حمــــدت رب رد ذروه عليه … من عقب ما راحت معا نسل عواد

القصه قديمه من قصص قبيلة الدواسر وهي عن تقدير الجار ، وحصل ان صالح بن عبدالهادي من قبيلة يام كان جارا عند شلهوب بن ثويني وشلهوب من امراء العمور من الدواسر ، وعند ما ربعت ديار قومه نزح من عند الدواسر وجاره شلهوب الى جماعته ، وبعد حوالي سنه غزا محمد بن عواد من امراء الصخابره من الدواسر ، واخذ ابل من ضمنها ناقة صالح بن عبدالهادي اليامي جار شلهوب السابق ، والناقة كانت من اطيب نياق اليامي وغاليه عنده ومعروف حب البدوي لناقته حيث يفادي بنفسه دونها ، فركب صالح بن عبدالهادي اليامي الى جاره شلهوب الدوسري فلما وصل عنده سلم عليه ، قال ياجار ناقتي فلانه عند ابن عمك فلان ويقصد( محمد بن عواد ) وانا اعرف ما في وجهك منها شي ، لكن ناقتي من يوم اخذت وقلبي وجيف بعدها.

قال الامير شلهوب بن ثويني تعشى ونم والصبح سوف ييسر الله كل عسير ، فلما اصبح شلهوب ارسل ابنه خالد لابن عمه الامير محمد بن عواد الصخبري الدوسري ، وقال : سلم لي عليه واخبره بأن الناقه راعيها عندي ، فلما وصل ابن شلهوب الى محمد بن عواد قال : يسلم عليك والدي ويقول الرجل اليامي ناقته عندكم وهو جارنا ولا في وجهنا شي منها لكن هو جارنا وهو يطلب ناقته بالمعروف وقد جاء جاهدا لنا ونحن جئناك لعلك تقدر مجيئنا ، قال محمد بن عواد : الله يحييك والرجل الذي يعز على أبيك يعز علينا كلنا وهذه هي ناقة قصيركم بدل عنوته لكم وانت يا ابن شلهوب لك هذه الجوخه بدل مجيئك وتعبك لنا، وبهذه المناسبه قال صالح بن عبدالهادي اليامي ابيات يوضح قصته:

حمــــدت رب رد ذروه عليه
من عقب ما راحت معا نسل عواد

من عقبها ما كن عنـدي مطيه
عفت المنام ولذة الشرب والزاد

ارفــع لهـم مني سلام وتحـيه
وابني لهم بيضا على روس الاشهاد

واخص ابو خالد زبون الونيه
لا دبروا ما بين مقفي وطراد

ويقصد ابو خالد : الامير شلهوب بن ثويني الدوسري.

ويعتبر هذا من تقدير الجار للجار وابن العم لابن العم قديما
-------------------------------------------------------------------------
زماننا غير زمانهم وحتى نتذكر الاولين
اخوكم ابن نجـد

ابن نجد

الله يكثـــــر من امثالك .

مشكور يا ابن نجد ..

قصه جميله