سارح البال هل شربت من ماء النيل !!!!!!
نقا شباب31-Jan-2008, 07:11 PM
سارح البال كيف الحال
يعلم الله اني ودي باللعب معك
ولا اطولها أستلم لا هنت .......
وين انت يا سارح البال=من بعد جتك المراسيل
يجيبك الوقت لو طال=يا شاربن مويت النيل
بندر المرشدي31-Jan-2008, 07:22 PM
سارح البال كيف الحال
يعلم الله اني ودي باللعب معك
ولا اطولها أستلم لا هنت .......
وين انت يا سارح البال=من بعد جتك المراسيل
يجيبك الوقت لو طال=يا شاربن مويت النيل
صح لسانك واعتلى شانك
وفي انتظار سارح البال وصح لسانه مقدما
عبدالرحمن الهيلوم31-Jan-2008, 07:26 PM
موفقين وصحت السنتكم ومتابعينكم
معجب العتيبي31-Jan-2008, 07:34 PM
اهلا هلا كيف الاحوال=فالمجلس اللي به الهيل
الصوت جره بموال=وابعد عن القال والقيل
نقا شباب31-Jan-2008, 07:43 PM
الله الله
سلمت والله لا يهينك استلم ....
الك البقى نسل الابطال=والوضع يحتاج تحليل
قبل امس يا كثر الازوال=واليوم روح بها السيل
معجب العتيبي31-Jan-2008, 08:03 PM
ياصاحبي شي ينقال=واشيا كثيره من الميل
بعض العرب عنده اشغال=وطلاب ماناموا الليل
معجب العتيبي31-Jan-2008, 08:09 PM
بندر المرشدي وعبدالرحمن الهيلوم
حظور متميز ومتابعه تشكرون عليها
وصحة ابدانكم
نقا شباب31-Jan-2008, 08:24 PM
الله الله .........
مهتال يا الربع مهتال=والباب يحتاج تقفيل
ما شفت لي راعي المال=الي يقول اوفي الكيل
نقا شباب31-Jan-2008, 08:26 PM
بندر المرشدي وعبدالرحمن الهيلوم
حظور متميز وتشكرون على المتابعة
وصحة ابدانكم
سلطان الجـذع31-Jan-2008, 08:30 PM
الله الله يابن شباب ...
لله درك من شاعر
صح لسانكـــ
سارح البال شهادتي فيك مجروحه
صح لسانكـ
عبدالرحمن الهيلوم31-Jan-2008, 08:40 PM
د/غسان31-Jan-2008, 08:42 PM
نقا شباب وسارح البال صحت الالسن
معجب العتيبي31-Jan-2008, 08:47 PM
حذراك ياطيب الفال=تبلش بحل المواويل
مايمسك المال محتال= وان صار خلاه تحويل
@ـايل31-Jan-2008, 08:55 PM
الله الله
صح لسان الشعار
نقا شباب
سارح البال
واصلو بيض الله وجيهكم
معجب العتيبي31-Jan-2008, 08:56 PM
سلطان الجذع
الدكتور غسان
صحة ابدانكم وشكرا على الأطراء
نقا شباب31-Jan-2008, 08:56 PM
الله الله
استلم طال عمرك...
يللي على شفة الجال=قيل القدم قيلها قيل
وحذر ترا يحصل اشكال=حلحل ليا كنت حلحيل
نقا شباب31-Jan-2008, 09:08 PM
سلطان الجذع و د غسان وهايل العتيبي
شكرن للمتابعه والمرور الكريم
عيد العازمي31-Jan-2008, 09:50 PM
نقا شباب وسارح البال صحت الالسن
معجب العتيبي31-Jan-2008, 09:57 PM
القلب بالحيل ميال=ينبض غلا بعد مايميل
دام الخطر مابعد زال=الخوف من راعي الفيل
مـنـصــور31-Jan-2008, 10:10 PM
الله الله ياشعار
الطاروق راااائع
وصحت ألسنتكم
معجب العتيبي31-Jan-2008, 10:18 PM
منصور لاهنت على الحظور المشرف
نورت المتصفح
نقا شباب01-Feb-2008, 02:52 PM
الله الله ...
استلم استلم ...
هاك العصى ونت جمال=ينقصك مزهب ودربيل
ولو راعي الفيل يختال=نعميه بطيور ابابيل
نقا شباب01-Feb-2008, 02:57 PM
العازمي و منصور
حياكم الله
والف شكر على المرور و المتابعة
معجب العتيبي01-Feb-2008, 03:23 PM
مابه عصا عند وبال=والشوف منتاز بالحيل
ترا السوالف يارجال=بالحيل فيها تساهيل
نقا شباب01-Feb-2008, 04:00 PM
ياسلام يا سلام
يللي لبست الثقه شال=يازين لعب المصاقيل
البس على راسك عقال=وكتب على الباب تقبيل
معجب العتيبي01-Feb-2008, 07:51 PM
ههههههههههههههههه
لاعب ولا سجل اقوال=يحتاج بالحال تبديل
اقوال مابعدها افعال=تنسا ليا روّح الليل
نقا شباب02-Feb-2008, 09:08 AM
الله الله
يا زين العب معك (( وما الومك .......!!!! ))
لا شب فيك اشهب الال=اكلوز من بعد تحميل
خلك مدافع و فعّال=و الفعل يحتاج تفعيل
معجب العتيبي02-Feb-2008, 11:25 AM
لاجاك من خصمك الصال=كلوز معناه تقفيل
لاصار فزعات وقتال=هجوم كاسح كما السيل
اخوي نقا استمتعت باللعب معك
واستفدت من اسلوبك الراقي
ومشكوووووووور على اتاحة الفرصه
نقا شباب02-Feb-2008, 11:48 AM
سارح البال/
انت شاعر متمكن بيض الله وجهك
والفايده انا الي كسبتها ولاّ انت مدرسه
الله يبيض وجهك مليوووووووووون
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
