحدّي=مرحبا بالشاعر اللي ماله اسم مع الاسامي
ليش في سدّ الجماعه تدّرق يا ذخر جدّي=ثم بكره ما تحصّل لا شداد ولا مسامي

..
.
الله الله يالفالح ..

ابدااااااااااااااااااااااااااااااع منقطع النظير :)

صح لسانك .. وبنتظار نواف ..

.

سأع زأن الليل والمسرع لأبدنه يهدٌي=البقى لكن شد الحيل والميقاف حامي

أتحزم بالرجال وعارف ً حدك وحدي=القديمي في يميني والمشوك في حزامي

الفالح ونواف
صحت السنتكم

لا تحدّاني تراني شاعرٍ ما انته بقدّي=انت توّك مبتدي والنّور اخير من الظلامي
ما نخلّيها تمرّ ولا نخلّيها تعدّي=عذرك اللي تذكره ما هو بمقنع خذ كلامي

ابو نجر النفيعي حياك الله

النشمي يا هلا ومرحبا






اخوكم الفالح

ماعليه منك خوف ومعك مابيحت سدٌي=زال رأس أشعيل يارجال في وسط الخطامي

أنت شاعر مار مدري وش تجيب وش توٌدي=مشكله ماراح فيها ألا حبيب والزلامي

ابونجر النفيعي
النشمــي


لاهنتو ,,,, وشاكر على مروركم

لا يغرّك يوم مزحي معك يطغى فوق جدّي=استحي من ربعي اللي كلهم عندي حشامي
وانت شاعر مار فالك شين والحظ متردّي=من يعاين فيك ما يعرفك قال اكبر حرامي

كف أبو زيد الهلالي في زمانه مايندٌي=تستحي ماتستحي ماعاد به برد وسلأمي

حظنا طيب وغير الموت أنا مافيه ضدي=يالغليم روحت مابه شراب ولا طعامي

لو اجامل معك لابدّي يابن ثعلي لابدّي=التفت لك بالسيوف اللي يقصنّ العظامي
فاكثر الابيات مدري ليش ما تعرف تردّي=نوب تخلطها حلال ونوب تخلطها حرامي

بارك الله فيك مار الحمل كايد ومتعدي=ياحليلك يالبعير اليوم جايلك سنامي

أنت مثل الي محله يستريح ويستعدي=يارد الرجال ضامي صدر الرجال ضامي

والله انّي فاللزوم وفالوجوب آقف واسدّي=وانت لو اوزنك وزنك ما يجي خمسه جرامي
وانت مثل الجندي اللي دوب سجّل مستجدّي=يا خذونه طقطقه لانّه غشيمٍ فالنظامي

نعم فيك وفالرجال اللي بياديها تمدٌي=مابقا الا تصدم الظلعان وتعود حطامي

أنت مثل الطالب ألي بالعدد دوبه يعٌدي=علمو مرزوق يهديله على المشرف وسامي

كان ما جت لك على ما تشتهيه وما تودّي=استرح والعلم خلّه عند حامين الجهامي
وابك انا آثق فيك واثرك يا ولد ملعون خدّي=فآخر الطرقه نغزك ابليس ملعون الرسامي

وانت مثل الجندي اللي دوب سجّل مستجدّي
يا خذونه طقطقه لانّـه غشيـمٍ فالنظامـي



الله الله


صحت السنتكم

يانواف صح اللسانك
نقض اكثر من رائع
ومبدع في اسلوبك

وصح اللسان الفالح

زبن القاضي

مشل

صحة ابدانكم

وشاكر على مروركم

تـــــــــــحــــــــــيـــــــــــا تــــــــــــــــــي

لا يغرّك يوم مزحي معك يطغى فوق جدّي
استحي من ربعي اللي كلهم عندي حشامي



الله يبيض وجيكم


ونستونا

زبن القاضي


مشل


كابتن عتيبه مشكورين لاهنتوا

..
.
محاوره من اروع المحاورات
.. لاهنت يالفالح ولاهنت يانواف
كلكم مبدعين ....