من آخر محاورات رشيد الزلامي وصياف السحيمي رحمه الله ... ( نادرة من جنسها )

بسم الله الرحمن الرحيم

أخواني أعضاء الهيلا


السلام عليكم ورحمة الله وبركاته

مساكم الله بالخير .. وشلونكم .. إن شاء الله كلكم طيبين.



أحب أهديكم محاورة نادرة ومختلفة نوعا ً ما عن أكثر المحاورات ..


لأنها لم تأخذ طابع التحدي كمثيلاتها من المحاورات ! .. بل اخذت طابع الذكريات وربما العزوف والملل من شعر المحاورة والإعتراف بمكانة الخصم (( بدلا ً من إبراز العضلات أو على الأقل التحدي ومحاولة التغلب على الخصم )) .. فكأنهما لن يلقيا بعضهما بعد هذه المحاورة ..

محاورة من النوع الفريد ..
لأنها كانت من المحاورات الأخيرة بين رشيد الزلامي وصياف السحيمي رحمه الله ..

للمعلومية كانت المحاورة بعد غياب صياف عن المحاورة , بمعنى أنها تعتبر حالة استثنائية لصياف حيث انه كان معتزل !
" ولكن لقاء الكبار لايغيره الزمن " ..


وللأمانة فقد وجدتها في موقع جريدة الجزيرة ـ يعني أنها قد نشرت سابقا ً في الجريدة .

رحم الله صياف السحيمي وأطال عمر رشيد الزلامي :




الزلامي :



الصاحب اللي غاب عنا سنه واليوم شفناه=ماودي أنشد صاحبي عارفٍ سبة غيابه
بس المهم اليا تعافى نقول الحمدلله=ون كان ماقالوه خندف يقولونه شبابه



صياف:


الادمي فالكون مسؤول عن دينه ودنياه =اما رجع ولا تلوى به الذيب وسرابه
ليت الزلامي هاك الايام خامسني بيمناه =ثم أعتزى بحزامه اللي مع الناس اعتزوابه به




الزلامي:


ياصاحبي صياف ماقيل فالماضي لقيناه=مليت من مشعان مجول وهذيك الربابه
إلى صدف له واحدٍ في هذاك الدرب خاواه =وانا اتحرى صاحبي لين تلفي به ركابه




صياف:


روح إقلب الصفحة وتلقى الكتاب اللي كتبناه=وان كان ماتقراه يقراه غيرك بالنيابه
ياليت ذاك الحمل عند العرب فقصاه وادناه =لكن اخاف إنك تجي به وتعطيه القرابه




الزلامي:


شفنا لنا خطٍ على الصفحه ملواه=واكيد ماهو من كلام النبي ولا الصحابه
العام يوم إن سوق الجمل يازين ممشاه=واليوم عسى الله يغيثه بقطره من سحابه



صياف:


هرج الزلامي لو تلقاه فالسوق اشتريناه=لكن من كثر الحسد يلتوي به فالشعابه



( إنتهى ..








نادر العش

.

^

^

الله .. الله

ما أروعها وأجملها من معاني

رحم الله صياف

وحفظ الله رشيد

وسلمت يمينك ... يا نادر العش ..

^

^

***

الله يرحمك ياصياف

محاوره مايجيدها الا الشعار الكبار

مشكور يانادر العش

رحم الله صياف واطال في عمر رشيد الزلامي وعمرك اخي نادر وبيض الله وجهك على هالمحاوره الرائعه ونتمنى منك الا تطيل علينا الغياب لاننا بانتظار مواضيعك الشيقه.

الله يرحم صياف ويطول عمر رشيد الزلامي
وعمرك اخي نادر العش

بيض الله وجهك

الله يرحم صياف توفي وخلد سيرة عطره


الله يرحمه


كل ما أشرقت الشمس والله يرحمه كل ماغابت الشمس


والله يطول في عمر رشيد الزلامي وينصره دنيا وأخره

والله يوفقك وينصرك يانادر العش ...!



دمت مبدع وستبقى مبدع

نادر العش ,,,,

الاداره حكيمه ,,,وذلك لمنحك وسام التميز ,,,رغم

قلت مشاركاتك ,,,ولكن لايعيبك ايها العضو المتميز

قله مشاركاتك ,,,فقليلك منك عن كثير من غيرك ,,


محاوره بالفعل رائعه رائعه رائعه ,,,ادخلتنا في

جو المحاوره وعصرها الذهبي ,,,,

دمت بود ياصديقي

.


شامان


وجودك مشرف للمتصفح ..




روح جاي

العفو طال عمرك .. والشكر لك انت على المرور .



ابو فايح

جعل عمرك طويل .. وبيض الله وجهك على مرورك ..
وبالنسبة لغيابي عن المنتدى احيانا ً أبي أعوضكم عنه بمواضيع شيّقة على قولتك .. يعني " أبشروا بالمقاطع :) "




صعوط المجانين

طال عمرك يالغالي .. ووجهك ابيض ..
شاكر مرورك ,




ابن نميان

آمين ..

جزاك الله خير على الدعاء ..
والله يبيض وجهك .. وانت من الأعضاء اللي تواجدهم في المتصفح مهم جدا ً ..




طويق

أنت ممن حصلوا التميز وأثبتوا التواجد بجدارة .. " يامتميز "
أما بالنسبة لما أقوم به , هو عبارة عن شيء أقدمه لأولي التميّز كـ أنت مثلا ً لكي أعتذر به عن طول الغياب ..

لك الشكر حتى تبتسم ياصديقي ..




.






شاكر للجميع مرورهم ومشاهداتهم ! .





.

الله يرحم صياف ....... ويحفظ رشيد الزلامي

اخوي نادر العش...

لاهنت على النقل الرائع للمحاوره وماقصرت

تحيتي لك