من اروع ماسمعت ؟؟؟؟؟

قصيده رائعه ولكن للاسف لااعرف قائلها:

غابت ثمان سنين حل وترحال = غابت ثمان كلها مدلهمه
قضيتهابالحب والشوق رحـال = بشوق تجلى كل ياسه وهمه
دورت عنها سنين وشهور وليال = ولفيه فج غير وجهت يمه
وبعد الثمان اللي تعبها برى الحال = جاب الزمان الكارثه والمطمه
جاني ولدها يبتسم بين الاطفال = ومن بسمته ذكرت انا بسمه امه
شفته وصاح بداخلي كل الامال = بصوت عجزت بكتم الانفاس المه
ركضت له دمعي على الخد همال =ومن كثر شوقي قمت بالحيل اضمه
وساعة حضنته والطفل في يدي مال = شميت ريحتها على اطراف كمه
واستلهمت نفسي مقادير الاهوال = وتم الضياع واكدت لي متمه
ليت الغياب اللي شغل غربتي طال = ولادور العاشق على حرق دمه
اليوم بنت الناس في بيت رجال = وحب على غير الشرف لي مذمه
ارجع غريب سكته بر ورمال = يموت يحيا يندفن مايهمه

فعلا رائعة ياياسر ... بيض الله وجهك
وصح لسان الشاعر ... وعسى الله يعوضه خير .